Ipar Euskal Herriko ehunka etxalde laguntzarik gabe geratzeko arriskuan

  • Euskal Herriko Laborarien Batasunak (ELB) salatu du Ipar Euskal Herria eta Biarnoan 700 etxalde –behi etxaldeen %16– laguntzetatik kanpo gera daitezkeela, Europa mailan negoziatzen ari diren PAC edo Nekazaritzako Politika Komunaren harira Frantziako Gobernuak proposatuko duelako 10 behi baino gutxiago dauzkatenak laguntzen eskematik kanpo lagatzea.


2013ko abenduaren 19an - 00:00
Azken eguneraketa: 2015-02-26 13:37:33
Azaroaren 27an 30 bat auzapez bildu ziren suprefeturaren aintzinean ELB sustengatzeko. (Argazkia: Bob EDME / Kazeta.info)

ELB-k gogor kritikatu du FNSEA Frantziako laborantza sindikatu nagusia, PACaren negoziaketan erakutsi duen jokabideagatik. Laborantzako patronal handiaren interesak defenditzen dituen sindikatu horrek proposatu zuen 30 behitan ezartzea gutxieneko marra, ELB barne den Confederation Paysannek 3 behitaraino mugatzea, eta Parisko gobernuak "erdibidea" egin du 10etan ezarriz.

Ondorioz, ELBk Pirinio Atlantiarreko 700 etxalde –behi etxaldeen %16– laguntzetatik kanpo geratuko liratekeela salatu du, "eta milaka Frantziako Estatuan".

Gainera, produktibitate maila minimoa behi bakoitzeko 0,8 txahal (orain 0,6  da) izatea proposatu du FNSEAk. "Hori aintzat hartuko balute, Pirinio Atlantikoetako departamenduko –eta horrenbestez, baita Ipar Euskal Herriko– hazleen %70k ez luke inolako produktibitate-saririk jasoko", adierazi dute laborariek.

Antzeko ondorioak izango lirateke ardigintza esparruan. Ardi bakoitzeko izaten den hobaria %25 jaistea (21 eurotik 16 eurotara) proposatu du FNSEAk. Horrekin batera, diru-laguntzak eskuratzeko baldintzak zorrozteko ere eskatu dute, Kazeta.info-k azaldu duenez.

"FNSEAren aldarrikapen produktibistak sustengatuz eta laborarieri baino gehiago produkzioari lehentasuna emanez, laborantxako ministroak milaka etxalde laguntzetarik kanpo emaiten ditu, etxalde hauek direlarik gehienetan gizartearen galdeekin bat doaztenak: laborantxako enplegua atxikiz, ekoizpenen kalitatea segurtatuz, ingurumena zainduz".

Erabakia, heldu den astean

Frantziako Laborantza Ministerioak heldu den astean hartuko du erabakia. Bien bitartean, ELBko kideek haien "arrangura berdinak dituzten auzapez eta herriko etxeen zerrenda" bidali diote prefetari, laborantza ministeritzari helaraz diezaion. "Laguntzen banatzeko molde zuzena" nahi dutela diote, "kriterio baztertzailerik gabekoa, herrietako etxalde kopurua atxikitzeko gisan". Jean-Jacques Lasserre kontseilari nagusi eta senatariak ere bat egin du aldarrikapen horiekin.

ELBri sustengua azaldu dioten Herriko Etxeen zerrenda plazaratu du Kazeta.info webguneak:

Altzai-Altzabeheti, Zunharreta, Omizegañia, Lexantzü-Zühanarre, Ozaze-Zühara, Lakarri, Gamere-Zihiga, Hauze, Etxebarre, Hiruri, Zalgize-Doneztebe, Altzuruku, Muskildi, Urdiñarbe, Maule, Mithikile, Etxarri, Xarrikotapea, Aiziritze, Ozeraiñe, Amoroze-Zokotze, Oragarre, Gabadi, Lohitzüne, Phagola, Izura, Larzabale, Bunuze, Ainhiza-Monjolose, Lakarra, Suhuskune, Jatsu, Buztintze, Irisarri, Ortzaize, Azkarate, Lasa, Banka, Eiheralarre, Behorlegi, Lekunberri, Mendibe, Aintzila, Donamartiri, Bastida, Donostiri, Lekorne, Luhusoa, Itsasu, Ezpeleta, Senpere, Sara, Uztaritze.

 

 

 

 


Kanal honetatik interesatuko zaizu: Laborantza
2024-03-18 | Garazi Zabaleta
Nekazariak eskolan
Eskola ezin bada baserrira igo, baserria jaitsiko da ikastetxera...

Hamar urte baino gehiago daramatza martxan Arabako Nekazariak Eskolan proiektuak, Hazi fundazioak zenbait ekoizlerekin elkarlanean bultzatzen duena. Haur eta gaztetxoak nekazal mundutik geroz eta deskonektatuago bizi diren garaiotan, inoiz baino beharrezkoagoa da elkar... [+]


Nafarroako nekazaritza-ekoizpen ekologikoak lurren %25 kudeatu nahiko lituzke 2030ean

Nafarroako sektore ekologikoa egonkor mantendu da azken urtean eta nekazaritza ekoizpena %5 handitu da. Nafarroako Nekazal Produkzio Ekologikoaren Kontseiluak erronka du 2030. urterako: lurren %25 ekologikoa izatea. "Bide horretan ari gara lanean, ahalik eta nekazari eta... [+]


Semilla y Belarra elkartea sortu dute Nafarroako O6 nekazarien mugimendutik

Aste honetan sortu da elkartea eta datorren astelehenean, hilaren 18an, laborarien sindikatuek Jose Mari Aierdi kontseilariarekin izango duten bileran egongo da.


2024-03-14 | Leire Artola Arin
EAEko nekazaritza lurren %5ak soilik dauka ziurtagiri ekologikoa

Gorantz egiten ari da nekazaritza ekologikoko eredua Araba, Bizkaia eta Gipuzkoan, Ekolurra Kontseiluak baieztatu duenez, baina Europako Itun Berdeak 2030erako helburutzat duen %25etik urrun dago oraindik.


2024-03-11 | ARGIA
“Talka-neurriak” adostu ditu Eusko Jaurlaritzak nekazaritza sindikatuekin

Eusko Jaurlaritzak, sindikatuekin egindako bileran, hamar konpromiso hartu ditu. Bilera ontzat eman badute ere, hauteskundeak egitear direnez, denborarik eza azpimarratu dute sindikatuek. ENBAk adierazi du denbora gutxi dutela neurriak gauzatzeko, eta UAGAk nabarmendu du... [+]


Eguneraketa berriak daude