Irregulartasunak atzeman dituzte Bartzelonako AHT linearen obran
Bartzelonako AHT linearen gestioa ezbaian jartzen duten zantzuak aurkitu dituzte. Bere garaian txosten ofizialak jaso zuena ez dator bat errealitatearekin, auziaren harira Adifek eskaini berri duen txostenaren arabera. Corsan enpresa dago auziaren erdigunean; Euskal Yaren eraikuntzan ere badihardu enpresa horrek.
Obrei 31 milioiko gainkostua ezartzeaz aparte, egin gabeko zenbait lanengatik ordaindu dela eta kalitate okerragoko materialak erabili direla erakusten du txostenak. Enpresek Adifeko karguen bidaiak ordaintzen zituzten trukean. Jaime G.G. Azpiegitura zuzendariari Aspenera (Colorado, AEB) eski bidaia ordaindu zioten, enpresaren interesen alde jarduteagatik.
Sagrera eta Trinitat lotzen dituen ibilbidearen kudeaketa irregularra baieztatu dute auziaren ikerketa fasean eginiko telefono-entzuketek. “Zenbait milioiko gainkostua ezarri diogu neurketak kamuflatuz”, adierazi zion obrak egiaztatu zituen ingeniari teknikari Isaac C.-k Antoni C. enpresako kideari. Bestalde, obren segurtasunaren inguruko zalantzak pizten dituzte entzuketek.
Corsanek azpikontrataturiko enpresa baten salaketa da auziaren iturburu. Operazioa 2014ean ireki zen, Madril eta Bartzelonako egoitzetan eginiko erregistroekin. Epaileak uste du “egin gabeko obrak egiaztatu” eta gainkostu handia eragin zela, “funts publikoen kaltetan”. Hasieran, gainkostua sei milioi euroan zegoen; orain, 31 milioikoa da.
Corsan eta Euskal Y
2014ean, EH Bilduk salatu zuen Tolosa eta Hernani arteko ibilbideak 9 milioiko gainkostua izan zuela. Gestio irregular hori argitzeko eskatu zuen Oscar Matutek Eusko Legebiltzarrean. Bere aldetik, Eusko Jaurlaritzako Garraio sailburuorde Antonio Aizek azaldu zuen gainkostu hori behar bezala “justifikaturik” zegoela, arrazoi teknikoak medio.
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]