Iruñeko Udalak euskara sustatzeko aurrekontua %20 murriztu duela salatu dute
Iruñeko Udalak murrizketak egin ditu aurten euskararentzat aurreikusitako diru kopuruan. Urriaren 20an egindako udalbatzan berretsi zuten erabakia eta horren arabera, euskararen sustapenerako esleitutako aurrekontuak %20 jaitsiera izango du.
Iruñeko euskalgintzako eragileek salatu dute UPNk alkatetza hartu zuenetik, euskaldunen hizkuntza eskubideen aurkako neurriak hartzen ari dela, besteak beste, iazko udal ordenantzen aldaketa, euskarari udalean presentzia urriagoa emanez, haur eskoletan egindako murrizketak eta orain azken hau. María García-Barberena UPNko zinegotziak hartutako neurria da eta 90.000 eurotik 18.000 eurora jaitsi da euskara sustatzeko aurtengo diru kopurua, alarma garaian ekitaldi gutxiago egin direla argudiatuta.
Argudio horrek ez duela balio salatu dute euskalgintzako taldeek eta erabakiaren atzean euskarazko ekitaldiak desagerrazteko borondatea ikusten dute. Murrizketa hau garai honetan egitea inoiz baino zentzugabeagoa dela adierazi dute, euskaraz sustatzeko proiektuak eta, besteak beste, kultur eragileak orain daudelako inoiz baino behar handiagoarekin. Horrez gain, itxialdia dela eta, aurtengoa urte berezia izan dela azpimarratu dute, familiek eta norbanakoek ohi baino kontaktu gutxiago izan dutela euskararekin, eta horregatik ere, hizkuntzaren sustapenak laguntza handiagoa beharko lukeela eta ez murrizketa.
Nafarroako Administrazio Publikoetako lanpostuak arautzen dituen 97/2024 Foru Dekretuaren bi artikulu utzi ditu bertan behera Nafarroako Auzitegi Gorenak. Argudiatu denez, euskararen balorazioari muga jartzen zioten, eta ingelesaren, frantsesaren eta alemanaren balorazioei ez.
'Hiri Buruzagia loratzen. Loratu ala hil' lelopean sortu da Irauli proiektu berria, euskarazko kalitatezko jarduerak eta zerbitzuak eskaini nahi dituena; hizkuntzaren indarberritzean oinarrituta.
"Ongi etorri Iruñera" zikloa bueltan da. Urriaren 30ean hasiko da migrante eta errefuxiatuekin euskarara hurbiltzeko topaketen bigarren edizioa eta izena emateko epea irekia dago.
Labaren itzulera ospatzeko festa antolatu dute egun osoan zehar. Broken Brothers Brass Band-en kalejirak Alde Zaharreko kaleak zeharkatu ditu Estafetaraino, ondoren lehiotik kantua izan da Amets Aranguren, Julen Goldarazena Flako, Idoia Tapia eta Oier Zuñigaren eskutik; eta... [+]
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Nafarroako Gobernuak eskaera egin duten familiei iradoki die "datorren ikasturteari begira" abiatu dezaketela tramitazioa.
Eraberrituta dator Laba. Egoitza handiagoak ostalaritza eskaintza zein kultur ekitaldiak baldintza hobeagoetan ematea ahalbidetuko du.
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Sarean jarri dute "Belarribizi eta Ahoprest" laburmetraia, joan den igandean itxi zen 2025eko Euskaraldiaren aitzakiarekin Oskar Alegria zinegileak Artazu herrian udaberri honetan filmatu duen lana. Belarriprest eta ahobizi kontzeptuen gaineko... [+]
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
Larunbatean Arguedasen ospatu zen Erriberako Euskararen Egunaren lehen edizioa. Kultura, auzolana eta festa uztartu ziren euskararen inguruan eskualdeko herriak batu zituen jardunaldi honetan.
Maiatzaren 17an Erriberako lehenengo Euskararen Eguna eginen da Arguedasen, sortu berri den eta eskualdeko hamaika elkarte eta eragile biltzen dituen Erriberan Euskaraz sareak antolatuta
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]