Indarkeria matxistaren biktimak babestuta daudela ziurtatu du Segurtasun sailburuak
Indarkeria matxistaren biktimez arduratzeko Ertzaintzak zuen laguntza unitatea desagertu da, Ertzaintzaren baitan egingo den berregituraketa medio.
Horrek eraginik izango al duen jakiteko, PSE-EEk eskatuta Estefania Beltran de Heredia Eusko Jaurlaritzako Segurtasun sailburuak agerraldia egin zuen atzo Legebiltzarreko Giza Eskubideak, Berdintasuna eta Parte Hartzea batzordean. Beltran de Herediaren hitzetan, "babesa behar duen emakumeak babesa izango du".
Laguntza unitateko ertzainek genero indarkeriaren alorrean prestakuntza berezirik ez zutela azaldu zuen sailburuak (ETAren aurkako jardunerako prestatutako ertzainak ziren) eta gaineratu zuen zerbitzua komisarietan dauden ertzainek beraiek emango dutela aurrerantzean. EAEn dauden 25 komisarietan, genero indarkeriaz arduratzen diren taldeak daude, espedienteak ireki eta kudeatzen dituzten 74 langile guztira.
Sailburuak azaldu zuenez, oinarrizko arriskua duten emakumeei gutxienezko formakuntza eskainiko zaie, baita ausazko egiaztapen telefono deiak eta Bortxa doako arreta telefonoa. Arrisku bereziko biktimek zaintza iraunkorrerako aukera izango dute (24 orduko eskolta), eta ez badute zaintzarik nahi, lagundu egingo zaie epaitegian pultsera elektronikoaren eskaera egiten. Ez badute zaintzarik ez pultserarik nahi, kontrazaintza egingo dute ertzainek.
Bestalde, iragarrita zegoen moduan, Emakundek hartuko du bere gain Genero Indarkeriaren Biktimen Arreta Zuzendaritza. Horretarako, Segurtasun Sailarekin koordinazioa indartuko dutela adierazi du Izaskun Landaida Emakundeko zuzendariak.
4.658 espediente
Beltran de Herediak emandako datuen arabera, emakumea biktima izanik genero indarkeriarekin lotutatako 4.658 espediente dituzte irekita EAEn eta beste 828 biktima gizona dela. Emakumezkoen kasuan, aipaturiko espedienteetako biktimen %63k oinarrizko arriskua dute, %35ek arrisku handia eta %2k berezia.
Emakumeen Aurkako Indarkeriaren Bilboko bi Epaitegiek neurri hori onartu dute. Bilboko epaile dekano Aner Uriartek neurria emakumeak babesteko eta ez birbiktimizatzeko helburuarekin hartu dela esan du, baina Bilboko Abokatuen Elkargoak salatu du kolokan jartzen dituela ikertuen... [+]
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Ertzaintzak 27 urteko gizon bat atxilotu du Donostian, abuztuaren 18ko goizaldean, Aste Nagusiko azken gauean, Parte Zaharrean emakume bati sexu erasoa egitea egotzita. Eraso matxista horrez gain, beste batzuk ere publiko egin dira hirian azken asteotan, eta horiek guztiak... [+]
Bilboko epaile dekano Aner Uriarteren arabera neurria “nor den nor” identifikatzeko eta emakumeak babesteko eta ez birbiktimizatzeko da. Bizkaiko Abokatuen Elkargoak salatu du ez direla errespetatzen errugabetasun printzipioa eta “duintasuna”.
Gertaera abuztuaren 18ko goizaldean izan zen Donostiako Alde Zaharreko kalezulo batean, Ertzaintzak adierazi duenez. Egun horretan emakume batek beste sexu-eraso bat salatu zuen Donostian, gizon batek “diskoteka baten inguruan ukituak egin zizkiola” esanez.
Joan den astean izan ziren Burlatako jaiak eta aste honetan jakin da adingabeko neska gazte batek izandako sexu erasoa. Espainiako Poliziak, halaber, jakinarazi du erasoarekin lotutako 18 urteko gazte bat atxilotu zuela joan den igandean.
Bingen Zupiria Eusko Jaurlaritzako Segurtasun sailburuak adierazi du: “Ertzaintzako barne arautegiak hutsegite larritzat eta botatzeko arrazoi posibletzat ditu horrelakoak”. Gainera, Gipuzkoako Fiskaltzak eskatu dio instrukzioko epaitegiari auzia genero indarkeria... [+]
Ertzaina emakume bezala erregistratu zen Trans Legearen bitartez, baina inori ez zion aldaketaren berri eman. Fiskaltzak uste du indarkeria matxista leporatzetik libratzeko asmoarekin aldatu zuela sexuz.
Tuteran 30 urteko gizon bati 23 urteko bikotekideari erasotzea leporatu diote, eta Ondarroan 31 urteko gizon bati lankide bati ukituak egitea, herriko osasun etxean. Bilboko jaietan bi sexu eraso salatu dituzte, eta Donostian 20 urteko gizon bat atxilotu dute, hiriaren... [+]
Zortzi pertsona atxilotu dituzte Nafarroan, beste biak, berriz, Gasteizen. Horrez gain, Algortako Portu Zaharreko jaietan gertatutako sexu eraso bat salatzeko elkarretaratzea egin dute, astelehenean.
Bi bortxaketa eta beste sei erasoren salaketa zuzenak jaso ditu Gasteizko Mugimendu Feministak. Elkarretaratzea egin du erasoak salatzeko txosna gunean, ostegunean. Gasteizko Udalak elkarretaratzea ostiralean 11:00etan egin du. Erasoen harira ez dute inor atzeman, momentuz.
Munduko Osasun Erakundeak egindako ikerketa batek 161 estatu eta eskualdeetako datuak jaso ditu. 15-19 urte arteko nerabeen %24 bizitzan noizbait bikotekidearengandik indarkeria jasan duela jaso dute, eta %28 30-39 urte arteko emakumeek. Daturik okerrenak errenta maila baxuko... [+]
Komunikabideek hainbatetan kontatzen dute halako herritan haur bati sexu abusuak egin dizkiola entrenatzaileak. Beste zenbaitetan entzuten dugu haur baten aitona atxilotu dutela bilobari sexu abusuak egiten zizkiola egotzita. Gutxiagotan argitaratzen da umeari erasoa egin diona... [+]