Irun, Baiona eta Bordaleko auzapezen mezua: AHT eraiki beharrean, orain artekoa modernizatu
Bordale eta Irun arteko orain arteko trenbidearen "modernizazioa" lehenesten dute hiru auzapezek. Diotenez AHT egitasmoa "ez da sinesgarria" gaur egungo testuinguruan, "Hego Euskal Herrirako edota Espainiako Estaturako luzapena ez delako ez programatua, ez finantzagarria".
2023ko urtarrilaren 3an plazaraturiko adierazpen bateratua da ondokoa: AHT bide berri bat eraikitzeak ez du zentzurik, eta horren ordez, orain arteko trenbidea modernizatu behar da. Hiru auzapezen deia da: Irungo José Antonio Santano, Baionako Jean-Rene Etchegaray eta Bordaleko Pierre Hurmicerena. AHTk lotuko lituzkeen hiru hirien ordezkarien postura bada esanguratsua, egitasmoan pisua duten hiru hiri direlako Bordale, Baiona eta Irun.
AHT megaproiektua "ez da sinesgarria", Hego Euskal Herrian gaindi eraikitzen dabiltzan AHT kontuan harturik: "AHT/GPSO (Abiadura Handiko Trena / Hego Mendebaldeko Egitasmo Handia) proiektua, gaur arte opzio bakar gisa aurkezturikoa, ez da sinesgarria, Hego Euskal Herrirako edota Espainiako Estaturako luzapena ez baita ez programatua, ez finantzagarria". Azpiegituren Orientaziorako Txostenaren arabera 2042an bukatuko litzateke proiektua, eta auzapezek argi daukate: "Ezin dugu itxoin".
Hori horrela, lehentasun bezala ezarri dute orain arteko trenbidearen "modernizazioa": "Konponbide pragmatikoa da: merkeagoa, soilagoa, egiteko azkarragoa eta lurraldeekiko zein ekosistemekiko bidezkoagoa".
Modernizazioa, lau aldiz merkeagoa
Esku artean dituzten zenbakiei segi, egungo sarea berritzearen kostua lau aldiz txikiagoa litzateke. Tonu gogorra erabili dute auzapezek, behingoan AHT alde batera uzteko premiaz kontziente: "Geldi gaitezen sinestarazten egun batean AHT ukango dugula. 30 urteko proiektua da, kimera bat da!".
Santano, Etchegaray eta Hurmiceren deiarekin bat egin nahi izanez gero, hautetsi zein herritarrek ondoko emailera idatzi dezakete, sostengua eta adostasuna adierazteko: appel.bordeauxbayonneirun@gmail.com.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]
Nafarroa Trenaren Alde, Araba Trenaren Alde eta Goierriko AHTrik Ez plataformek Altsasun egindako prentsaurrekoan egin dute eskaera: tren lasterrak soilik erabiltzeko trenbide-azpiegitura berriak eraikitzeko proiektuak geldiaraztea, gaur egungo tren-azpiegiturak berritzea eta... [+]