EHZ

Izen berriak EHZren programazioan: Liher, Gatibu, Vapa, Arima, Kuma No Motor eta Aho Zakil Konexion

  • Aurten ere Iparraldeko ikastetxeetan euskal kulturaren inguruko saioak antolatu dituzte, gazteei festibalaren baloreak transmititzeko asmoz. Ekainaren 1ean iragarriko dute programazio osoa, eta aurresalmenta maiatzaren 31 arte egongo da irekita.


2023ko maiatzaren 12an - 11:16
Ekainaren 1ean iragarriko dute programazio osoa, hitzaldi eta mahainguruekin batera. (Argazkia: EHZ)

Izen berriak iragarri ditu Euskal Herria Zuzenean festibalak: Liher, Gatibu, Vapa, Arima, Kuma No Motor eta Aho Zakil Konexion. Talde horiek ere Irisarrin izango dira ekainaren 30etik uztailaren 2ra, EHZk maiatzaren 11ko prentsa oharrean jakinarazi dutenez. Ekainaren 1ean iragarriko dute kultura programazio osoa, hitzaldi eta mahai-inguruen egitarauarekin batera. 

Martxoan aurreratu zituzten 27. edizio honetan parte hartuko duten lehen taldeak; Belako, Kolinga, Afrika Bibang, Ada Oda, Kristonak eta Muare. Apirilean iragarri zutenez, Willis Drummond, MICE, aKats eta Soulfly taldeak ere egongo dira, beste hainbaten artean.

Ikastetxeetan, euskal kulturaren transmisioaz

Aurten bigarrenez saio pedagogikoak egingo dituzte Iparraldeko lizeoetan. Euskal kulturaren eta ikusgarritasunaren inguruko saioak antolatu dituzte 300 ikasle ingururentzat: "Auzolanean eraikitzen den festibal honen baloreak gazteei transmititu eta iraganetik gerorako bidaia eskaini nahi diegu".

Sarrerak eta laguntzaileen izen-emateak webgunean

Aurresalmenta irekita dago jada EHZ-ren webgunean, eta maiatzaren 31 arte 50 eurotan egongo dira salgai hiru eguneko bonoak. Hortik aurrera, 60 euro balioko dute. Egunez eguneko sarrerak, berriz, ekainaren 1etik aurrera eskuratu ahal izango dira.

Horrez gain, antolatzaileek adierazi dute aurten ere 400 laguntzaileren beharra dutela festibala aurrera eramateko. Laguntzeko prest dagoenak ondoko formularioa bete beharko du.


Kanal honetatik interesatuko zaizu: EHZ
Badator EHZ: aurtengo berrikuntzak, informazio praktikoa, ordutegiak, erasoen aurkako protokoloa...

Azken urteetan bezala, belaunaldi eta gustu guztiei zuzendutako kalitatezko eskaintza oparoa proposatzeko xedea adierazi du EHZko antolakuntzak.

ARGIA festibalaren babesle eta laguntzaile da eta han izango gara: BTN bideopodcastaren atal berezia grabatuko dugu larunbat goizean,... [+]


2024-05-16 | Euskal Irratiak
Mattin Irigoien
“Berrikuntzak frantsesaren eskutik heldu badira, zaila izanen da geroan euskaraz bizitzea”

Nola ezar euskara, gal-bidean, ahal-bidean eta zabal-bidean? Galdera horri ihardukitzen entseatuko da Mattin Irigoien Zabalik elkarteko kidea, ostegun honetan eskainiko duen mintzaldian.


EHZk kartela itxi du: Gorka Urbizu, Anari, Libe, Bananas, Raimundo el Canastero...

Hitzaldi eta mahai inguruen aurrerapena ere egin dute: Palestinaren egoera, Europako paktua eta immigrazio legea, laborarien mobilizazioa edota festibal eta musikagintza ereduaren eztabaida, besteren artean. Ekainaren 28an, 29an eta 30ean izanen da festibala, lehen aldiz... [+]


2024-04-02 | ARGIA
Pelax, Rudiger, Su Ta Gar, Süne edo Octopussy, EHZn iragarritako talde berrien artean

Auhen, Janus Lester eta Old School Funky Family taldeak ere izango dira festibalean. Ekainaren 28an, 29an eta 30ean egingo dute jaialdia, Arberatzen. Hiru egunetarako bonu berriak jarri dituzte salgai.


Belako, Nakar, Benizze, Lysistrata eta Vincen Garcia EHZren 28. edizioan

Lehen aldiz festibala Amikuzeko Arberatze herrian ospatuko da. Ekainaren 28, 29 eta 30an izango da.


Eguneraketa berriak daude