Indarrez lehertu da independentziaren lehen olatua

  • Bozkatzeko eskubidea zuten herritarren %30ek eman du botoa euskal estatuaz egin den galdeketan, eta hori oso emaitza ona da, kontuan hartuta halako galdeketa moldean gertatzen dena.


2016ko ekainaren 06an - 00:51
Debagoienan partehartzea %27koa izan da. (Argazkia: Goiena)

Katalunian, esaterako, lau galdeketa olatuetatik lehenean (2009) %27k eman zuen botoa; eta Bartzelonan –azkena izan zen, 2011n– %21,37k. Gainera, garai hartan Katalunia biziki zegoen haserre Madrilekin, honek Estatutu Berria burusoil uzteraino orraztu ondoren.

Honek ez du esan nahi lau urtera hemen independentismoa Katalunian orain den lekuan egongo denik, baina bai euskal herrietan independentziak hazteko lur hona duela. Ongarri egokia behar orain.

Eta hau gertatu da, hemen independentziaren diskurtso publikoa makalaldian ibili denean azken urteetan, bai alderdi politikoen artean bai herritarren artean ere. Kataluniari begira bai, baina hemen aldarrikapen hori ezin aireratuz. Zenbatetan entzun izango zen azken hamarkadetan behin armak alboratuta independentismoa asko indartu zitekeela. Bistan da ez dela hala izan. Besteak beste, horregatik da oso emaitza interesgarria lehen olatu honetakoa.

Ona da, halaber, antolakuntza lanetan Gure Esku Dago eta herritarrak aritzea, eta ez alderdiak. Askoz gehiago beharko da alderdi –teorikoki– independentistak bide honetara bultzatzeko –batez ere EAJ–, baina galdeketa hau bultzada garrantzitsua da bide horretan. Are gehiago izango da 2017an eta 2018an emaitza antzekoak edo hobeagoak lortzen badira.

Independentismoa elikatzeko hiru klabe gutxienez badira aurrera begira: independentzia bere horretan argi eta ozen aldarrikatuko duen mugimendua indartzea; gizartean gizentzen jarraitzea –besteak beste alderdi eta instituzioak akuilatzeko–; eta independentziaren ideia euskal gizartearen eguneroko arazoekin lotzea eta hauekiko alternatiba egiazkotzat ikusaraztea. Sasoi bateko “independendentzia ala hil” latz hartatik “bizi independentzia egunero” moduko batera iraganez, adibidez; indarra “bizi” horretan jarriz gainera.

  


Kanal honetatik interesatuko zaizu: Gure Esku
Gure Esku-k ‘Herri libre bat’ dinamika aurkeztu du

Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.


Espainiako Vueltan errepideak euskal ikurrez betetzeko deia egin dute astebururako

Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.


"Popatik hartzera" bidali ditu ertzain batek hiru lagun, euskaraz aritzea eskatzeagatik

Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]


2023-06-20 | Hala Bedi
Trebiñuren erabakitzeko eskubidea aldarrikatu du Gure Eskuk

Trebiñuko herritarrek bizi duten egoera "anakronikoa" salatu zuten igandean.


Eguneraketa berriak daude