Jean-Jacques Lasserre aukeratu dute Pirinio Atlantikoetako presidente
Zentro eskuineko hautagai Jean-Jacques Lasserre izango da Pirinio Atlantikoetako kontseiluko presidentea, hautetsien gehiengoak hala bozkatuta. EH Bai-ko Iker Elizalde zen beste hautagaia. Departamenduko ezkerrak ez du presidentetzarako hautagairik aurkeztu. Bozketan hamalauk zuri bozkatu dute.
aurre egingo dieten hedabide independenteak
Bigarrenez beteko du jarraian kargua Lasserrek, beste sei urterako. Uztailaren 1 honetan iragan da bozketa eta zentro-eskuinaren hautagaitzaren alde egin du gehiengoak. Hamalau hautetsik zuri bozkatu dute.
[Session64] Proclamation des résultats
— Pyrénées-Atlantiques (@departement64) July 1, 2021
Jean-Jacques Lasserre élu Président du Conseil départemental des Pyrénées-Atlantiques #le64 pic.twitter.com/cmVUssIZx2
Departamendurako bozetan errazki irabazi du Bidaxune-Amikuze-Oztibarre kantonamenduan, Anne Marie Brutherekin batera, bozen %63,49 lorturik, parean zituelarik EH Bai-ko Emilie Dubois eta Xabi Larralde bikotea, 2.659 boz lorturik –lehen itzulian baino 968 gehiago–.
Bi abertzale Pauen
Igandeko bozetako emaitzak medio, EH Bai-ren ordezkari Annie Poveda urruñarra eta Iker Elizalde hendaiarra Pirinio Atlantikoetako departamenduko kontseilura sartu dira, Hendaia-Euskal Kostaldea kantonamenduan gailendurik. Ezkerreko abertzaleen koalizioa, botoen %52,9 lorturik, garaile atera zen hauteskundeen bigarren itzulian, orain artean Pauen egondako sozialistei lekua harturik.
Beste behin ere, eskuinak eta zentro-eskuinak osaturiko taldea atera da garaile departamendu mailan bezala Zuberoa, Nafarroa Beherea eta Lapurdin. Ipar Euskal Herriko 24 kontseilarietatik 22 izanen dituzte, sozialistek azken kargualdian zituzten sei aulkiak galdu dituztelarik eta ezkerreko ordezkaritza bakarra abertzaleena bilakatzen denean. Paueko 54 hautetsietatik 38 dira eskuinaren eta zentro-eskuinaren artean osaturiko Forces 64 aldekoak.
Baigorri, Urruna, Maule, Ozaze, Izura, Lexantzü edo Itsasuko herriko etxeetan Palestinako bandera agerian eman dute, palestinar populuari sustengu gisara. Aste hondarrean prefetak Palestinako bandera kendu arazi zuen Maulen.
Badirudi larrazkena agorrila erditsutan hasten dela aldaketa klimatikoaren ondorioz. Euri eskasez hostoak firurikan erortzen dira eta Otso Errekako iraztorrak denbora baino lehen gorritzen dabiltza: ikusgarria da! Historiako udarik beroena ukan dugu aurten eta tenperaturek... [+]
Protesta eguna da gaur Ipar Euskal Herrian eta Frantzian, François Bayrou lehen ministro ohiak egindako aurrekontu proposamenen aurka altxatu dira gizarte eragileak. Goizean goizetik, Baionako sarrerako biribilgunea blokatzeari ekin diote. Jada hogei manifestari atxilotu... [+]
Euskalgintzako hainbat eragile Baionako karriketara atera dira EEPren finantzaketaren inguruko kezkak agertzeko. 2017tik izozturik den aurrekontuaren aurrean, Frantziako Estatuak iragarritako 100.000 euroko igoera "trufa" gisa salatu dute.
Lehen itzulitik bigarrenera, auzapezgotzara jauzi egin zuen Ramuntxo Labat-Aramendi abertzalearen zerrendak. Erdiespena "xinaurri lanari esker" egin zela uste du Labat-Aramendik. Ahetzen zerrendak bozen %44,39 lortu zuen urtarrilaren 12an eginiko behin betiko bozketan... [+]
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Pantxoa Bimboire Haritxelar, Ipar Euskal Herriko Eusko Alderdi Jeltzaleko arduradun berria da azarotik. Ipar Euskal Herriko ekonomia munduko pertsona ezaguna da.
EHBaik Autonomia estatutu baterako proposamena prestatu du, gure nazioaren burujabetza osorako bidean etapa gisa.
.jpeg)
«Argizko idazkun digitalak debekatu» lelopean, Aturri aldeko Stop Pub kolektiboak bederatzi proposamen plazaratu ditu, Tokiko Publizitatearen Araudia eztabaidan delarik momentu honetan.
Uda aurretik, irakasle talde batek ekimen bat jarri zuen martxan ikasleek proba euskaraz erantzun ahal izateko. Kazetak adierazi duenaren arabera, orain gertatutakoa ikertzeko prozesua zabalik dago.
Politikari zentrista ezaguna, 1986tik 1991ra Departamendu kontseilari izan zen, 1991tik 2014ra Miarritzeko alkate eta Frantziako senatari 1992tik 2011ra. 86 urte zituela zendu da abuztuaren 21ean, infartu baten ondorioz.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Nork aurreikusten ahal zuen 2024an Peio Dufau –Marie Heguy-Urain duelarik ordezko– EH Baiko hautagaia, diputatu izanen zela? Eskuin muturraren kontrako kanpainak eta estrategiak funtzionatu du. Ipar Euskal Herriak ez du faxistarik bidaliko Frantziako Asanblea... [+]
Iñaki Echanizek irabazi du Zuberoa, Nafarroa Beherea, Hazparne eta Biarnoko zati bat barnebiltzen dituen laugarren hautesbarrutian. 2022an bezala, garaile atera da, ezkerreko Fronte Herritar Berriaren izenean.