"Ez genuen inolaz ere autodeterminazio eskubideaz hitz egin"

  • Espainiako Auzitegi Gorenean lekuko gisa deklaratu du Eusko Jaurlaritzako lehendakari Iñigo Urkulluk. Generalitatearen eta Espainiako Gobernuaren artean "elkarrizketarako bide bat" ireki eta "blokeo egoera" gainditzea helburu, bitartekotza egin izana onartu du.


2019ko otsailaren 28an - 09:56

Lehendakariak esan duenez, Carles Puigdemont Kataluniako presidentea prest zegoen hauteskundeetara deitzeko, baina atzera egin zuen azkenean, hauteskundeak deituz gero, 155. artikulua saihesteko bermerik ez zuelako eman Mariano Rajoy Espainiako presidenteak.

Urkulluk gaineratu du ez zuela Rajoyrekin autodeterminazio eskubideaz hitz egin, eta erreferendumaren gainean ere negoziaziorik ez zela izan.

Bitartekotza

Egindako lanaren errepaso kronologikoa egin du Urkulluk. 2017ko ekainaren 19an "bitarteko" edo mintzaide gisa aritzeko eskatu zion Carles Puigdemontek bilera batean, eta egun berean Soraya Saenz de Santamaria Espainiako Gobernuko presidenteordearekin bildu zen Bartzelonako aireportuan, Rajoyrekin hitzordua eskatzeko. Uztailaren 19an bildu zen Espainiako presidentearekin Moncloan.

Irailean –Guardia Zibilak Generalitatearen hainbat egoitza miatu ostean– bi bider hitz egin zuen telefonoz Rajoyrekin, eta "dena eskuetatik joaten ari zitzaiela" esan zion espainiar mandatariari. Urkulluk azaldu du urriaren 4tik aurrera "pertsona askok" eskatu ziotela esku hartzeko: "Urriaren 4tik 27ra [Kataluniaren independentzia aldarrikatu zen egunera arte] era guztietako arduradun politiko, ekonomiko eta sozialekin aritu nintzen".

 


Kanal honetatik interesatuko zaizu: Katalunia
ERC: azaroa arteko gurutze-bidea

ERCk hamahiru parlamentari galdu ditu joan den igandeko hauteskundeetan eta barne krisia ate joka du. Pere Aragonés Generalitateko jarduneko lehendakariak dimisioa aurkeztu du dagoeneko eta lehen lerrotik erretiratuko dela iragarri du.


Materialismo histerikoa
Isilean

Katalunian ere hauteskundeak izan dira. “Emozioak, pragmatismoa eta xenofobia: Kataluniako hauteskundeen klabeak” titulatu zuen Público egunkariak. Ezkerra dabil pragmatiko eta kudeatzaile han ere, eta emozioak Junts-i lotuta aipatu zituzten. Baina... [+]


Aragonesek dimisioa aurkeztu du, ERCren emaitza txarren ondoren

Itxura guztien arabera, PSCko Salvador Illa izango da Generalitateko hurrengo presidentea, norbait izatekotan. Bestela, hauteskundeak errepikatzeko aukera dago. Egungo presidente Pere Aragonés eta ERCk jaitsiera handia izan dute. Abstentzioa %41ekoa izan da.


Hiru itun zail Kataluniako Generalitateko presidente izateko

Kataluniako Parlamentuko gehiengo independentistaren galerak eta hemizikloa eskuinerantz eta espainolismorantz biratzeak gobernagarritasuna zailtzen dute. Maiatzaren 30eko Espainiako Diputatuen Kongresuko osoko bilkurak, Amnistiaren Legea bozkatu behar duenak, eta ekainaren 9ko... [+]


Eguneraketa berriak daude