Jaka horiei Eliseo Zelaietan manifestatzea debekatu nahi die Frantziako Gobernuak
Parisko beste gune ezagun batzuetan manifestatzea ere debekatuko du, poliziak istiluak sor daitezkeen susmorik edukiko balu.
aurre egingo dieten hedabide independenteak
Frantziako Gobernuak astelehen honetan iragarri duenez, ez du Eliseo Zelaietako eta beste leku batzuetako jaka horien manifestaziorik onartuko, joan den larunbateko istiluak eta arpilatzeak berriro gerta daitezkeela iruditzen baldin bazaio.
Hala ere, "militante ultrek" indarkeria erabiltzeko asmoa adierazten duten momentutik ezarriko dituzte debeku horiek Édouard Philippe lehen ministroak, Christophe Castaner Barne ministroak eta Nicole Belloubet Justizia ministroak astelehen honetan azaldu zutenez.
Neubergen enparantzan Bordelen eta Kapitolioan ere ezarriko dute debekua, izan ere, leku horietan istiluak behin eta berriro gertatu dira, jaka horien mobilizazioak hasi zirenetik.
Gainera, Frantziako poliziak "autonomia" handiagoa izango du hemendik aurrera eta berehala ekin ahalko dio manifestariak “sakabanatzeari”, bandalismotzat jo daitezkeen jende-kontzentrazioak ikusten dituenean, Philippek adierazi duenez. Poliziak baliabide gehigarriak izango ditu, hala nola, debekatutako manifestazioan parte hartzeagatik isunak jartzeko aukera.
Philipperen aburuz, Eliseo Zelaietara joan zirenak "ez ziren manifestariak, istilugileak baizik", eta haien helburu bakarra "arpilatzea, lapurtzea eta erretzea" zen. Bortizkeria erabiltzen dutenak jaka horien gehiengoarekin ez nahasten ere saiatu zen eta larunbateroko deialdietan kalera ateratzen diren pertsonen beherakada nabarmendu zuen (32.300 lagun atera ziren kalera azkenekoan, Barne Ministerioaren arabera).
Philipperen arabera, Parisen 154 saltokik jasan zituzten arpilatzeak larunbat honetan eta 27 suntsitu zituzten. Denetan enblematikoena Le Fouquet's jatetxea izan zen, Parisko luxuaren sinboloa.
Frantziako Jaka Horien mugimenduari buruzko tesia egiten ari da Aldo Rubert soziologoa: klase popularren politizazio heterogeneoa ulertzea interesatzen zaio, herritarrek politikarekiko daukaten harremana ezin baita murriztu hauteskunde-garaian gertatzen den –edo gertatzen... [+]
Hiru urte dira jaka horiek lehen protestak egin zituztela. Urtemugarekin loturan ekintza egin du hogei pertsona inguruko taldeak Biriatuko pasabidean, auto ilarak sortuz.
Herria eliteen aurka. Edo beharbada errealitate konplexuagoa, historiaren barrunbeetan sartzen zarenean. Horrela islatzen dute Éric Vuillarden liburuek. 2017an Frantziako letren saririk handiena, Goncourt saria jaso zuen L’Ordre du jour liburuarengatik.
CRS eta jendarmeen barne-oharretan kritikatua izan da Didier Lallement buruzagiaren gestioa. Bere praktikak “legalki zalantzagarriak eta politikoki kaltegarriak” direla diote.
Le Média Pour Vous komunikabide independentekoa da kolpaturiko kazetaria. Larunbateko Parisko Jaka Horien manifestazioaren jarraipena egiten ari zela jaso du aurpegira Poliziaren granada bat.
Jaka Horiak mugimendua kale eta bideetara atera zela urtea beteko da azaroaren 17an. Mugimenduak badu zer ospatua, izaera sendoa agertu baitu, baina badu ere zer pairatua. Horren lekuko, hona datu bat: Frantziako justiziak 3.000 zigor ezarri dituzte iazko azarorik aurtengo... [+]
Jaka Horien (Gilets Jaunes, frantsesez) mugimendua 2018ko urrian abiatu zen eta urtebete beranduago bizirik dirau. Ekarri dituenen eta huts egindakoen balantzea egiteko goizegi ote da? Itsasoaren beste aldetik, Ingalaterratik, Simon Fairlie saiatu da eta LARRUNerako euskaratu... [+]
Eztabaida Nazional Handiaren berri eman bezperan, Notre Dame katedrala sutu zen. Jaka Horien oldeari aitzi egiteko Errepublikako presidente Macronen asmoak ezagutu gabe geratu ginen. Ostegunean agertu zen Frantziako nazioaren aurrean, baita bere gobernuaren neurri politiko... [+]
Azken sei hilabeteotan arreta bereziarekin jarraitu ditut Jaka Horiek Estatu frantsesean sortu duten zurrunbilo politikoa eta eragin duten egoera berria. Haien inguruan idatzitakoak ere irakurtzen saiatu naiz, batez ere, sare sozialetan. Izan ere, Estatu frantseseko... [+]
Txaleko horietatik moreak eramatera igaro zen Paris iragan astean. Lorea Ibañez egon zen, besteak beste, Pariseko Korrikan. Zer gertatu zen jakin nahi?
Txaleko Horien mugimendua, altxatu bezain laster, itzaltzera kondenatzen zen. Hor dirau. Bazirudien ez zuela deus lortuko. Zerga soil baten kontra altxatzen zelako, agian? Ala ez zuelako sarien eta aberastasunen birbanaketa seriosa planteatzen? Orain jada diskurtsoa jantziagoa... [+]
Jaka Horien mobilizazio soziala Frantziako Estatu osoan zabaldu da, baita Ipar Euskal Herrian ere, eta Macronek gidaturiko gobernuaren politika hankaz gora ari da jartzen. Baina orain, arriskua dago herri sektore horiek mahairatu duten sakoneko problemari soilik errepresioz... [+]