Jerusalem ekialdean UNRWA debekatu izanak are gehiago zailduko du Gazarako laguntza
Urtarrilaren 30 honetan abian jarri du Israelek Jerusalem ekialderako UNRWA Palestinar Iheslarientzako Laguntza eta Lan Bulegoaren debekua. Urtarrilaren 15ean adosturiko su-etenari segi, bahituen eta presoen hirugarren trukea dute ostegun honetan.
Urtarrilaren 15eko su-eten hauskorraren harira, beraien etxe izan zuten lekura itzultzen ari dira Gazako palestinarrak. Al-Jazeera komunikabidearen arabera, dagoeneko 500.000 dira Gaza iparraldera itzulitakoak. Gazako Zerrendaren iparraldera heltzen ari den jende oldeari laguntza humanitarioa bermatzean datza egun hauetako erronka potoloetariko bat. Eta horregatik da arriskutsua UNRWA Palestinar Iheslarientzako Laguntza eta Lan Bulegoa Jerusalem ekialde okupatuan hesteko erabakia. Funtsean, ondoko abisua luzatu zuen urtarrilaren 28an UNRWAko komisario Philippe Lazzarinik: "Prozesu politikorik gabe eta nazioarteko komunitatearengan konfiantza oso ahula dagoen honetan, gure operazioak mugatzeak arriskuan jarri dezake su-etena".
Israelgo Parlamentuak iazko urrian onartutako bi lege ditu oinarri debekuak. Lehenak, UNRWAren jarduerak debekatzen ditu Israelen, baita okupaturiko Jerusalem ekialdean ere. Bigarrenak, UNRWArekin lan egitea debekatzen die Israelgo arduradunei. Jakinda Gazarako sarrerak kontrolatzen dituela estatu sionistak, laguntza humanitarioa sarrarazteko bidean oztopo bat gehiago dira bi lege horiek.
Bizitokiak zein edozein oinarrizko azpiegitura, Gaza iparraldearen %80 baino gehiago dago erabat suntsiturik. Hori horrela, kanpamentuetarako materialaren behar gorria dute: 135.000 kanpa-denda edota karabana galdetu dizkie nazioarteko eragileei Gazako Gobernuak. Zifra ofizialik ez bada ere, itzulerak heriotzarekin ere errimatu dezake, zartatu gabeko bonbengatik. Su-etenaz geroztik, 23 lirateke horrelako hildakoak, NBEren arabera.
Bahituen trukea, hirugarrena
Urtarrilaren 30 honetan egitekoa dute bahituen eta presoen arteko hirugarren trukea: Israelek 110 preso askatu beharko lituzke –horietan 30 ume eta 32 bizi osorako kartzela zigorra betetzen ariturikoak– eta Hamasek, bere aldetik, zortzi –hiru israeldar eta bost thailandiar–. Hamasek aske utzi baditu ere zortziak, Benjamin Netanyahuk ordu pare batez eten egin du presoen askatzeko prozesua. Hamasen esku artean diren bahituak askatzerakoan "segurtasunaren" bermea lortu arte atzeratu egin du trukea. Al-Jazeerak 14:00etan jakitera eman du, ordea, bermea lorturik, berriz abiatu dutela 110 presoen askapena.
Urtarrilaren 15ean adostu zuten su-etenerako akordioa, hiru fasetakoa izan beharko lukeena. Hitzartutakoari segi, hamaseigarren egunean –matematikoki 30 edo 31n– hasi beharko lirateke bi aldeen arteko negoziaketak, su-etenaren bigarren fasea adosteko asmoz. Bahitu guziak askatzeko zein Gazatik Israelgo armada ateratzeko bideak izanen dituzte eztabaidagai nagusi.
Zisjordanian, su-etenik ez
Zisjordaniari dagokionez, palestinarren kontrako erasoak gogortu ditu azken egunetan Israelek. Zisjordania iparraldeko Tamun hiria bonbardatu du urtarrilaren 29an eta hamar palestinar hil ditu. Hilabete honetan, gutienez 45 palestinar hil ditu Israelek Zisjordanian, Palestinako Osasun Ministerioaren arabera.
Aste bat lehenago, urtarrilaren 21ean, Jenin errefuxiatuen kanpamentura zen sartu Israelgo armada. Israelgo Defentsa ministro den Israel Katzek bisita egin du Jeninera urtarrilaren 29an, eta jakitera eman dienez "modu iraunkorrean egonen da Tsahal [Israelen armada] Jeninen".
Israelgo lehen ministroa Segurtasun Kabinetearekin biltzekoa zen asteartean, "Gaza osorik okupatzeko planaz" eztabaidatzeko eta hori aurrera eramateko; baina atzeratu egin dute bilera. Israelgo armadaren buru Eyal Zamirrek, aldiz, Gazan diharduten lurreko soldaduei... [+]
Bahituen "egoera larriaz" eztabaidatuko dute biltzarrean egongo diren herrialdeek, Danny Danon Israelek Nazio Batuen Erakundean duen enbaxadorearen arabera. Hamasek adierazi du bahituek osasun arreta jasoko dutela baldin eta Israelek Gazara laguntza humanitarioa... [+]
109 elkartek adierazi berri dute, tartean Munduko Osasun Erakundeak edo Mugarik Gabeko Medikuek, Gazan gosete masiboa sufritzen ari direla, Israelgo Gobernuak hala erabakita. Bi milioi lagunen kontra gosea arma gisa erabiltzen ari dira, etekin politikoak lortu asmoz. 2025ean,... [+]
Bilboko 13 konpartsek iragarri dute ez dutela Coca-Colarik salduko Aste Nagusiko txosnetan. Instagramek albiste horri buruzko Deiaren argitalpena iradoki zidan, eta iruzkinak hiru multzotan sailkatuko dizkizuet: konpartsei isekak, halako ekintzek eraginik ez dutela... [+]
Milaka lagun bildu ziren Vienan ekainaren 13tik 15era, lehen edizioa izan zuen Judu Antisionisten Kongresuan. Hiru egunez eztabaidatu eta hausnartu ostean, ohar bat argitaratu dute Israel palestinarren aurka egiten ari den genozidioaren eta garbiketa etnikoaren aurrean ahotsa... [+]
Yinon Levi izeneko kolonoak Odeh Hadalin aktibista hil du Zisjordania hegoaldean. 'No Other Land' dokumentala grabatzen lagundu zuen Hadalin, dokumental onenaren Oscar saria irabazi zuen martxoan. Kolono hiltzailea palestinar lurraldeak okupatzeagatik AEBetako zigor... [+]
The Lancet aldizkari ezagunak iazko uztailean eginiko "aurreikuspen zuhurraren" ondoren, zuzenean eta zeharka Gazan hilda egon daitezkeen palestinarren kopurua eguneratu du Steven Donziger abokatu entzutetsu estatubatuarrak, The Lancet-en formula... [+]
Nire gorputza erortzen ari da. Ama kolapsatzen ari da nekeak jota. Nire lehengusuak egunero jokatzen du bizitza laguntza pixka baten truke. Gazako haurrak gure begien aurrean hiltzen ari dira eta ezin diegu lagundu.
Nafarroako Kutxa Fundazioari esker 41.000 euro bideratuko ditu Palestinara Salam Gaza Gobernuz Kanpoko Erakundeak, umezurtz geratu diren haurrei eskolak bermatzeko gutxienez beste urtebetez. Alor akademikoa eskaintzeaz gainera, babes psikologikoa eta laguntza emozionala... [+]
"Pausa taktiko" gisa definitu ditu Israelek. Igandean hasi da eta 35 kamioi sartu dira Gazako zerrendara.
Milaka pertsonak modu aktiboan parte hartu dute, eta hala jarraitzen dute, XXI. mendeko holokausto telebisatu handienaren aurka protestatzeko, eta pertsona horiei errespetu eta miresmen handiena zor diet. Baina, gizateriaren zoritxarrerako, askoz gehiago dira, egoerarekin... [+]
Beasaingo enpresak 1.695 milioi euroko kontratua lortu du Belgikako SNCB-NMBS tren konpainia publikoarentzat 54.000 plaza dituzten bagoiak egiteko. Baina aurretik, belgikar konpainiak eskatu dio bere jarduerek nazioarteko zuzenbidea eta giza eskubideak errespetatzen dituztela... [+]
Abu Youssef Al-Najjar Ospitaleko zuzendari Marwan Al-Hams kanpainako ospitaleen arduraduna da eta Gazako Osasun Ministerioko bozeramailea. Uztailaren 21eko arratsaldean atxilotu dute Israelgo Indar Armatuek.
"Oinarrizko premiak bilatzen dituzten bitartean zibilak, haurrak barne, anker hiltzea" salatu dute. Gazan hamabost pertsona hil dira gosez azken 24 orduetan, eta AFP albiste agentziako kazetariek ohartarazi dute euren lankideak gosez hiltzen ari direla zerrendan,... [+]