Imajinatu herri feminista bat

  • Imajinatu sistema kapitalista heteropatriarkalean bizitzeak eragiten duen zamarekin, eta arnasa hartzeko premia larriz, oheratzen zarela ostiralean. Larunbata izan arren inguratzen zaituen egitura zapaltzailea bihar ere hortxe egongo dela jakin badakizu, baina asteburuaren plazebo-efektuaren beharrean ixten dituzu begiak. “Bihar biharkoak” mantra bat bailitzan errepikatuz hartzen duzu lo.

Amaia Lekunberri @amaialekunberri
2018ko urriaren 30a
(Argazkia: Ecuador Etxea)

Imajinatu baina, biharamunean larunbatetan ohikoa duzuna baino zertxobait lehentxeago jotzen duela iratzargailuak. Jo dezagun han eta hemengo hainbat emakumerekin* gosaltzeko plana daukazula, eta kanpoan giro ez bada ere, bulkada batek di-da batean etxetik irtetera behartzen zaituela. Hilabeteetan lehen aldiz jantzitako bufanda sudur gaineraino igota eta euritik babesteko aterpez aterpe egindako odisearen ostean, Bilboko Areatza erdian oasi bat aurkitzen duzula irudikatu, eta ez bat ez bi, barrurako bidea hartzen duzula. Behin karpa barruan, jo dezagun adin, jatorri, arraza zein klase sozial ezberdinetako ehundaka emakumek* okupatzen duten espazio batean aurkitzen zarela, eta behin gosalduta, eguerdira arteko tartea solas eta hausnarketa giroan ematen duzula: demagun borroka feministaren erraietara itzuli beharra, feminismo liberalaren atzaparretatik ihes egiteko diskurtso antikapitalista uztatzeko premia eta ikuspegi feminista txertatzen duen bakea eta justiziaren birdefinizio baten beharra azpimarratzen direla, besteak beste, oholtza gainetik.

Imajinatu bizpahiru orduren buruan goiza elkarren bueltan emandako gorputzekin batera zirkulu bat eratzen amaitzen duzula, eta memoria feminista ardatz duen permormance bat tarteko, batak besteari eskutik heldu eta esker-eskuin mugituz olatu feminista bat eratzen duzuela norbaitek mikrofonotik hurrengoa errezitatzen duen bitartean:  “Bihotzean, begietan, eztarrian. Elkarri eskuak ematen dizkiogunean, hortxe dago idatzita narratiba ofizialak estali nahi duen memoria”. Irudikatu eratu berri den olatu hori karpa guztian zehar hedatzen dela emakumeek ekoitzitako produktuekin bazkaldu asmoz, eta barneratutakoa energia bilakatu artean bazkalondoa emakume musikari eta antzerkigileek girotzen dutela.

Imajinatu baita arestian sortutako olatu morea indarra hartzen joan eta arratsalderako marea indartsu bilakatzen dela, “Batu indarrak, urrutira goaz! Gure gorputzen eta lurraldeen burujabetzara!” lemapean abiatutako manifestaldian itsasoratu eta Bizkaiko hiriburuko kaleak gainezkatuz. Tenperatura baxuen eta noizean behinkako euri zaparraden gainetik bere bidea egiten duen mobilizazio bat dela suposatu, zeinaren baitan hamaika ekintza burutzen diren, besteak beste, autodefentsa feminista aldarrikatu, hiri eredu neoliberala salatu, emakume migratuen eskubideak defendatu eta emakumeek burututako borroka antifaxistari aitortza egiteko xedez. Pausu bat harago, jo dezagun aldarrikapen eta salaketak hezurmamitzea lortzen dituen manifestazioa dela, eta Ertzaintzak bi ekintzaile atxikitzen dituen momentuan “autodefentsa feminista” oihu artean esku-hartzen dutela manifestariek, hauei joaten utzi arte ibilbidea etenez.

Manifestazioaren baitan emakume antifaxistei egindako omenaldi ekimena

Imajinatu jazarpen poliziala eta baldintza klimatologiko kaxkarrak alde batera, mareak ez duela indarrik galtzen eta euriz zein umorez blai egiten duela Areatzara buelta, behin porturatutakoan bidean izandako ustekabekoak tarte batez ahaztu eta ospakizunari bide emateko. Irudiztatu nola igotzen diren hainbat eta hainbat emakume oholtzara, eta hauen bidez feminismo herritar, antikapitalista, antikolonialista eta erradikalaren aldarrikapena nola barreiatzen den bertaratutakoengan. Horretara jarri ezkero, indarkeria matxistak eraila izanagatik, preso egoteagatik, errefuxiatuak izateagatik, etxeko eta zaintza lanetara jarduteagatik edo beste edozein arrazoirengatik bertan egon ezin diren emakumeak gogorarazten dituen ekitaldiaren nondik norakoak ere imajinatu ditzakezu, baita honek helarazitako indarra era motibazioaren ostean nagusitutako jai giroa.

Imajinatu orain testu honetako suposizio eta irudikapenak errealitatetik espekulaziotik baino gehiago daukatela, eta irudikatzen joandako guztia benetan jazo zela iragan larunbatean Bilboko Areatzan. Bizi dugun errealitatearen eraldaketa nabarmenki positiboagoaren irudikapen hau, Emakumeon Mundu Martxaren XI. Nazioarteko Topaketaren baitan Bilbon loratu zen Feministon Herriaren kontakizuna besterik ez baita. Urriaren 27an, Euskal Herriko Emakumeon Mundu Martxako kideak, indar erakustaldi betean, bihotzean daramagun mundu berri horren baitako Euskal Herri feminista irudikatzea lortu zuen. Sistema kapitalista heteropatriarkalari eta beronek lurren, gorputzen eta komunitateen gainean eragiten dituen indarkeriei aurre egin asmoz mundu mailako sare eta estrategiak eratzen astebetez lanean jardun duten horiengandik espero zitekeen horrelakorik, egia esan. Urriaren 22tik 28ra ondoan izandako 36 herrialdetako emakumeak* alboan, bukaera deklarazioan jasotakoa argi helarazi zuten: “ahizpatasun feministarekin, bizitzeko erresistitzen dugu, eraldatzeko martxan gaude”.

Egunak emandakoarekin bideoa egin dute Topatu.eus-eko kideek:

 

*’Emakume’ izendapenak genero sistema bitarraz gaindiko gorputz eta identitate askotarikoak barne hartzeko orduan mugak jartzen dituen arren, artikulu honetan aniztasun hori barne hartzen du

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Emakumeen Mundu Martxa  |  Feminismoa  |  Euskal Herria  |  Bilbo

Emakumeen Mundu Martxa kanaletik interesatuko zaizu...
Bizia Arnas - Feministon Herriaren bideoklipa
MULTIMEDIA - bideo herrikoia

MICE taldeak egin du 2018ko Feministon Herriko abestia. Urriaren 27an Bilboko Areatzan antolatuko dute Euskal Herrian martxan dauden alternatiba feministen erakusleihoa.


2018-10-23 | I˝igo Igartua
Feministon Herria eguna larunbatean ospatuko da Bilbon

Aste osoan Bilbo jasotzen ari den Emakumeen Mundu Martxaren XI. Nazioarteko Topaketaren ekitaldi nagusia izanik, guztion indarrak batu eta askotariko alternatiba feminista erakustea izango du helburu ekimenak.


2018-10-16 | Amaia Lekunberri
Egitarau oparoaz dator Feministon Herria

Euskal Herriko Emakumeon Mundu Martxak prentsaurrekoa eman du asteartean Bilboko La Bolsan. Emakumeon Mundu Martxaren XI. Nazioarteko Topaketaren eta beronen baitan egingo den Feministon Herria egunaren xehetasun guztiak azaldu dituzte.


2018-10-04 | ARGIA
Feministon Herria, Euskal Herri feminista baten ispilu

Euskal Herriko Emakumeon Mundu Martxak publiko egin du Emakumeen Mundu Martxaren XI. Nazioarteko Topaketan egingo den Feministon Herria eguneko egitaraua.


2018-09-07 | ARGIA
Formazio jardunaldi feministak antolatu ditu Euskal Herriko Emakumeon Mundu Martxak

“Gure gorputz eta lurraldeen burujabetzarantz” lemapean, Iruñean burutuko dira jardunaldiak, irailaren 28 eta 29an.


Arantza eta loreak indarkeria matxistaren aurkako udaberrian

Jaietako protokoloak, autodefentsa feminista ekimenak, kontzientziazio kanpainak…, udarekin batera, urte guztian zehar lantzen diren eraso sexisten aurkako kanpainak azaleratzen ari dira aurten ere. Hau ez da bat-batean ernatzen den lorea, urtez urte landatutako eta ondo elikatutako haziaren loratzea baizik.


2018-07-20 | Amaia Lekunberri
Erailketa sexistei aurre egiteko protokoloa berriztu du Euskal Herriko Emakumeon Mundu Martxak

Euskal Herriko talde feministen ekarpenak jasoaz eraberritu dute mugimendu feministak erailketa sexisten aurrean erantzun bateratu bat emateko protokoloa. Testu amaitu gabea eta dinamikoa dela ohartarazi dute, "borroka feministaren joan-etorriek osatu eta moldatuko dutena".


2018-05-23 | ARGIA
Euskal Herriko Emakumeen Mundu Martxak pentsionistekin bat egin eta emakumeentzat pentsio duinak eskatuko ditu

Emakumeek egiten dituzten lanen aitortzaren aldarrikapenak erdigunera ekarriko dituzte Bilbon egingo den elkarretaratzean.


2018-05-15 | Amaia Lekunberri
Bilbon burutuko da urrian Emakumeon Mundu Martxaren XI. Nazioarteko Topaketa

“Batu indarrak, urrutira goaz! Gure gorputzen eta lurraldeen burujabetzara!” lemapean hartuko du Bizkaiko hiriburuak Nazioarteko Topaketa.


Bangladesheko Rana Plaza eraikineko 1.130 emakumeen heriotza salatzeko mobilizazioak deitu dituzte

Euskal Herriko Emakumeen Martxak asteartean mobilizatzera deitu du Hego Euskal Herriko hiriburuetan, Bangladesheko Rana Plaza eraikina erori zenetik bost urte bete direla eta. Bertan hildako 1.130 emakumeak kapitalismoak hil zituela salatuko dute.


Azkenak
EGILEA
Eguneraketa berriak daude