Jerry H. nigeriar homosexuala deportatzea bere bizia arriskuan jartzea dela salatu du Les Bascosek
Jerry H. nigeriarra da eta bere orientazio sexualagatik jasandako jazarpenak bultzatu zuen herrialdea uztera. Orain, Pauko administrazio epaitegiak migratzailearen apelazioa ezeztatu ostean, berehala deportatua izateko agindua du eta mobilizazioak antolatu ditu Les Bascos/Arcolan elkarte baionarrak: “Nigeriara itzultzea bere bizia arriskuan jartzea da, konturatu daitezela bere patua erabakitzen ari direnak”.
Jerry kanporatzearen aurka gutuna bidali dio Les Bascos Euskadiko LGBT elkarteak Pirinio Atlantikoen departamenduko prefetari. Erabakia birpentsatzeko eta jarrera humanitarioa hartzeko eskatu diote, gizon hau Nigeriara kanporatzea “etorkizun tragikora” kondenatzen duen “basakeria” delako. Kanporatzearen aurkako ia 5.000 sinadura ere aurkeztu dituzte, manifestazioa egin dute ostiral goizean Bordeleko erretentzio zentroaren aurrean (bertan da Jerry), eta larunbatean Jerryren aldeko babes mitina prestatu dute leku berean, arratsaldeko 18:00etan.
Hegazkina hartu behar baduzu, adi egon
Kanporatzea berehala eman daitekeela-eta, egun hauetakoren batean abioia hartu behar dutenei ere oharra egin die Les Bascosek: “Adi egon, eta poliziarekin batera Jerry zure abioian ikusten baduzu, hegaldia blokatzen saiatu: esertzeari uko egiten badiozu, deportazioa bertan behera uzteko boterea du kapitainak”.
Jerryren egoera dramatikoa dela dio elkarteak: homosexuala izateagatik biolentzia izugarria jasan zuen Nigerian. Herrialde horretan, homosexualek pairatzen duten sorgin-ehiza salatu izan du Amnesty Internationalek.
Bost urtean, Inor ez da ilegala proiektuak lau haizetara zabaldu ditu migratzaileen eskubideen aldeko lelodun kamiseta, jertse eta poltsak; elkarlana eta elkartasuna oinarri dituen ekimenak istorio eta bizipen ugari oparitu dizkigu; eta zoritxarrez, inoiz baino biziago... [+]
Neurria Texaseko (AEB) gobernadore Greg Abbott kontserbadorearen proposamena da. Migratzaileen aurkako beste hainbat politika erasokor aplikatu ditu aurretik: kontzertinen instalazioa, mugako patruilen sorrera, eta migratzaileen deportazioa estatu demokratetara autobusez.
Irungo eta Hendaiako herritarrak elkartu dira Santiago zubian, “Ireki zubiak, elkartasuna eraiki” lelopean ostegunean.
Uztailaren 6an, 18:00itan, Santiagoko zubian deitu dute kontzentraziora hainbat taldek, hala nola Bidasoa Etorkinekin, Irungo Harrera Sarea, edo Ongi Etorri Errefuxiatuak.
Han agertu zen, Hör Berlinen, Brava DJa, bere txapela gorri eta guzti Inor ez da ilegala leloa zeraman kamiseta jantzita. Orain hilabete pasatako kontua da eta spoilerra egin badizut ere, irakurle, amaiera horixe duen istorio polita kontatuko dizut gaur.