Asteburuko inkesten dantza bereziki beroa izan da Nafarroan. Aspalditik esaten ari dena berresten dute inkestek, lehia oso estua izango da eta edozer gerta liteke, baina aldaketaren indarrek Iruñeko Udala galtzeko arrisku handiagoa dute.
Nafarroako Gobernuan ere oso estu ibiliko da lehia eta inkestaren araberako irabazleak dira. Diario de Navarra-koaren esanetan, Navarra Sumak igoera esanguratsuarekin irabaziko du, baina ezingo du gobernua eskuratu PSNren oniritzirik gabe. Eta Maria Chiviteren alderdia litzateke bigarren indarra. Diario de Noticias-ekoan aldiz, ozta-ozta baina aldaketaren indarrek legebiltzarreko 25 eserleku eskura ditzakete (50 eserleku dira guztira). Bistan denez, badira parekotasun batzuk inkestetan, baina hauetan argi da bakoitzak bere aldera egiten duela.
Arrisku handiena Iruñeko Udalean da
Lehia oso estua da Nafarroako bi erakunde garrantzitsuenetan, baina bada faktore bat korapilatu egiten duena udalaren egoera: ezkerreko lau alderdi aurkezten dira: EH Bildu, Aranzadi, Izquierda Ezkerra eta Podemos. EITB focus-eko inkestak dioenez, EH Bilduk igoera esanguratsua izango luke ia bost puntu gora eginez eta bost eserlekutik zazpira pasatuz. Alde horretatik emaitza oso sendoa da. Arazoa beste hiru alderdietan dago, elkarrekin joango balira botuen %13 lor zezaketen eta arazo gutxi legoke berriz ere Joseba Asiron hautatzeko, baina bakoitza bere aldetik joanda, estu ibiliko bide dira zinegotzi bat izateko beharrezkoa den botoen %5era iristea, bereziki, Ezkerrak eta Podemosek.
Iruñeko Udalean 24 eserleku daude eta, beraz, UPNk eta PSN 14 lor dezakete, abertzale ez diren hiru alderdien ezkerreko botoa haietako bat edo bitan biltzen ez bada. Inkestek zarata handia atera dute sare sozialetan, eta bertan, abertzaleen esparruak Joseba Asironen aldeko boto eskaera indartu dut.
Astelehen honetako 19:00etan Iruñeko Alde Zaharreko AZ Ekimenak antolatuta Navarra Suma, EH Bildu, Geroa Bai, PSN, Aranzadi, Ezkerra eta Podemoseko hautagaiek eztabaida izango dute Descalzos kaleko 56. zenbakian.
Alde Zaharrari buruzko eztabaida
— AZ Ekimena (@AZekimena) 2019(e)ko maiatzaren 20(a)
Debate sobre el Casco Viejo pic.twitter.com/hJNzTP3BpG
Lerrook idaztean, Nafarroako lauko berriak akordio programatikoa hitzartu berri du. Berria da laukoa, PSN sartu eta EH Bildu aterako delako. Bi-biak batera etorri dira, gainera: sozialistek betoa jarri diete Bildukoei, haiekin berba ere ez dutela egingo ziurtatu baitute orbe... [+]
1977ko udan Iruñea inguruko Arazuriko soroetan sartu ginen Askatasunaren Ibilaldia-ko milaka lagun, zutabeetan antolatuta eta ikurrinaz josita, Nafarroa Euskadi da oihukatuz. Hogei bat urte geroago, aukera izan nuen Juan Cruz Alli elkarrizketatzeko, eta pasarte hura... [+]
Ada Colauk Kataluniako hiriburuko alkate karguan segituko du, hauteskundeen kanpaina aurretik imajinatzen zaila zen testuinguru batean: PSCren aldeko zortzi botoen, lehen ministro ohi Manuel Vallsen hautagaitzaren hiru botoen –orain arte Ciudadanosek sostengatua– eta... [+]
Ez gaude ohituta politikarien artean soldata murrizketak ikustera, alderantziz baizik, udal eta foru hauteskundeen, bai eta europarren eta autonomikoen ondorioz erakundeetan aldaketak dauden bakoitzean hala gertatzen da. Horregatik, justua eta beharrezkoa da Durangoko Udalak... [+]
Lehengo ekainaren 19an, Nafarroako Parlamentu berria eratzeko bilkuran ari zen bitartean, pareko espaloian, 25-30 bat gizon ageri ziren pankarta baten gibelean. Ez ziren presoen senideak, ez kolokan dagoen enpresa bateko langileak, ezta etor litekeen gobernuarekin kezkaturiko... [+]