Jaka Horien balantzea: 97 zauritu larri


2019ko urtarrilaren 21an - 12:38
Jendarme bat manifestari bati gas negar-eragilea botatzen. / Argazkia: cambio16.com

Azaroaren 17an atera ziren kalera lehen aldiz Jaka Horiak. Orduz geroztik, larunbatero Frantziako hiri ezberdinetan mobilizatu dira. Istilu esanguratsuenak, batik bat abenduaren 1ekoa, Parisko Eliseo Zelaien eta Garaipenaren Arkuaren inguruan izan dira.

Reporterre-k adierazi duenez, larri zauritu diren 97 horietatik gehienak buruko kolpeengatik zaurituak izan dira. Erreportajean azaltzen den 28 urteko kazetari bat da horietako bat. Abenduaren 8an gomazko pilota batek kolpatu zuen: “Grabatzen ari nintzela, zer gertatzen zen jakin gabe jendea urruntzen hasi zen, eta konturatu nintzenerako masailean jo zidan gomazko pilotak: bi hilabete egon behar dut ezer jan gabe, baina zortea izan nuen; pasako da”.

Macronen gobernuak izandako krisirik larriena da Jaka Horiena. “Min handia egin die herritarrei”, dio hedabideak. Baina batez ere, gezurretan aritzeak sortu du mina. Christophe Castaner Barne ministroak jendarmeek manifestariak erasotu izana gaitzetsi du: “Ez dut ezagutzen Jaka Horiak erasotu dituen poliziarik”.

Erreportajearen parte da 26 urteko Antoin baionarra, abenduaren 8an poliziak jaurtitako granada baten erruz eskua galdu zuena.


Kanal honetatik interesatuko zaizu: Jaka Horien mugimendua
Aldo Rubert. Hitzak eta ekintzak
"Klase popularrak ez daude desmobilizaziora kondenatuta"

Frantziako Jaka Horien mugimenduari buruzko tesia egiten ari da Aldo Rubert soziologoa: klase popularren politizazio heterogeneoa ulertzea interesatzen zaio, herritarrek politikarekiko daukaten harremana ezin baita murriztu hauteskunde-garaian gertatzen den –edo gertatzen... [+]


2021-11-17 | ARGIA
Jaka horien ekintza batek auto pilaketak eragin ditu AP-8 errepidean

Hiru urte dira jaka horiek lehen protestak egin zituztela. Urtemugarekin loturan ekintza egin du hogei pertsona inguruko taldeak Biriatuko pasabidean, auto ilarak sortuz.


Éric Vuillard
"Beti hartu behar da serio bere ideiengatik hiltzen den norbait"

Herria eliteen aurka. Edo beharbada errealitate konplexuagoa, historiaren barrunbeetan sartzen zarenean. Horrela islatzen dute Éric Vuillarden liburuek. 2017an Frantziako letren saririk handiena, Goncourt saria jaso zuen L’Ordre du jour liburuarengatik.


2020-06-16 | Mikel Eizagirre
Parisko poliziaburuaren aurkako barne-kritikak zabaldu dira

CRS eta jendarmeen barne-oharretan kritikatua izan da Didier Lallement buruzagiaren gestioa. Bere praktikak “legalki zalantzagarriak eta politikoki kaltegarriak” direla diote.


Eguneraketa berriak daude