Irlanda eta Eslovenia ez dira Eurovisionera joango Israelek parte hartzen badu
Bi herrialdeek jakinarazi dute ez direla 2026ko Eurovision jaialdira aurkeztuko Israelek parte hartzen jarraitzen badu. Espainiako Gobernuko Kultura ministro Ernest Urtasunek ere iradoki du Espainiak ez lukeela parte hartu beharko.
Datorren urteko maiatzean izango da Eurovision jaialdia, baina dagoeneko hasiak dira bere inguruko albisteak. Esloveniak eta Irlandako Errepublikak jakinarazi dute ez direla lehiaketara aurkeztuko Israelek parte hartzen jarraitzen badu: Islandiako taldeak Israel kanporatzea proposatu du. Bide beretik, Espainiako Gobernuak ere antzerako adierazpenak egin ditu: Pedro Sanchez presidenteak eskatua du Israelen deskalifikazioa, eta Ernest Urtasun Kultura ministroak adierazi du "neurriak hartu" beharko dituztela Israelek parte hartzeari uko egiten ez badio. "Ezin dugu normalizatu Israelen parte hartzea nazioarteko foroetan, ezer gertatuko ez balitz bezala". Dena den, Espainiako komisioak ez du adierazi parte hartuko duen edo ez.
Azken bi Eurovision jaialdietan, batez ere aurtengoan, kritika zorrotzak jaso ditu Israelen parte hartzeak. Palestinarren aurkako genozidio betean, Israelen parte hartzea beren irudia "garbitzeko" era bat dela salatu dute askok, eta mobilizazio ugari izan dira jaialdiaren inguruan. Aurtengo maiatzean protesta jendetsuak izan dira Basilean, Suitzan, Eurovisioneko estadio kanpoan; Poliziarekin istiluak ere izan dira.
Protesta horiek maila altuagoetara ere heldu dira, eta Eurovisionen parte hartzen duten zenbait korporaziok neurriak hartu dituzte aurtengo edizioan. RTVE Espainiako telebista publikoaren kasuan, adibidez, "Bakea eta justizia Palestinarentzat" mezua zabaldu zuen finalaren aurretik: "Giza eskubideak kolokan daudenean, isiltasuna ez da aukera bat".
Azpimarragarria da Errusiako delegazioak debekatua izan duela parte hartzea 2022tik Ukrainako gerragatik. Ez da horrela gertatu, ordea, Israelekin. Hain zuzen ere, horixe salatu dute erakunde askok.
Israelgo zazpi jokalariek uko egin diote Sestaoko xake txapelketan jokatzeari, beren parte hartzearen aurka antolatutako protesten ondoren. Antolakuntzak aurretik eskatu zien parte ez hartzeko edota Israelgo banderarik ez erabiltzeko.
“Ez gintuen harritu nola hartu gintuzten Euskal Herrian, ezker muturreko ekintzaileen eta separatisten gotorlekua baita”, adierazi du Sylvan Adams-ek.
Palestinarekin Elkartasunak manifestazio nazionala antolatu du urriaren 4rako. Ostiral honetan Euskal Herriko 130 udaletxeren aurrean protestatzera deitu du Gernika-Palestina ekimenak.
Bilboko erdigunean amaitu behar zuen txirrindularitza etapak, baina Deustun sartzear zirela antolakuntzak erabaki hori hartu du, helmuga ingurua manifestariz beteta zegoelako. Aurretik ere igaro dira helmuga puntu horretatik, eta istiluak izan dira. Ertzaintzak gutxienez hiru... [+]
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Hainbat lagun errepidera atera dira Palestinako banderak eta Gazako genozidioaren aurkako mezuak eskuan, eta Israelgo taldeko txirrindularien taldekako asteazkeneko erlojupekoa oztopatu dute. Etaparen ondoren argitaratutako ohar batean, taldeak manifestarien "ekintza... [+]
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
BDZ Israeli Boikota, Desinbertsioak eta Zigorrak mugimenduko (BDS nazioartean) ordezkaritza bat bildu berri da Donostiako Klasikoa antolatzen duen Oceta erakundeko arduradun batekin. Jakinarazi digu aurten, iaz ez bezala, lasterketara ez dela talde israeldarrik etorriko... [+]
Bilboko Konpartsak osatzen duten 27 taldeetatik hamahiruk erabaki dute AEBetako Coca-Cola multinazionalaren produktu guztiak kenduko dituztela haien txosnetatik, Israel palestinarren aurka egiten ari den genozidioaren konplize izatea leporatuta.
LAB sindikatuak kritikatu du Sidenor enpresako buruari Joxe Mari Korta saria ematea, enpresa hori "Israelgo Armada indartzeko altzairua saltzen" aritu baita orain gutxira arte.
NBEren txosten batek azaldu du Beasaingo enpresak lagundu egiten duela Israelgo legez kanpoko kolonien hedapenean. Amnistia Internazionalek deialdia egin die gobernuei “urgentziaz” esku hartu dezaten txostenaren ondorioekiko.
Astearte eguerdian jakinarazi du Sidenorrek Israelekin harreman komertzialak etengo dituela. Ordu batzuk lehenago ELA, LAB eta ESK sindikatuek, BDZ mugimenduarekin batera, euskal enpresari eskatu diote gaur bertan Bartzelonako portutik Israelera irten den bidalketa bertan behera... [+]
El Salto hedabideak argitaratu zuen Espainiako dozenaka musika jaialdiren Superstruct sustatzailea Israelen aldeko funts batek erosi zuela. Geroztik, musika talde eta bakarlari ugari batu dira KKR-ren aurkako boikot kanpainan, eta Israel Palestinan egiten ari den genozidioaren... [+]
Beasaingo enpresaren akzioen %3ren jabe da Eusko Jaurlaritza, eta adierazi du CAFek nazioarteko legedia errespetatzen duela. BDZ Euskal Herriak gogorarazi dio gobernuak derrigortuta daudela okupazioa bultzatzen duten proiektuen aurka egitera.