Javier Solana NATOko buruzagi ohia Iruñean izango dela salatzeko kontzentrazioa deitu dute

  • Javier Solana NATOko idazkari nagusi ohia Iruñean izango da asteazken honetan Sociedad Civil Navarra elkarte unionistak antolatuta. Tres Reyes hotelean izango da hitzaldia eta hainbat eragilek kontzentrazioa deitu dute hotelaren aurrean, NATOren kontra.

Javier Solana NATOko buru ohia Iruñean izango da asteazken honetan.

2018ko urriaren 31n - 11:16

“Espainian eta Europan bizi dugun egoerari buruz” hitz egingo du Solanak Iruñeko Tres Reyes hotelean Sociedad Civil Navarrak iragarri duenez. 19:30ean hasiko da hitzaldia eta ordu erdi lehenago irekiko dira ateak.

Ordu berean deitu dute hainbat eragilek NATOren aurkako kontzentrazioa hotelaren atarian: Herri Gorri, EKB-GKB, Templando el acero, Frente Obrero, EPK-PCE, Siriaren Alde, Askapena, Vostokerantz, Bardenas libres 2018, Herritar Batasuna eta Drina Zubia Elkartea dira elkarretaratzea deitu dutenak.

NATOren aurkako kontzentraziora deitzeko afixa.

Javier Solana 1995etik 1999ra bitartean izan zen NATOko idazkari nagusi. Aurretik, Espainiako Kultura ministro izan zen, Felipe Gonzalezen Gobernuko bozeramaile eta Hezkuntza eta Atzerri gaietarako ministro.

Erakunde militarra utzi zuenean Europar Batasuneko segurtasun alorreko kargu garrantzitsuak izan zituen. Yugoslavia zatitu zuen gerraren ostean Bosnia-Herzegovinako Althea operazioaren komandante nagusia ere izan zen, 1999tik 2009ra.  

Sociedad Civil Navarra elkarte unionistak antolatu du hitzaldia, Kataluniako Sociedad Civil Catalana elkarte unionistaren oihartzun gisa sortu zen taldeak, zeinak babestu dituen azken urteetan Nafarroako Gobernuaren kontrako manifestazioak, bai ikurrinaren aurkakoa 2017an, baita aurtengo euskararen aurkakoa ere.


Kanal honetatik interesatuko zaizu: NATO
Non dago ezker abertzalea?

Euskal Herrian eta Europan bizi den euskal herritar bat naiz.

Europako egoera geopolitikoa kontuan hartuta, nahiz eta 2014ean hasitako gatazka izan, Mendebaldeko hedabide ofizialek Ukrainako guda deitzen duten gerra 2022ko otsailean hasi zen, eta dagoeneko hirugarren urtean... [+]


NATOk dio europarrak prestatu behar direla 20 urte barru Errusiaren aurka gudara joateko

NATOko Batzorde Militarreko presidente Rob Bauerrek adierazi du gerra piztuz gero, zibil asko mobilizatzeaz gain, gobernuek “prozesua kudeatzeko sistemak” ezarri beharko lituzketela. Hurrengo 20 urteetan eman litekeen gertakaritzat jo du.


Gerra, genozidioa eta moral bikoitza

Denok genekien gezurra zela. Ukrainari emandako babesaren atzean ez zegoen arrazoi moralik, ez zegoen giza eskubiderik, nazioarteko legedia edo demokrazia defendatzeko asmorik. Urteetan Mendebaldeak beste alde batera begiratu zuen Kievek Donbasseko biztanleria bonbardatzen... [+]


1980an Italian 81 hildako eragin zituen hegazkin-istripua ez zen hala izan: Frantziaren erasoa izan zen Gaddafi hiltzeko asmoz

Giuliano Amato Italiako lehen ministro ohiak elkarrizketa batean esan du duela 23 urte Frantziak botatako misil batek eraitsi zuela hegazkina. Gaddafi ohartarazi egin zuten eta ez zen hegazkinera igo. Frantziako Gobernuaren eta NATOren isiltasuna salatu du.


Ukraina NATOra sartzeko Errusiari lurralde batzuk ematea proposatu du Aliantzako goi kargu batek

Norvegian urtero antolatzen den foro batean egin ditu adierazpenak NATOko idazkari orokorreko gabinete-buru Stian Jenssenek. Egun batzuk geroago, bere hitzartzea “akatsa” izan dela aitortu du.


Eguneraketa berriak daude