Irailaren 27an epaituko dituzte ‘Leioako 5ak’
40 urtetik gorako espetxe-zigorrak eta 45.000 euroko zigor ekonomikoak eskatzen dituzte 'Leioako 5entzat'. 2016an Leioako campusean egindako ikasle mobilizazio baten harira auzipetu zituzten gazteak, eta berriz seinalatu dute EHUren erantzukizuna.
Zazpi urte beranduago, badirudi gero eta hurbilago dagoela Leioako 5en kasuko epaiketa: irailaren 27an izango da, eta ikaragarrizko zigorrak eskatzen jarraitzen dute auzipetutako lagunentzat. Guztira, 41 urte eta erdiko kartzela-zigorrak nahi dituzte haientzat; bakoitzarentzat hamazazpi urtekoak, bi pertsonaren kasuan. Horretaz gain, 45.000 euroko isunak ere jarri nahi dizkiete.
Auzipetuek aurreko urtean egin zuten prentsaurreko bat Leioako (Bizkaia) campusean, euren kontrako prozedurari lotuta mahaira atera ziren zigorren berri emateko. Gaur-gaurkoz berdin jarraitzen du auzibide sinesgaitzak, eta epaiketaren data finkatuta dago, gainera. "Zazpi urte luzeren ostean, astakeria honek aurrera jarraitzen du", esan dute epaituak izango diren gazteek. Haietako bik, Gabi Daraspek eta Ander Mazkiaranek, iaz azaldu zioten Gedar Langile Kazetari 2016an eta horren ostean gertatutakoa, elkarrizketa honen bidez.
Leioako 5ek gogorarazi dutenez, 2016an Leioako campusean izan zen mobilizazio baten ondorioz atxilotu eta auzipetu zituzten. "Garai hartan, Euskal Herriko Unibertsitatearen (EHU/UPV) partetik ikasle mugimenduak jasaten zuen errepresioarekin amaitzea zen gure helburua; inputazioak, jarraipenak, espediente akademikoak irekitzeko mehatxuak, isunak, militantzia politikoa aurrera eramateko oztopoak... Hala ere, unibertsitatearen erantzuna, berriz ere, errepresioa izan zen", salatu dute.
Eskubide politikoak kolokan eta EHU jopuntuan
"Larritasunez bizi dugu, protesta sozialaren aurrean, estatuen aldetik izaten ari den autoritarismoaren gorakada eta langileon eskubide politikoen murrizketa. Militantzia politikoa gero eta jasanezinago egitea bilatzen dute, krisi testuinguruak protesta eta militantzia gero eta beharrezkoagoak egiten dituen momentuan", gaitzetsi dute gazteek.
Bestalde, berriz seinalatu dute EHU: "EHUren erantzukizuna zuzena da. Unibertsitate publiko batek izan beharko lukeen askatasun politikoen bermea errotik mozten dute. 2016tik hona, egoera ez da hobetu, ikasle mugimenduak salatzen jarraitzen baitu gaur egun ere EHUren autoritarismoa". Leioako 5ek gogoan izan dute, adibidez, iazko ikasle greba batean Gasteizen (Araba) atxilotutako 34 ikaslek jasandako errepresio guztia.
Berriz nabarmendu dute "elkartasuna eta antolakuntza" direla "gure indargunea", eta "babes eta indar guztia" eman diete "gaur egun ere, unibertsitatean, militantzia politikoa aurrera eramateagatik erreprimituak direnei".
Salvador Puig Antich frankismoaren kontrako militantea izan zen. Askapen Mugimendu Iberikoko kidea, 1973ko irailaren 25ean atxilotu zuten. Gerra-kontseilua egin zioten, eta garrotez exekutatu zuten handik sei hilabetera, 1974ko martxoaren 2an. Aurtengo otsailean baliogabetu du... [+]
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
2023an Zaballako espetxean euskal presoen alde egindako martxarengatik ezarri zizkieten isunak. Helegiteen ezeztapenaren aurrean epaitegietara joko dutela adierazi du antolakundeak, eta Poliziaren inpunitatea salatu du.
49 urte eta gero Espainiako Poliziak Gasteizko Maria Sortzez Garbiaren katedralean eraildako bost langileak oroitu dituzte beste behin astelehen arratsaldean. Milaka pertsona batu dira Zaramagatik abiatutako eta katedralean amaitutako manifestazioan. Manifestari guztiek ez dute... [+]
Iñigo Cabacas Herri Harmaila taldea eta Athleticen arteko harremana nahaspilatuta dago azkenaldian. Iñigo Cabacas Herri Harmailako Iñigorekin hitz egiteko aukera izan dugu astelehenean.
Asiak jarraitzen du izaten kazetari gehien atxilo dituen kontinentea: 2024an atxilotutako kazetarien %30 baino gehiagorekin. Txina, Israel eta Myanmar izan ziren berriemaile gehien espetxeratu zituzten estatuak iaz. Osotara, 200 kazetari baino gehiago hil eta ehunka zauritu eta... [+]
Gasteizko Auzitegiko laugarren aretoak ebatzi du Gasteizko isunak bertan behera uztea, eta Bilboko isun batzuk 2.500 eurotik 1.800era murriztea, "gehiegikeria" egon zela argudiatuta. Ernairen arabera, Segurtasun Sailak "arbitrariotasunez" eta... [+]
Isunak baliogabetzeko helegitea jarri zuten Ernaiko gazteek eta arrazoi eman die epaileak. Naiz-ek eman du epaiaren berri eta ostegun honetan 10:30ean eginen du prentsaurrekoa Ernaik, zehaztapen guztiak plazaratzeko.
Mexiko Hiria, 1968ko urriaren 2a. Hilabete batzuk lehenago, ekainaren 22an abiatutako ikasle mugimenduak mitin bat antolatu zuen Hiru Kulturen Plazan, hiriko Nonoalco-Tlatelolco unitatean. Mexikoko ejertzitoak eta Batallón Olimpia talde paramilitarrak bildutako ikasleei... [+]
Bizkaiko Probintzia Auzitegiak amnistia aplikatu die Kataluniako prozesu independentistarekin lotutako mobilizazio batengatik kondenatutako lau gazteri. Kataluniarekin elkartasun ekimenengatik herritar gehiago ere zigortu zituzten Euskal Herrian 2011 eta 2023 artean, bide... [+]
2021eko urtarrilaren 20eko istiluetan atxilotutako sei gazteek epailearen aurretik pasatu beharko dute urriaren 22an.
Aroztegia proiektuaren kontrako protesta baketsuetan parte hartzeagatik ezarritako zigorrari aurre egiteko diru-bilketa abiaraziko dutela iragarri du herri kolektiboak.
Otsailean atxilotu zuten Iturmendiko pertsona bat, eta bi urte eta erdiko espetxe-zigorra eskatzen dute bere kontra, sare sozialetako zenbait mezu direla-eta. Uztailaren 16an epaituko du Espainiako Auzitegi Nazionalak.