Israelek “zehaztasun handiz” ezagutzen zuen Hamasen u7-ko plana, Kan irrati publikoak informatu duenez
Erasoa baino hiru aste lehenago inteligentzia zerbitzuek banatutako txostenean agertzen da Hamasek “200 eta 250” pertsona artean bahitzeko asmoa zuela. Aldi baterako bertan behera utzi du urriaren 7ko segurtasun akatsei buruzko ikerketa Israelgo Auzitegi Gorenak.
Israelgo inteligentzia zerbitzuek “zehaztasun maila handiarekin” ezagutzen zuten Hamasen erasorako plana urriaren 7a baino lehen. Bazekiten milizia palestinarrak asmoa zuela “200 eta 250 zibil eta militar” artean bahitzeko eta Israel hegoaldeko base militarrei eraso egiteko. Kan irrati publiko israeldarrak eman du argitara inteligentzia zerbitzuen isilpeko txostena eta hedabide ugarik egin diote oihartzun. Bertan azaldu du urriaren 7ko erasoak baino hiru aste lehenago banatu zela. Hamasen ekintza horrekin justifikatu du Israelek Gazako genozidioa, zortzi hilabetetan 37.000 palestinar baino gehiago hil dituena, beste 10.000 desagerrarazi eta 85.000tik gora zauritu.
Armada sionistaren Gazarako dibisioak 2023ko irailaren 19an helarazi zien Hamasi buruzko txostena inteligentzia zerbitzuko buruei. Bertan ohartarazi zieten Hamaseko militanteak prestakuntza saioak egiten ari zirela, lantzeko nola sartu gune militarretan eta kibutzetan. Txostenak aipatzen du zibilen eta soldaduen bahiketak prestatzen ari zela Erresistentzia Islamikoaren Mugimendua. Hamasek emandako argibideak ere jaso ditu txostenak, azaltzen dutenak zer baldintzatan eduki behar ziren bahituak, behin Gazako Zerrendara eraman ostean.
Aurretik ere, abenduan, New York Times egunkariak argitaratu zuen Israelek urtebete lehenagotik bazuela Hamasen asmoen berri, baina egunotan argitaratutako informazioak zehatzagoak dira.
Segurtasun akatsei buruzko ikerketa bertan behera
Urriaren 7an Hamaseko 3.000 militante inguruk lortu zuten Gazatik atera eta “Israelera sartzea”. 250 pertsona inguru bahitu zituzten eta 1.139 pertsona hil, horietako 373 militar sionistak. Ordutik ikerketa bat egon da martxan egun hartako segurtasun akatsak aztertzeko eta erantzukizunak banatzeko Israelgo agintari militar eta politikoen artean, baina aldi baterako bertan behera uztea agindu berri du Israelgo Auzitegi Gorenak. Uztailean berrartuko da armadaren eta Shin Bet inteligentzia zerbitzuen kudeaketari buruzko ikerketa, gerra indarrean dagoen bitartean jarraitzea “kaltegarria izan daitekeelako”.
Azken hilabeteetan hainbat iturrik salatu dute armada sionistak zibil eta militar israeldar ugari hil zituela urriaren 7an, Hamasen oldarraldiari erantzutean. Gutxienez 14 zibil israeldar, NBEren ikerketa batek erakutsi duenez. Dokumentatu dutenez, “adierazle nabarmenak” daude “Hanibal direktiba” indarrean egon zela egun hartako hainbat momentutan. Ofizialki 2016an baztertu zen direktiba honek baimentzen du “israeldarrak hiltzea” militante palestinarrei eraso egiteko, ez ditzaten israeldarrak bahitu eta presio egiteko erabili.
Netanyahuren gobernuan erantzukizun gutxi
Segurtasun akatsen ardurak apenas izan du eraginik Benjamin Netanyahuren gobernuan. Azken hilabeteetan bi agintari militarrek soilik eman dute dimisioa urriaren 7ko gertakariekin lotuta, eta inteligentzia zerbitzuen buruak barkamena eskatu du baina karguan dirau oraindik. Lehen ministroak ez du oraindik erantzukizun politikorik onartu.
150.000 pertsonak eskatu dute Netanyahuren dimisioa aste honetan Tel Aviven egindako manifestazioan, Israelgo iturrien arabera. Benny Gantz Netanyahuren aurkari politikoak dimisioa eman du “larrialdiko batasun gobernutik”, esanez lehen ministroa “gerra luzatzen ari dela interes pertsonalagatik”. Izan ere, Netanyahu Israelen epaitua izateko zain dago, baina auzitegiei iskin egiteko baliatu du “Hamasen erasoei erantzunez hasitako gerra”.
Benjamin Netanyahu eta Likud bere alderdiak urteetan hauspotu dute milizia palestinar islamikoa, banaketa sortzeko palestinarren artean eta ahultzeko Fatah eta Palestinako Aginte Nazionala. Hamas finantzatzen lagundu du Netanyahuk gobernuan egon den bakoitzean, eta publiko egin diren bideo ugaritan ikus daiteke nola argudiatzen duen Hamas indartsu egotea komeni zaiela, etsai salgarriagoa delako.
Israelek Gazan eta Zisjordanian egindako giza eskubideen urraketak argi uzten dituen Kanpo Ekintzarako Europako Zerbitzuaren txostena esku artean, EBko Atzerri ministroek erabaki dute Israel-EB elkartze-akordioarekin berdin-berdin segitzea. EBren "ekintza-eza" ikusita,... [+]
Hagako Taldeak deituta, Kolonbiak eta Hego afrikak antolatu dute gailurra. Herrialdeetako ordezkariez gain, Francesca Albanese Palestinar Lurraldeentzako NBEren errelatorea ere Bogotan da, eta Israelekin harreman oro etetea exijitu die. EBk adierazi du Netanyahuri bere aire... [+]
Carrefour, CAF, Crédit Agricole, BlackRock... Francesca Albanese Palestinar Lurraldeentzako NBEko errelatore bereziak enpresa sare handi bat egin du Israel burutzen ari den Gazako genozidioaren konplize bere azken txostenean, eta horien arduradunak ikertzeko eskatu du... [+]
Gaza Humanitarian Foundationen elikagai banaketa erabiltzen ari dira palestinarrak hiltzeko. Oraingoan, ur horniketa suntsitzeaz gain, hamar pertsona, haien artean sei adin txikiko, hil ditu Israelek Nuseirat kanpamentuan, Gaza hegoaldean.
-_-X.png)
Israelek maiatzean Conscience itsasontzia bonbardatu eta ekainean Madleen itsasontzia bahitu ostean, nazioarteko ekimena berriz saiatuko da laguntza humanitarioa Gazara sartzen. "Erronka hau Gazako umeengatik da", adierazi du Askatasunaren Ontzidiak Siziliatik (Italia)... [+]
AEBek Francesca Albanese NBEk Palestinar Lurraldeetan duen errelatore berezia zigortu dute genozidioari buruzko txostena argitaratu eta egun gutxira. Albanesek sare sozialetan azaldu duenez, “boteregabeen alde hitz egiten dutenak boteretsuek zigortzea ez da indar... [+]
LAB sindikatuak kritikatu du Sidenor enpresako buruari Joxe Mari Korta saria ematea, enpresa hori "Israelgo Armada indartzeko altzairua saltzen" aritu baita orain gutxira arte.
Ondasunak blokeatu eta trantsakzio ekonomikoak egitea debekatu dio Washingtonek Frances Albanese NBEk Palestinar Lurraldeetan duen errelatore bereziari. Nazioarteko Zigor Auzitegian "Israel eta AEBetako herritarrak ikertzeko ekimenetan zuzenean kolaboratzea" leporatu... [+]
Ikerketaren arabera, gutxienez 75.200 lagun hil zituen Tsahal armada sionistak 2023ko urriaren 7az geroztik eta 2025eko urtarrilaren 5a bitartean: tokiko agintariek epe berean zenbatutako 46.000 hildakoak baino %40 gehiago. Horrez gain, une berean, 8.540 lirateke gosez, hotzez... [+]
Azken 24 orduetan Trumpekin bigarren aldiz bildu da Netanyahu, eta Etxe Zuriko maizterraren bulegoan ordubete inguruko solasaldia izan dute. Ondoren kazetariei eginiko adierazpenetan, Israelgo lehen ministroak adierazi du Gazan duten "kanpaina militarra" ez dela... [+]
Lau astetan 550 hildako eta 4.000 kolpatu egon dira GHF fundazioaren banaketetan. Jakiaz gain, tiroak ere banatzen dabiltzalako sionistak. 170 GKEk dute egitura horren desagerpena galdatzen. Baina Israelek beregain nahi du laguntzaren saila ere –finean, gosetearena... [+]
Israelgo Defentsa ministro Israel Katzek eman du asmoaren berri, eta adierazi du Gaza hegoaldean eraiki nahi duten "eremu humanitario" berri horrek hasiera batean 600.000 palestinar inguru hartuko lituzkeela; kontzentrazio esparru gisa funtzionatuko luke. Gaza... [+]
Hamasek jakinarazi du Palestinako erresistentziako beste taldeekin hitz egin duela AEBek, Egiptok eta Qatarrek proposaturiko meniaz, eta "pozik" hartu dutela. 60 eguneko su-etenaz gain, akordioak barne hartuko luke Hamasek Gazan dituen hamar bahitu israeldar askatzea,... [+]
BBCko 100 langile baino gehiagok gutun bat argitaratu dute hedabideak Israelen alde duen jarrera salatzeko. Modu anonimoan egin dute, bestela "ondorio larriei" egin beharko lieketelako. Erresuma Batuko kultura eta komunikazio arloko beste 300 pertsonek ere sinatu... [+]