Iruņeko dispertsioaren aurkako muralak ezabatzeko agindu du Carmen Albak

  • Carmen Alba Espainiako Gobernuak Nafarroan duen ordezkariak eskatu du ezaba ditzatela Iruñeko Alde Zaharrean dauden dispertsioaren aurkako horma-irudiak. Auzoko bizilagunek margotu zituzten, iazko abenduan. “Dispertsioa salatzea ez da delitua, delitua dispertsioa da”, erantzun dute herritarrek, naiz.eusek jaso duenez.

Ane Eslava Serrano @eslavaane
2017ko apirilaren 05a
Alde Zaharreko mural bat (Argazkia: ahotsa.info)

Muraletan Alde Zaharreko presoen irudiak, hauen izenak, zein espetxetan eta etxetik zenbat kilometrotara dauden agertzen da. Espainiako Gobernuaren ordezkariak terrorismoaren goratzearekin lotu ditu; hortaz, ezabatzeko eskatu dio Iruñeko Udalari.

Ez da Carmen Albak mural bat ezabatzea agintzen duen lehen aldia. Duela urte bat Burlatan tortura salatzeko margotu zuten horma-irudi bat ezabatzea agindu zuen eta egileak atxilotzeko polizia operatiboa antolatu zuen. Agoitzeko Udalari ere eskatu zion Mikel Zabalzaren omenezko mural bat ezabatzeko.

Dispertsioa salatzeko dinamiken kriminalizazioa salatzeko kanpaina bat martxan jarri dute presoen eskubideen aldeko Iruñeko Alde Zaharreko kolektiboek. Mozio bat aurkeztu dute Albaren jarrera salatzeko eta ostegunean bozkatuko dute Iruñeko Udaleko osoko bilkuran.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Sakabanaketa  |  Adierazpen askatasuna  |  Iruņea

Sakabanaketa kanaletik interesatuko zaizu...
Azkenak
EGILEA
Eguneraketa berriak daude