La Sirena aterpetxea irekitzeko eskatu du Donostiako Harrera Sareak
Donostian 300 pertsona baino gehiago daude aterpetxerik gabe. Harrera Sareak adierazi du “inhumanoa” dela La Sirena itxita mantentzea, eta “are gogorragoa” egungo tenperatura baxuekin.
Donostiako La Sirena aterpetxea irekitzea eskatu du Donostiako Hiritarren Harrera Sareak. Ostegun arratsaldean udaletxearen aurrean elkarretaratzea egin dute “Udal Gobernuaren jarrera salatzeko” eta aterpetxea irekitzea eskatzeko. Mugimenduak adierazi duenez, Donostian 300 pertsona baino gehiago daude aterpetxerik gabe, eta salatu du Udalak itxita mantentzen duela La Sirena aterpetxea, 100 pertsonarentzat tokia duen arren.
Harrera Sareko kide Garazi Montuschik Naizen adierazi duenez, “oso gogorra” da Donostian aterpetxerik gabe bizi direnen egoera: “Pertsona hauek urte osoa daramate horrela, baina orain, hotza eta euriarekin, askoz ere gogorragoa da egoera”.
Montuschik azpimarratu du Harrera Sarea duela hiru urte hasi zela eskatzen La Sirena irekitzeko. Orain arteko ezezkoaren aurrean, Donostiako Udalaren irizpideen “anbiguetatea” salatu du: “Donostiako Udalak erabakita du izozte arriskua dagoenean bakarrik irekitzea. Horrela, azaroaren erdialdetik, 100 plaza daukan aterpe hau itxita dago. Beste hainbat udalerritan egoerari aurre egiteko dispositiboak martxan daude jada eta horrelako aterpeak irekita daude. Egoera honetan La Sirena itxita mantentzea inhumanoa da”.
Harrera Saretik “borondate politikoa” eskatu dute, eta haiekin batera SOS Arrazakeriak eta beste erakunde batzuk “konponbide integralak martxan jartzeko” eskatu diote Gipuzkoako Aldundiari eta Lakuako Gobernuari.
Pertsona migratzaileak laguntzea kriminalizatzen duten politikak nagusi dira Europar Batasunean, eta hori egiteagatik auzitara eraman dituzten pertsonen kopuruak errekor berria ezarri du 2023an: gutxienez 117.
Migratzaileak atxilotzea saritzen duen neurria onartu zuen atzo Espainiako Poliziaren Irungo taldeak: asteburuan migratzaile bat atxilotzeagatik, hiru jai-egun; bi migratzaile edo gehiago atxilotzeagatik, lau jai-egun; eta hamar atxilotutik gora, bost. Poliziaren sindikatuak... [+]
2018tik aurtengo urrira arte migratzaileei harrera egin eta aterpea emateko erabiltzen zen Axpeko aterpetxea, baina Atxondoko Udalak kanporatu egin zituen, eraikinaren egoera ez zela segurua eta ikuskaritza pasa beharra zegoela argudiatuz. Bi hilabetetik gora kalean bizitzen... [+]
Migratzaileei harrera egiteko prestatuta dagoen Atxondoko aterpetxea erabiltzea galarazi die Udalak, eta non lo egin ez dutela, joan den astetik Atxondoko udaletxeko aterpetxean pasatzen dute gaua zazpi lagunek. Udalaren utzikeria salatu dute.
Atxondo Harrera Herria sareak gogoratu du migratzaileek asteak daramatzatela aterpetxean ezin sartu eta udalak eman dien arrazoia dela aterpetxeak ikuskaritza pasa behar duela, txosten bat prestatzen ari direla eta horregatik ezin dela erabili. Galdera eta kezka ugari ditu... [+]