Intxaurrandieta eta Errazkinen epaiketan, fiskaltzak ere 45 urteko kalte-ordainen eskaria berretsi du

  • Madrilgo Kontuen Auzitegian Iñaki Errazkinen eta Ainhoa Intxaurrandietaren kontra burutzen ari diren epaiketan, fiskalak bat egin du GHKren abokatuk haien kontra egindako kalte-ordainen eskariarekin: 45 milioi euro, horietatik 36,3 aurreko agintariek sinatutako swap kreditu toxikoengatik, Naiz-Garak aurreratu duenez.

Zero Zabor @zero_zabor
2018ko maiatzaren 11
I˝aki Errazkin eta Ainhoa Intxaurandieta erdian Martin Garitano Gipuzkoako aldun nagusi ohia dutela Madrilgo epaiketaren lehen egunean. (Argazkia: EITB)

Ostegunean, maiatzak 10, Madrilgo Kontuen Auzitegian egindako auzi-saioan zehaztu zuen bere azken posizioa fiskaltzak, akusazioa aurrera eraman duen GHKren argudioekin bat eginez, alegia Gipuzkoan Bildu agintean zegoenean Iñaki Errazkin Ingurumen diputatuak eta Ainhoa Intxaurrandieta GHKko lehendakariak Zubietako erraustegiaren kontratua etetea negoziatu eta likidatu zutelako lurraldeari kopuru horretako kalteak eragin zizkiotela, 8,2 milioi FCC buru zuen enpresa taldearekin adostuta kontratua likidatzeagatik eta 36,6 milioi gehiago aurreko legealdiko agintariek (EAJ eta PSEkoek) erraustegia finantzatzeko sinatutako swap kreditu toxikoen gastuengatik. Intxaurrandietak eta Errazkinek argudiatu dute oso bestelakoa izan zela emaitza, Gipuzkoari erraustegiaren lanak etetearekin urtean 10 milioi euroko galera aurreztu ziotela.

GHkaren lekukotza eskaini dute PSEko Denis Itxaso eta Arcadio Benitez politikariek eta 2007-2011 legealdian erraustegiaren planaren zuzendaritza teknikoa zeraman Armengol Grauk, RESA ingenieritza konpainiakoa bera.

Bitartean, Ainhoa Intxaurrandietak jarraitzen du herriz herri Gipuzkoako erraustegiari buruz daukan informazioa zabaltzen, Gipuzkoa Zutikek antolatu dion hitzaldi saioan. Aste honetan, esaterako, Antzuolan mintzatu da Goienak bildu duenez. "Auzia juridikoa izan beharrean politikoa denean, ez du lasaitasunerako gunerik ematen" esan du Intxaurrandietak.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Gipuzkoako erraustegia  |  Errausketa

Gipuzkoako erraustegia kanaletik interesatuko zaizu...
2018-11-14 | Usurbilgo Noaua
Zubietako aurreko erraustegia geratu zenetik bost urte bete dira

Astearte honetan bete dira bost urte Zubietan eraiki asmo zuten lehen erraustegia geratu zenetik. 2013ko azaroaren 13an izan zen. Garai harta EHBildu buru zuen Gipuzkoako Foru Aldundiak, Gipuzkoako Hondakinen Kontsortzioak eta enpresa talde eraikitzaileak erraustegia geratzeko akordioa erdietsi zuten. 


2018-11-12 | Zero Zabor
GuraSOSek "Babes Kutxak" atera ditu salgai Hitzartu prozesua finantzatzeko

Zubieta inguruetan bizi diren neska eta mutilek egindako marrazkiak tapakietan serigrafiatuak dituzten Babes Kutxak aurkeztu ditu GuraSOS elkarteak, horien salmentatik bildutako diruarekin Hitzartu proiektua finantzatzeko. GuraSOSek prentsa oharrean dioenez, "ekimen herritar honetan, hondakinen kudeaketaren inguruan partehartze prozesua burutzen ari da informazioa eta eztabaida soziala bermatzeko".


2018-11-09 | Zero Zabor
OEITeko medikuek Asensio diputatuaren dimisioa eskatu dute, ETBn esandako irainengatik

Osasuna eta Errausketa Ikerketa Taldeak Gipuzkoako Foru Aldundiko Ingurumen diputatu Jose Ignacio Asensioren dimisioa eskatu du publikoki: “gizartearen adimenari egindako laidoak eta GEIS/OEIT-i jaurtitako kalumniak” direla eta.


2018-11-07 | Zero Zabor
Aurrekoetxea doktorea, erraustegia justifikatu duena, Jaurlaritzako Osasun Publikoko zuzendari berri izendatu dute

Eusko Jaurlaritzak urriaren 30an Juan Jose Aurrekoetxea izendatu du Osasun Publikoaren eta Adikzioen zuzendari, kargu hori zeukan Miren Dorronsoren ordez. Aurrekoetxea doktorea Biodonostia erakundeko ikerlaria izan da eta kargu horretatik emana du lekukotasuna Gipuzkoako Batzar Nagusietan argudiatuz, Zubietako erraustegiaren eztabaidan, hondakinen errausketak osasuna kaltetzen duenik ez dagoela demostratuta.


2018-10-30 | ARGIA
Ainhoa Intxaurrandietak beren aurkako jazarpena salatu zuen sorpresaz GHK-ren bileran bertan

Madrilgo Kontu Auzitegiak Ainhoa Intxaurrandieta eta Iñaki Errazkinen alde atera zuen epaia errekurritu ala ez erabaki behar zuen astelehenean. EAJ eta PSEk gehiengoa dute Jose Ignacio Asensio buru duen GHK-n, eta aurreko astean Diario Vasco egunkariak aurreratu gisan, errekurtsoa jartzea bozkatu zuten. Ezusteko bakarra, bileran Ainhoa Intxaurrandieta bera agertzea izan zen. Twitter bidez eginiko hari batean kontatu du gertatua.


2018-10-29 | Zero Zabor
"Kazetariok: ondo informatu erraustegiaz" eskatu dute Rikardo Arregi Sarietan

Ekintzaileek 400 esku-orri ere banatu zituzten egoeraren larria esplikatuz Andoaingo festara hurbilduei. Paperak azken paragrafoan dei zuzena egiten die komunikazioko profesionalei eta are zorrotzagoa hedabide publikoetan ari direnei: “Baina, hori dena gure begien aurrean dugula, zergatik ez diegu herritarrei informazio osoa ematen? Zergatik ez diegu egia kontatzen? Gaur da eguna gure hedabide publikoek gai honi buruz aurrez aurreko eztabaida serio bat egin ez dutena, behin baino... [+]


2018-10-29 | Usurbilgo Noaua
Gipuzkoako erraustegia geratzea exijitu dute milaka gipuzkoarrek Donostian

Milaka herritarrek bete zituzten Donostiako kaleak larunbat arratsaldean. Eragile anitzek babestuta, Zubietako erraustegia geratzea eskatu zuten. Ibilbide osoan zehar, etenik gabekoak izan ziren errausketaren aurkako oihuak.


2018-10-25 | ARGIA
Errazkin eta Intxaurrandieta errugabetu dituen epaiari helegitea jarriko dio Hondakinen Kontsorzioak

GHK Gipuzkoako Hondakinen Kontsorzioak, EAJ eta PSE alderdiek kudeatua, nahi du errazkinek eta Intxaurrandietak ordaintzea 2013an Zubietako erraustegiaren proiektua geratzeak eragindako kalte ekonomikoa (40 milioi euro baino gehiago).


2018-10-23 | Usurbilgo Noaua
GuraSOS: "Zubietan eraikitzen ari diren erraustegiak %110etik gorako gaindimentsioa du"

Berriki Espainiako Kontu Auzitegiak garai batean Zubietan eraiki nahi zen erraustegia gaindimentsionatua zegoela aitortu zuen. Egun eraikitzen ari direna ere hala dago. Zubietan eraikitzen ari diren erraustegiak %110etik gorako gaindimentsionamendua du. Hala adierazi du GuraSOSek astearte goiz honetan Donostian egin duen agerraldi bidez. Hitzartu prozesuaren baitan adituekin osaturiko mahai teknikoa Gipuzkoako Hiri Hondakinen Planaren erredakzio betean da.


2018-10-12 | Estitxu Eizagirre
Lerro artean: Espainiako Kontu Auzitegiak erraustegiaz emandako epaiaren osteko adierazpen gakoen bilduma

Espainiako Kontu Auzitegiak urriaren 10ean ateratako sententziak arrazoia eman die Ainhoa Intxaurrandieta (GHK-ko lehendakari ohia) eta Iñaki Errazkini (Ingurumen diputatu ohia). PSE eta EAJren aldeko botoekin, egungo Gipuzkoako Hondakinen Kontsortzioak (GHK) jarri zuen haien aurkako salaketa. Epaiaren ostean hainbat eragilek hainbat hedabidetan egin dituzten adierazpenen bilduma osatuko dugu albiste honetan.


Azkenak
EGILEA
Eguneraketa berriak daude