Iruña Oka eta Gasteiz arteko AHT zatia esleitu du Madrilek 27,5 milioi eurorekin

  • Construcciones Sánchez Dominguez Sando enpresak eraman du Espainiako Gobernuaren kontratua. 3,6 kilometroko trenbide zatia da, 27,5 milioi euroko gastua aurreikusten da eta 12 hilabetetan bukatu beharko dira lanak.

Argazkia: Adif

2022ko ekainaren 01an - 15:44

Burgosko AHT zatiak euskal Y-arekin bat egiten duen azken zatia eta Gasteizko sarrerakoa lotuko ditu orain Espainiako Garraio Ministerioak esleitu duen horrek, eta Denis Itsaso Espainiako Gobernuko ordezkariak adierazi duenez, iragarpenak erakusten du estatuko gobernuak euskal abiadura handiarekin duen konpromisoa.

Espainiako Gobernuaren Ordezkaritzak prentsa oharrean zehaztu duenez, hegoaldetik lanen hasiera Villodas kontzejuaren ekialdean hasiko da, Zadorra ibaiaren ibar ezkerrean; ondoren, ibilbidea egungo Madril-Hendaia bidetik ekialdera joago da hasieran, ondoren pergola baten bidez ibaiaren mendebaldera jotzeko. A-4302 errepidea zeharkatuko duen 84 metroko biaduktoa ere izango du.

Eraikiko den trenbide zati bat Zadorrako urek har dezaketen eremutik iragaten denez, Eusko Jaurlaritzako URA agentziarekin batera uholde arriskuari buruzko plana egin beharko dute. Gasteizko Jundiz auzoko geltoki intermodalaren zatiarekin bat egingo du esleitu den zati honek, eta horrek izango duen inpaktua ere aztertuko dute beste txosten batean.

AHT lur azpitik sartuko da Gasteizera eta aurreikuspenen arabera, lan horietarako 680 milioi euroko aurrekontua aurreikusten da, Espainiako Gobernuak orain arte zabaldu dituen datuen arabera.

 

 


Kanal honetatik interesatuko zaizu: Abiadura Handiko Trena
2024-04-22 | Ahotsa.info
Sakanak tren publiko eta sozialaren aldeko apostua egiten du

Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.


Larunbatean manifestazioa egingo dute Altsasun: "Trena benetako garraiobide bihurtu dadin"

AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]


Baskoien beste herrixka baten aztarnak aurkitu dituzte Nafarroan eta AHTren lanek suntsitu ditzaketela salatu dute

Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela.  Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.


Eguneraketa berriak daude