Justizia patriarkalaren aurkako aldarria nagusituko da azaroaren 25ean

  • Euskal Herriko Mugimendu Feministak prentsaurrekoa egin du asteazkenean, Emakumeen aurkako indarkeriaren kontrako egunari begira antolatutako manifestazio deialdien berri emanez.


2018ko azaroaren 21an - 15:25
(Argazkia: Donostiako Feministak)

Sistema judizialaren erabakiekin “nazkatuta”, Donostiako epaitegien aurrean egin dute agerraldia Euskal Herriko Mugimendu Feministako ordezkariek. Bertan azaroaren 25erako Euskal Herriko hiriburuetan antolatu diren manifestazioen berri eman dute, eta deialdien lemak adierazten duenez, justiziaren izaera patriarkalaren kontrako aldarria nagusituko da hauetan. “Injustizia patriarkalaren gainetik, saretze feminista!” leloarekin abiatuko dira manifestazioak igandean Bilbo, Donostia, Gasteiz, Iruñea eta Baionatik.

“Justiziak, ustez, babestu egiten gaitu, eta kontra egiten dio indarkeria matxistari; baina, benetan, heteropatriarkala da, eta halako logika bortitz, zapaltzaile eta baztertzaile batzuetan oinarritzen da”, salatu dute agerraldian. Ez dira justiziaren alorrera mugatu ordea, erakundeak, orokorrean, interpelatu baitituzte. Hauek indarkeria matxistaren aurrean darabiltzaten diskurtso eta minutuko isiluneek eraginik ez dutela azpimarratu dute, eta indarkeria matxistaren kontra egitearen ardura guztiona dela esan arren konponbiderik ematen ez dutela eta emakumeak bakarrik uzten dituztela salatu.

Bestalde, emakume guztien borrokekin bat egiteko baliatu dute agerraldia, eta greban dauden garbitzaileekin bat egin: “Gure babesa agertu nahi diegu lan arloko borrokak egiten ari diren emakume antolatu horiei guztiei, batez ere, zerbitzuen sektorekoei”.

 


Kanal honetatik interesatuko zaizu: Indarkeria matxista
Gasteizen gizon bat atxilotu dute bikotekide ohia hainbat orduz lonja batean giltzaperatuta izan ostean

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz eta hainbat alditan egin dio eraso. Gizonak, urruntzeko agindua zuen, aurrez egindako tratu txarrak tarteko.


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Gasteizen atxilotutako gizona espetxera bidali dute, bikotekidea labankadaz hiltzen saiatzeagatik

Astearte honetan, herritarrek eta erakundeek erasoa gaitzetsi dute udaletxe aurrean egindako elkarretaratzean.


Gasteizen bi gizon atxilotu dituzte bikotekideei eraso egiteagatik

Astelehen goizaldean bikotekideari izterrean labankada bat emateagatik, hilketa saiakera leporatu diote 31 urteko gizon bati. Beste gizon bat ere atxilotu dute igande goizaldean.


Asun Casasola, ez zaude bakarrik

Indarkeria matxistarik gabeko jendarte bat irudikatzea helmuga duen Asun Casasola Ipuin Lehiaketak sariak banatu ditu. “Plaza bat zure izenean” aurtengo gaia oinarri hartuta, memoria ariketa egin dute sarituek, gizonek hildako emakumeak, historia egin dutenak eta... [+]


Eguneraketa berriak daude