Javier Solana NATOko buruzagi ohia Iruñean izango dela salatzeko kontzentrazioa deitu dute
Javier Solana NATOko idazkari nagusi ohia Iruñean izango da asteazken honetan Sociedad Civil Navarra elkarte unionistak antolatuta. Tres Reyes hotelean izango da hitzaldia eta hainbat eragilek kontzentrazioa deitu dute hotelaren aurrean, NATOren kontra.
“Espainian eta Europan bizi dugun egoerari buruz” hitz egingo du Solanak Iruñeko Tres Reyes hotelean Sociedad Civil Navarrak iragarri duenez. 19:30ean hasiko da hitzaldia eta ordu erdi lehenago irekiko dira ateak.
Ordu berean deitu dute hainbat eragilek NATOren aurkako kontzentrazioa hotelaren atarian: Herri Gorri, EKB-GKB, Templando el acero, Frente Obrero, EPK-PCE, Siriaren Alde, Askapena, Vostokerantz, Bardenas libres 2018, Herritar Batasuna eta Drina Zubia Elkartea dira elkarretaratzea deitu dutenak.
Javier Solana 1995etik 1999ra bitartean izan zen NATOko idazkari nagusi. Aurretik, Espainiako Kultura ministro izan zen, Felipe Gonzalezen Gobernuko bozeramaile eta Hezkuntza eta Atzerri gaietarako ministro.
Erakunde militarra utzi zuenean Europar Batasuneko segurtasun alorreko kargu garrantzitsuak izan zituen. Yugoslavia zatitu zuen gerraren ostean Bosnia-Herzegovinako Althea operazioaren komandante nagusia ere izan zen, 1999tik 2009ra.
Sociedad Civil Navarra elkarte unionistak antolatu du hitzaldia, Kataluniako Sociedad Civil Catalana elkarte unionistaren oihartzun gisa sortu zen taldeak, zeinak babestu dituen azken urteetan Nafarroako Gobernuaren kontrako manifestazioak, bai ikurrinaren aurkakoa 2017an, baita aurtengo euskararen aurkakoa ere.
Europako ongizate estatuak munduan zehar izugarrizko miresmena izan du herritar xeheen artean, ez hainbeste enpresari eta agintarien gehiengoan. Izan ere, miresmen hori areagotu egiten zitzaigun iparraldeko herrialdeetatik pasatzen baginen, izan lan bat egin behar bazenuen edo... [+]
Hagan ekainaren 25ean NATOk egindako goi-bileran, gastu militarra herrialde bakoitzaren BPGaren %5 izateko konpromisoa hartu dute Aliantza Atlantikoko Itunaren Erakundeko kide diren estatuek. Horretarako hamar urteko epea izango dute, 2035 arte. Erabaki horrekin, 2014an... [+]
Duela astebete Hagan egindako NATOren goi bilera historia handian gogoratu beharko da –batez ere egitasmoa egikaritzen bada– “BPGaren ehuneko 5aren bilkura” izan delako.
Asteazkenean, NATOren goi-bilera hastearekin, aliantzak herrialdeei inposaturiko gastu militarraren aurkako mobilizazioak izan dira Hego Euskal Herriko hiriburuetan. Ostegunean eta ostiralean Iranen eta Palestinaren aurkako gerrak salatuko dituzte.
Hamar urteko epea dute NATOko estatu-kideek helburu hori lortzeko. Espainiak ere sinatu du akordioa, baina, aldi berean, Mark Rutte aliantza atlantikoko idazkari nagusiaren gutun bat eskuratu du Pedro Sánchezek, ustez "malgutasuna" emango liokeena. Donald Trumpek... [+]
Mark Rutte NATOko Idazkari Orokorrak ukatu egin du “baztertze klausula” onartu zaionik Espainiako Estatuari. Kalkuluen arabera, BPGren %3,5a gastu militarretara bideratu beharko du gobernuak, NATOk eskatzen dituen kompromisoak betetzeko.
Igandean iragarri du akordioa Pedro Sánchez Espainiako presidenteak. Espainiak gastu militarrera BPGaren %2,1 bideratuko duela ziurtatu du.
Oraindik ez dago garbi noiz arte eutsiko dion bere erabakiari Pedro Sánchez Espainiako Gobernuko lehendakariak, baina korapilo handi samarra sortzen ari da NATOren barruan, honek aurrekontu militarra %5era igotzea arbuiatu ondoren.
Badira aste batzuk Europar Batasuneko presidente den Ursula von der Leyenek zortziehun mila milioi euroko gastu militarraren beharraren berri eman zuela. Gastu hori Europak jasaten duen mehatxu militar bati aurre egiteko omen da, eta mehatxu horri batasunez erantzun beharra... [+]
Espainiako Gobernuak urte amaierarako Defentsara bideratuko duen gastua Barne Produktu Gordinaren %2 izango da: 33.123 milioi euro. Sánchezek adierazi du erabaki horrek "Espainiaren segurtasuna bermatzea" eta armadaren baliabideak "modernizatzea" dutela xede.
Intsumituek denbora luzez egindako borroka gogorra eta mingarria izan zen, baina irabazi zuten, eta garaipen hura behin betikoa izango zela uste genuen, atzera bueltarik gabea. Baina badirudi, politikari batzuen ahotik aterata, eskalada militaristari gorazarre egin eta berriz... [+]
Hainbat eragilek deituta, NATOren aurkako elkarretaratzea egin da Iruñeko Udaletxearen aurrean. Izan ere, gaur, martxoak 12, 39 urte bete dira Hego Euskal Herriak, Espainiar Estatua NATOn sartzeko erreferendumari ezezkoa eman ziola. Askapenako kide batek adierazi du, gaurko... [+]
1986. urtean Espainiako Estatuak NATOn jarraitzearen aurkako botoa eman zuen euskal gizarteak. Denborak ematen duen perspektibak oraindik ez du azaldu zeintzuk izan ziren gizartearen arrazoi sakonak gerra erakundean parte hartzeari uko egiteko.
Felipe Gonzálezen... [+]
Palestinan genozidioa, Europan gerra eta potentzia nuklearren artean tentsioa. Ez daukagu berri on askorik emateko, baina bada bat, hondamendi orokorretik eratorria, aipatzea merezi duena: aldeko baldintzak sortzen ari dira kontrainformaziorako, informazio independenterako,... [+]
Trumpek eta Putinek ordu eta erdiz hitz egin dute telefonoz. Biek hala biek baieztatu dute ados direla Ukrainako gerra amaitu dadin "elkarrekin lan egiteko", baina argi utzita Ukraina 2014ko mugetara itzultzea ez dela "errealista". Zelenskyrekin ere hitz egin... [+]