Jon Iurrebaso iheslaria preso sartu du Frantziako Poliziak
Frantziako Poliziak astelehen arratsaldean atxilotu zituen Hendaian Jon Iurrebaso eta Manu Azkarate iheslari politikoak. Azkarate aske geratu da, baina Iurrebaso Seysses-eko (Okzitania) presondegian sartu dute preso.
20:30 inguruan atxilotu zituen poliziak auto berean zihoazen Iurrebaso eta Azkarate.
Azkaratek Naiz.info-ri azaldu dionez, Hendaiatik Donibane Lohizuneko polizia etxera eraman zituzten, eta handik Baionako komisaldegira. Polizien jarrera "bortitza" izan zela gaineratu du iheslariak.
Antza, Iurrebaso atxilotzeko agindua Pariseko auzitegi batek eman du, Naiz.info-k dioenez. Albiste agentziek jakinarazi dutenez, Hendaiatik irtetea debekatzen dion epaia bete ez duelako atzeman du poliziak.
Euskal Iheslari Politikoen Kolektiboak gogor salatu du atxiloketa: "Urteak dira Ipar Euskal Herrian bizi dela Jon, agerian, bertako gizarte bizitzan erroturik, eta medikuen zaintza pean, eritasun larri bat daukalako". Kolektiboarentzat "ulertezina" eta "onartezina" da preso sartzea.
Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.
Etxerat elkarteak jakinarazi duenez, Luis Elisardo Roncero Retortillo gasteiztarra eta Anartz Aranbarri Etxaniz ondarrutarra Euskal Herrira itzuli dira. Biak euskal gatazkak eragindako iheslari ohiak dira.
2002an sortu zen Ataramiñe argitaletxea, eta ordutik euskal errepresaliatu politikoek idatzitakoak argitaratu ditu. 2017ra arte lan kolektiboak argitaratu zituen, eta horietako zenbaitekin antologia osatu du: Urrun da zeru urdina. Ataramiñe 2002-2017. Ez da... [+]
Biarritz, 1972ko urriaren 14an. Javalquinto lorategietan, udaletxearen ondoan, Nguyen Van Dong vietnamdar herritarra suizidatu zen, bere buruari bonzo erara su emanda.