Interneteko loturak kobratu nahi dituen legeak nola funtzionatuko du?
Uztailaren 22an PPk jabetza intelektualaren legearen erreforma onartu zuen beste alderdien babesik gabe. Erreforma Senatura pasako da orain eta udazkenean jarriko da martxan. Joxe Rojas Tokikomeko koordinatzailea horren inguruko xehetasunez eta ekarriko dituen ondorioez aritu da Info7n.
aurre egingo dieten hedabide independenteak
Legearen erreformak ekarriko duen ondoriorik nabarmenena AEDE kanonaren sorrera dela azpimarratu du Rojasek. Honen eraginez, interneteko agregatzaileek tasa bat ordaindu beharko dute beste hedabideen edukietarako loturak jartzeagatik.
Albiste agregatzaileak jo-puntuan
Kanon berriak Google News edota Meneame bezalako webguneetan izango du eragina. Hauek beste hedabideek landutako albisteetarako loturak erakusten dituzte. Ez dute eduki horiengatik dirua jasotzen, baina bai webgunean duten publizitatetik. Rojasek azaldu duenez, editore handiak kexatu dira, “interneteko agregatzaileek etekin ekonomikoa ateratzen dutelako besteen edukiei esker”.
Erreformak hedabideei eskubidea aitortzen die euren loturen truke kobratzeko, eta ezin diote uko egin, loturen truke “bai ala bai” kobratuko dela jakinarazi du Rojasek.
Tokikomeko koordinatzaileak azaldu du kobratzea ez dutela hedabideek zuzenean kudeatuko, Espainiako Estatuak izendatutako bitartekari batek baizik; AEDE Espainiako prentsa editore handien elkartea izatea espero zen hasieran, baina antza denez, azkenean CEDRO izango dela adierazi du Rojasek: “Erakunde horrek legez izango du eskubidea hedabideen loturen truke kobratzeko”.
Joxe Rojasen ustez lege erreforma kudeatzea praktikan oso zaila izango da: “Interneten dagoen informazio truke handiarekin ez da egingarria proposatzen dutena. Logikoena litzateke Estatuak urtero diru kopuru bat zehaztea eta hori zuzenean CEDRO edo AEDEri ordaintzea loturak partekatu ahal izateko”.
Norbanako erabiltzaileei ez die eragingo
Espainiako Kultura Ministerioak ohar batean argitu du AEDE kanonak momentuz ez diela zuzenean eragingo norbanako erabiltzaileei eta hauek sare sozialetan partekatzen duten edukiari, interneteko agregatzaileetan bakarrik aplikatuko da. Hori bai, “AEDE kanonak, kanon digitala bezala, Espainiako aurrekontuetan bukatzen badu, bai eragingo digula”, adierazi du Joxe Rojasek.
Interes partikularrak
Rojasen ustez, baliteke AEDE kanonaren atzean interes partikularrak egotea: “AEDEn prentsa editore handiak daude, eta denok dakigu prentsa klasikoak dituen zailtasunak aurrera egiteko teknologia berrien aro honetan. Zurrumurruen arabera, presioa egon da talde horien partetik Espainiako Gobernuarekiko halako diru-laguntza batzuk arautzeko. Eta beste alde batetik, maltzurrenek diote Gobernuak mesede asko zor dizkiola AEDEri, eta kanon berria hauek ordaintzeko modu bat dela”.
WeTransferren baldintza berri gaiztoen aurrean, alternatibarik? Bai, pare bat, edo bien arteko konbinazioa. Enkriptazioa edo/eta Tori.eus zerbitzu euskalduna erabiltzea.
Europako Batzordeak, Batasunaren barne-segurtasuna indartzeko promesarekin, aspaldi lantzen ari den bide-orri bat aurkeztu du segurtasun-indarrek herritarron datuetarako sarbide eraginkor eta zilegia izan dezaten. Krimen antolatua, terrorismoa, haurren abusua eta antzeko... [+]
Hainbat irregulartasun egitea egotzi dio Eusko Jaurlaritzaren Lan Ikuskaritzak: batetik, istripuei buruzko dokumentuak ezin direla bateratu, eta bestetik, istripuaren izaera lanekoa den ala ez erabakitzea ez dagokiola Amazoni.
Energia eta telekomunikazio burujabe eta iraunkorraren aldeko manifestu kolektiboa.
Animalia askok biziraupen estrategia gisa darabil taldearekin bat etortzea. Izaera hori mespretxatu da sarri, kolektibo asko artaldeekin parekatuz, gidatua izan behar duen izaera propiorik gabeko masa bailitzan. Baina kolektibitateak, mehatxua susmatzen duenean, badaki bere... [+]
ARGIAren efemerideen kanalean topatu dut berri zaharra: 1918ko apirilaren 23an, Irlandako langileek greba orokorra egin zuten I. Mundu Gerrarako derrigorrezko erreklutamenduaren aurka. Langileen eta independentziazaleen erantzunari esker, Britainia Handiak atzera egin behar izan... [+]
Duela egun batzuk iragarri zuen Puntueu-ek La Ligaren blokeoak euskal domeinuei eragiten dien kaltea monitorizatuko zuela. Asteburu honetan izan dira partiduak, hain zuzen, eta monitorizazioaren datuak hor daude, penagarriak dira.
Ekonomialariei asko gustatzen zaizkie merkatuen jokabideak adierazten dituzten grafikoak, kurbak alegia. Deigarria egin zait zentzu horretan Pluralistic webguneko “The future of Amazon coders is the present of Amazon warehouse workers” artikuluan (Amazonen... [+]
Azken aldian, asteburuetan, Internet ez dabil ondo. Hasieran, zaila zen webguneei ezarritako blokeoen zergatia ulertzea; orain, badakigu Espainiako La Ligak agindu zituela, futbola modu ilegalean emititzea saihesteko. La Ligaren blokeoak euskal domeinuei eragiten dien... [+]
PuntuEus-ek doako tresna erabilgarri bat jarri du edonoren eskura, webguneen segurtasuna erraz ebaluatzeko. Webtest.eus izeneko autoebaluazio-tresna honi esker, erabiltzaileek beren webgunearen segurtasun-maila modu sinple eta argian azter dezakete.
Zer jakin behar dut? Norekin erlazionatu behar dut? Non bizi behar dut? Ardura horiekin gabiltza gizakiok gure gizarteen baitan bizitza on baten ideia bizitzeko bidean. Ondo erantzuten ez badakigu, bazterretan geratuko garen beldurrez.
Joan den astean, kanpoan geratzearen... [+]
Hainbat enpresak aniztasun eta inklusio politikak aldatu dituzte Donald Trumpen gobernu berriari ongietorria egiteko.
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
Adimen artifiziala gizakion eremu asko ordezkatzen ari dela badakigu: erosotasuna, abiadura, efizientzia... Mundu kapitalista honen abiadura beharretan, gizakion ahalegina oztopo dela sinetsarazi digute. Gure, klase xumeen, egiteko eta sortzeko aukerak murrizteko erasoak leku... [+]