Irungo Harrera Sarea indartzeko jaialdia
Migratzaileekin elkartasunez Irungo Harrera Sarean boluntario ari direnak omentzeko, Sarerako dirua lortzeko eta berau indartzen jarraitzeko, ekainaren 1ean jaialdia antolatu dute Harrera Sarea sortu zuten lekuan bertan: Irungo Lakaxita gaztetxean.
Antolatzaileek adierazi dutenez, Sareak duen filosofiari eutsi dio jaialdiak, auzolanetik eta auzolanean antolatua izan baita. Kultur arloko jende ugarik hartuko du parte, denek ere doan, eta musika izango da protagonista nagusia (15 kontzertu baino gehiago izango dira).
Herritar multzo batek sortu zuen Irungo Harrera Sarea, gurera iristen diren migratzaileei laguntzeko asmoz. Jaialdian lortzen den dirua ekimen honetara bideratuko da.
Bestalde, Patxuko Nice taldearen Harrera abesti solidarioari lotuta dago jaialdia. Abestia euro bat ordainduta jaitsi daiteke bandcamp plataformatik, eta etekinak Irungo Harrera Sarearentzat dira.
Egitarau oparoa
Denera, larunbat osoan zehar hogei ekitaldi baino gehiago antolatu dituzte (zirkua, arte eta dantza tailerrak, magia…), tartean herri bazkaria. Kartelean ikus dezakezue egitarau osoa:
.jpg)
Pertsona migratzaileak laguntzea kriminalizatzen duten politikak nagusi dira Europar Batasunean, eta hori egiteagatik auzitara eraman dituzten pertsonen kopuruak errekor berria ezarri du 2023an: gutxienez 117.
Donostian 300 pertsona baino gehiago daude aterpetxerik gabe. Harrera Sareak adierazi du “inhumanoa” dela La Sirena itxita mantentzea, eta “are gogorragoa” egungo tenperatura baxuekin.
Migratzaileak atxilotzea saritzen duen neurria onartu zuen atzo Espainiako Poliziaren Irungo taldeak: asteburuan migratzaile bat atxilotzeagatik, hiru jai-egun; bi migratzaile edo gehiago atxilotzeagatik, lau jai-egun; eta hamar atxilotutik gora, bost. Poliziaren sindikatuak... [+]
2018tik aurtengo urrira arte migratzaileei harrera egin eta aterpea emateko erabiltzen zen Axpeko aterpetxea, baina Atxondoko Udalak kanporatu egin zituen, eraikinaren egoera ez zela segurua eta ikuskaritza pasa beharra zegoela argudiatuz. Bi hilabetetik gora kalean bizitzen... [+]
Migratzaileei harrera egiteko prestatuta dagoen Atxondoko aterpetxea erabiltzea galarazi die Udalak, eta non lo egin ez dutela, joan den astetik Atxondoko udaletxeko aterpetxean pasatzen dute gaua zazpi lagunek. Udalaren utzikeria salatu dute.