Hondarribiko Alardeko Jaizkibel konpainia parekideak salatu duenez, Eusko Jaurlaritzako Segurtasun Sailak isunak jarri dizkie konpainiako bi kideri.
Gainera, Jaizkibelek salatu duenez, joan den irailaren 8an desfile parekidea babesten aritu ziren beste hiru lagunek ere isunak jaso dituzte.
Konpainiako kideek jaso dituzten zigorrei dagokienez, Jaizkibelek informatu du ondoko arrazoiengatik jarri dituela isunak Ertzaintzak: ibilbidean hainbat lagunek bat egin zutela Jaizkibelen desfilearekin, konpainiaren uniformea jantzi gabe eta “egoera horrek publikoaren txistuak eta oihuak areagotu” zituela.
Azken urteetako Alarderik gogorrena eta polemikoena izan zen 2018koa: zenbait urtez emakumeek gizonen pare parte hartzen duten konpainiaren kontrako boikota intentsitatez jaisten joan ondoren, iazko edizioan Jaizkibelen kontrako jazarpena indartu egin zen.
Gertaera horien ondoren datoz Jaizkibelen aurkako isunak. Konpainiak ostiral honetan prentsaurrekoa deitu du egoera honen aurrean egingo dutena esplikatzeko. 17:30ean izango da Hondarribiko Kale Nagusian eta herritarrei dei egin diete agerraldiarekin bat egitera.
Plastiko beltzen atzekoek ere jaso dituzte isunak
Urtero Jaizkibel konpainiaren aurkako boikota antolatzen duen Hondarribiko Emakumeak taldeak ere isunak jaso dituela dio Facebook bidez publiko egin duen ohar batean.
Emakumeek alardean parte hartzearen aurka dagoen talde horrek dioenez, haiei ere Mozal Legea aplikatu diete.
Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]
Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.
Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]
Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.
Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.