Israelgo apartheidarekin kolaboratzen duen CAFeko presidenteari emango diote Gipuzkoako urrezko domina
Noiz eta Israel palestinarren aurkako genozidio betean dela, Gipuzkoako Aldundiak erabaki du erakunde sionistarekin harreman ekonomikorik handiena duen euskal enpresako presidenteari ohorezko ikurra ematea, "ongizateari eta gizarte-kohesioari" egindako ekarpenagatik.
Andres Arizkorreta García CAFeko presidenteari emango diote Gipuzkoako Urrezko Domina, Gipuzkoako Foru Aldundiak asteazken honetan jakinarazi duenez. Aitortza horrekin, Aldundiak Arizkorretaren figura goraipatu nahi du, "garapen ekonomiko, teknologiko eta sozialari egindako ekarpen pertsonalagatik", baita "gure industria" nazioartean zabaltzeagatik eta "ongizatea eta kohesio soziala" sustatzeagatik ere.
2019tik ezaguna denez, okupatutako lurralde palestinarretan koloniak eta Jerusalem lotzen dituen tren-sarea eraikitzen ari da CAF, Jerusalemgo tren arina izenarekin ezaguna den proiektua. Okupazioari esker irabazi handiak lortzen ari da CAF: uztailera arte EAEko enpresa guztiek Israeli egindako salmentetan lortutako 155 milioien erdia baino gehiago CAFena izan da. Jerusalemgo proiektuak 1.800 milioi euroko balioa duela zabaldu izan dute. Amnistia Internazionalak ere CAFi eskatu dio proiektua bertan behera uzteko.
CAFek Israelen dituen negozio handien bitartez, hango sistema arrazista legitimatzeaz gain, bere esku dagoen Jerusalemgo tren arinak are gehiago sendotzen du legez kanpoko okupazioa, kolonoei zerbitzuak emanez eta palestinarrak are gehiago baztertuz. Eta horregatik, hain zuzen ere, nazioarteko 130 erakunderen babesarekin BDZ mugimenduak Beasainen egoitza duen enpresa horri boikota egitera deitzen du, Siemens, Google, Disney edo Burger King bezalako multinazionalen maila berean,
Palestinarren aurkako genozidioa hasi ostean, Arizkorretaren enpresaren kezka bakarra izan da, eta hala adierazi du publikoki, Israelen dituen "negozioek ez dutela kalterik jaso", eta badaezpada ere langile guztiei –ehun langile baino gehiago– "telelana" egiteko eskatu zien. Jerusalemgoaz aparte, beste proiektu handi bat du esku artean CAFek, palestinarrei lapurtutako lurretan, Saphir eraikuntza-enpresa israeldarrarekin batera: Tel Aviveko tren arinaren eraikuntza.
Jerusalemgo tren arinaren kontratuari uko egiteko eskatu zion 2019an langileen komite osoak CAFi. Enpresak ez zien jaramonik egin, ezta, orain argi geratu denez, Gipuzkoako Aldundiak ere.
Eider Mendoza Gipuzkoako diputatu nagusiak saridunaz azpimarratu duenez, "eguneroko lanarekin Gipuzkoa lurralde lehiakor, aberastasun-sortzaile, kohesionatu eta pertsona guztien ongizatea bilatzen ditu, eta horretan ari diren pertsona horiei ez baitzaie beti ezinbesteko ekarpena aitortzen". Pertsona guztien ongizaterako eskubide hori, dirudienez, gipuzkoarrena baizik ez da, Gipuzkoako Aldundiak ez-ikusiarena egin baitu Arizkorreta buru duen enpresaren negozio handienetakoak arraza-diskriminazioa duela oinarri.
Enpresarien lobbya
Andres Arizkorreta, CAFeko presidente izateaz gain, enpresarien elkarte nagusietan parte hartutakoa da: Adegin eta Confebasken. Irailetik Círculo de Empresarios Vascos EAEko enpresarien lobbyko burua da. Talde horrek urtero banatzen du Espainiako Erresumako Saria, Espainiako monarkiarekin elkarlanean. Haien ibilbide enpresarialagatik saritu dituzte armagintza sektoreko Sener enpresako burua eta, independentzia erreferendumari aurka egiteko, Kataluniatik alde egin zuen Freixenet enpresako buruzagia, besteak beste.
Carrefour, CAF, Crédit Agricole, BlackRock... Francesca Albanese Palestinar Lurraldeentzako NBEko errelatore bereziak enpresa sare handi bat egin du Israel burutzen ari den Gazako genozidioaren konplize bere azken txostenean, eta horien arduradunak ikertzeko eskatu du... [+]
Bi gai mahai gainean, ezinbestean.Batetik, CAF eta Palestina. Bestetik, PSOEren bueltako ustelkeria sarea. Nondik hasi eta non bukatu ere ez dakit, bulkadez betetako artikulua izango dela jakinda.
Nazio Batuen Erakundeak 40 enpresa salatu ditu, CAF tartean, eta Gazako... [+]
NBEren txosten batek azaldu du Beasaingo enpresak lagundu egiten duela Israelgo legez kanpoko kolonien hedapenean. Amnistia Internazionalek deialdia egin die gobernuei “urgentziaz” esku hartu dezaten txostenaren ondorioekiko.
Carrefour, CAF, Crédit Agricole, BlackRock... Francesca Albanese Palestinar Lurraldeentzako NBEko errelatore bereziak enpresa sare handi bat egin du Israel burutzen ari den Gazako genozidioaren konplize, eta horien arduradunak eta goi karguak ikertzeko eskatu du.
Beasaingo enpresaren akzioen %3ren jabe da Eusko Jaurlaritza, eta adierazi du CAFek nazioarteko legedia errespetatzen duela. BDZ Euskal Herriak gogorarazi dio gobernuak derrigortuta daudela okupazioa bultzatzen duten proiektuen aurka egitera.
Mundu guztia Gazari begira ari da orain. Baina Palestina ez da lur hori bakarrik. Bada beste lurralde bat, izen bera duena, ostutako lurren atzean, moztutako gorputz adarra nola begiratzen diona galdutako lurrari: Zisjordania, eta, egoera are bereziagoan, Jerusalem. Lurralde... [+]
CAFek urteroko akziodunen batzarra egin duen egun berean, Jerusalemgo trenaren martxan duen tren proiektua bertan behera uztea exijitu diote Donostian eginiko manifestazioan. Amnesty Internationalek hitza hartu du tren ekoizlearen akziodunen batzarrean, eta Israelen "legez... [+]
Okupatutako Jerusalemgo Ekintza Nazional eta Zibileko batzordeak jakinarazi du trenaren bigarren fasearen hasiera, eta gaitzetsi egin du kokalekuen arteko komunikazioa indartzea duelako helburu. Zisjordanian 22 kokaleku berri ezarriko dituela adierazi du Israelek.
Larunbatean egindako prentsaurrekoan adierazi dute manifestazioa ekainak 14an Donostian egingo dutela. 130 kolektibo, alderdi politiko eta sindikatu batu zaizkie eta "atxikimendu kanpaina oraindik zabalik dagoela" gogorarazi dute.
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]
Palestinarekin Elkartasuna plataformak antolatu zuen protesta, CAFek "palestinar lurren okupazioan eta kolonizazioan duen erantzukizuna salatzeko". Berriz exijitu diote enpresako zuzendaritzari ez dezala parte hartu Jerusalemen tren arina eraikitzeko proiektuan.
Asteartean deklaratu beharko dute Tuteran, ikertu gisa. Palestinan eraikitzen ari den tranbia-sarearen bidez, CAF "entitate sionistaren kolonizazioan parte hartzen" ari dela ohartarazi dute.