Beste herrialde batera heltzeko bidean ziren mila pertsona artatu dituzte Irunen, gehienak afrikarrak. Pertsona horiek jasotzeko hainbat “irregulartasun” izan direla nabarmendu eta konfinamenduaren ondotik "migratzaileen egoera okertu egin dela" salatu dute Harrera Elkartekoek.
Irungo Harrera Sareak (IHS) dioenez, uda honetan mila migratzailetik gora artatu ditu, afrikarrak gehienak. Ginea, Mali eta Boli Kostakoak dira, eta gutxi batzuk, aldiz, Kamerun, Senegal eta Nigerrekoak. Bakarrik datorren gizon gaztea da ohikoena, baina baita bada bakarrik edo haur txikiekin datozen zenbait emakume ere.
Gehienak Kanariar uharteak dituzte pasabide nagusi, eta IHSk adierazi duenez, “Afrikako migrazio-bideak aldakorrak dira Espainiak eta Marokok zirkulazio askatasuna oztopatzeko egiten duten presio militarraren arabera”.
IHSk udako hilabeteetan “irregulartasunak” identifikatu ditu Irungo harrera dispositibora sartzeko. “Ez dago irizpide koherenterik eta dispositiboa erdi hutsik egonik ere, migratzaile askori ez zaie aterpetxean sartzen utzi”, kexatu dira
Hori ez ezik, konfinamenduaren ostean migratzaileen egoera “okertu egin dela” salatu dute. “Pertsona askok esan digu, hainbat arrazoi bitarteko, ez dietela Irungo aterpetxean sartzen utzi. Egoera hau are larriagoa da konfinamendua amaitu zenetik aterpetxean ia beti lekua egon dela kontuan hartuta. Hau da, hainbat migratzaile diskriminatu dira eta errekurtsoa ez da behar bezala erabili, diru publikoa modu desegokian xahutuz”.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Pertsona migratzaileak laguntzea kriminalizatzen duten politikak nagusi dira Europar Batasunean, eta hori egiteagatik auzitara eraman dituzten pertsonen kopuruak errekor berria ezarri du 2023an: gutxienez 117.
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]