Irlandak barkamena eskatu die Magdalene garbitegietako emakume esklaboei

  • Enda Kenny Irlandako Taoiseach-ak (lehen ministroak) barkamena eskatu zien Magdaleneko garbitegietan giltzaperaturik egon eta tratu iraingarria jaso zuten ia 10.000 emakumeei, TheGuardian-ek argitaratu duenez. Moja katolikoak ziren garbitegi horien jabe, eta XVIII. mendetik XX. mendearen amaiera arte egon dira jardunean.

Lide Hernando @lidehernando
2013ko otsailaren 20a
Magdalene garbitegietako baten irudia (argazkia: ft.com)

Irlandako gobernuaren desenkusa, 1.000 bat orrialdeko salaketa bat argitaratu eta bi astera etorri da. Garbitegietatik biziraun dutenek, haien senideek eta beste hainbat defendatzailek osaturiko Justice for Magdalenes plataformak idatzitako salaketa horretan xehetasunez azaltzen dira bertako emakumeek jaso zituzten tratu txarrak.

Kausaren jarraitzaileak asaldaturik agertu ziren lehen ministroak, salaketa irakurri eta berehala, barkamena eskatzeari uko egin zionean. Atzo parlamentuaren aurrean eginiko agerraldian, ordea, lehenbiziko epai hori zuzentzen saiatu zen. Magdaleneko emakumeei gertaturikoak “Irlandarron bizitza, gu garenaren kontzientzia itzal beltz batez estali” duela esan zuen Kennyk. Jasanarazitako minaz eta traumaz “benetan damuturik” zegoela esan zuen parlamentuaren aurrean.

Gobernuak emakume horiei eskainitako oroimen-monumentu bat finantzatuko zuela ere iragarri zuen lehen ministro irlandarrak. Honez gain, bizirik dirauten Madgaleneko garbitegietan egondako 800 emakumeri kalte-ordaina eskainiko zaiela esan zuen. Konpentsazio honek aholkularitza zerbitzua, osasun zaintza eta ordain ekonomikoa bilduko ditu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Irlanda  |  Esklabotza

Irlanda kanaletik interesatuko zaizu...
2018-09-12 | Uztarria
Harold Good apaiz protestantea bake prozesuez mintzatuko da ostegunean Azpeitian

90eko hamarkadan IRAren armagabetze prozesuan parte hartu zuen Goodek egiaztatzaile moduan. Euskal Herriko gatazka politikoa ere gertutik ezagutzen du, eta Bakearen artisauekin aritu zen lanean ETAren armagabetze prozesuan. 


Gerry Adamsen etxeari lehergailu bat botatzeagatik gizon bat atxilotu dute

35 urteko gizon bat atxilotu dute Sinn Féineko buru zenaren etxera lehergailu bat botatzeagatik.


'Magdalenak', neska bekatariak zigortzeko makinaren biktimak

1996an itxi zuten Irlandako azken Magdalenen garbitegia, ustez bide okerretik abiatutako emakumeak moja katolikoen agindupean zerratuta  lan derrigortuan edukitzen zituen komentu-lantegia. Ingelesekiko gatazka armatuaz bezala apaiz katolikoek haurren kontra erabilitako bortxaz, oroimen historikoan bide luzea egina du Irlandak azken urteotan, baina justizia egin ezinik dabil mende luze batez elizak estatu independentearen laguntzaz emakumeei eginiko zanpaketaz.


2018-07-09 | Zero Zabor
Belfasteko erraustegi proiektua bertan behera utzi dute epaileek

Ipar Irlandako Apelazio Auzitegiak behin betiko erabakia eman du: legearen kontrakoa da Mallusken eraiki nahi duten erraustegiari emandako baimena. Goi funtzionario batek baimen hori eman izana Ostiral Santuko akordioen kontrakotzat jo dute epaileek eta balio gabe utzi. Beren poza adierazi dute proiektuaren kontra No-Arc21 elkartean borrokatu diren herritarrek.


2018-05-28 | ARGIA
Abortua despenalizatu dute Irlandan

Irlandako Errepublikako Gobernuak abortu legearen gaineko araudia aldatzeari buruz galdetu die herritarrei ostiralean egindako erreferendumean. Abortatu eskubidearen aldeko aldarria nabarmenki gainjarri zaio kontrakoari.


2018-05-25 | Amaia Lekunberri
Abortatzeko eskubidea eztabaidagai Irlandan

Erreferenduma egingo dute gaur Irlandako Errepublikan, abortua despenalizatu ala ez erabakitzeko.


2018-04-12 | Jon Torner Zabala
Sexu erasoak: egunkariko iragarki-orrietara egin du salto eztabaidak

2016ko ekainean emakume bat bortxatu izanaz akusatu (eta absolbitu) dituzten Ulster Rugby taldeko bi jokalarien auziak hautsak harrotu ditu Irlandan. Egunkariek tarte handia eskaini diote kasuari, ez soilik kronika edota iritzi sailetan, baita iragarkientzat gordetako orrialdeetan ere. Horrek eman digu atentzioa bereziki.


2018-03-13 | ARGIA
Abian da Irlandan gaelikoaren aldeko 'Rith' Korrika

Martxoaren 11n hasi dute gaeliko irlandarraren aldeko Rith ekimena. Irlandako osoa goitik behera zeharkatuko du astebetez; Belfastetik Kerryra. Guztira, 500 kilometro baino gehiagoko ibilbidea antolatu dute bosgarren ediziorako. Rith hitzak “korrika egin” esan nahi du eta Korrikan egiten den bezala, lekuko bat daramate ibilbide guztian zehar eta barruan daraman mezua ekitaldi amaieran irakurtzen da.


2018-02-02 | ARGIA
Ipar Irlandan gaelikoarentzat lege babesa eskatu dute ehunka herritarrek

Gaeliko hiztunen eskubideak babesteko araudia eskatzen dute. Manifestazioa otsailaren 1ean egin zen.


Irlandarrek abortua debekatzen duen lege zurrunenetako bat iraultzeko aukera izango dute

Abortuaren inguruko erreferenduma egingo dute Irlandan maiatzaren bukaeran, Leo Varadkar herrialdeko lehen ministroak jakinarazi duenez


Azkenak
EGILEA
Eguneraketa berriak daude