Ikasturteari ekiteko langile eta baliabide gehiago eskatu ditu irakasleen Agora elkarteak
Egungo baliabideekin Jaurlaritzaren protokoloak ezarritako osasun eta segurtasun baldintzak betetzea ezinezkoa dela salatu du. Ikasleen arteko arrakalak handituko direla ohartarazi du, eta hezkuntza Euskal Herri berdinzaleago bat eraikitzeko estrategikoa dela azpimarratu.
Hezkuntza Sailak ikasturte hasierarako onartu dituen baldintzekin Jaurlaritzaren protokoloak jasotzen dituen segurtasun eta garbitasun neurriak errespetatzea "ezinezkoa" dela deritzo EAEko Filosofia Irakasleak biltzen dituen Agora Filosofia Elkarteak. Ikastaldeen gehienezko ratioak ez dira murriztu, eta horrek pilaketak ekarriko dituela. Ratioa 30 ikaslekoa da Batxillergoan eta 25ekoa Bigarren Hezkuntzan –Jaurlaritzak espazio itxi zein irekietan ezarri duen jende pilaketarako muga hamarrekoa denean–. “Gauzak horrela, ikasleen, langileen eta irakasleon zein beraien hurbilekoen osasun-baldintzak arriskupean jartzen ari dira”, salatu du Agorak. Langile gehiago eskatu ditu, irakasleez gain garbitzaileak, administrazio langileak eta laguntzaileak ere, “garbiketa/desinfekzioa eta antolaketa behar bezala gauzatu daitezen”.
Arrakalen sakontzea
Ikasleen artean sakondu daitezkeen arrakaletan ere jarri du arreta elkarteak. Hezkuntza premia bereziak dituzten ikasleentzako baliabideak ez direla handitu, eta kontrara, batzuk murriztu ere egin direla nabarmendu du. Besteak beste, Hauspoa eta Bidelaguna programak. Euskararen arloan Irale programari Jaurlaritzak eman dion “kolpea” deitoratu dute, “inoiz baino beharrezkoagoa denean”. Oro har, “arrakalak (teknologikoa, sexu-arrakala, hizkuntza-arrakala, bazterketa soziala…) are sakonagoak” bihurtu daitezkeela ohartarazi dute filosofia irakasleek, eta horren aurrean baliabideak areagotzea eskatu dute.
Hezkuntza estrategikoa da “Euskal Herri kohesionatu eta berdinkide bat” eraikitzeko, esan du Agorak. Horretarako baliabideak behar direla azaldu du, eta hezkuntza komunitate osoak “modu koordinatuan eta gardenean” lan egitea. Elkartearen iritziz, ordea, Eusko Jaurlaritza ez da ari norabide horretan lanean.
DBH, Batxiler eta Lanbide Heziketan irakasle izateko ez dela zertan irakaskuntzan formakuntzarik jaso, aski dela ikasgai horretako edukiak menperatzearekin. Hori legeztatzeko eskatu diote Espainiako Gobernuari hainbat erkidegotatik, eta gaia lehen planora ekarri berri du ELGAk,... [+]
Ikama ikasle antolakundeak deituta, ikasleak Palestinaren alde mobilizatu dira astearte honetan, Hego Euskal Herriko hainbat ikastetxe eta unibertsitatetan. “Denon erantzukizuna da egoerari buelta emateko salaketa egin eta mobilizatzea”.
Aintzane Mariezcurrena Afan elkarteko psikologoak nabarmendu du “oso garrantzitsua” dela txikitatik alzheimerrari loturako zalantzak argitzea eta gaiaz hitz egitea, haurrek beldurrik izan ez dezaten.
DBHko 4. mailan eremuka irakastea planteatzen duen curriculum agindua bertan behera utzi du Kataluniako Auzitegi Nagusiak, aurrez Batxilergoan egin zuen gisan. Eremukako proiektuen aurkako salaketa Aspepc DBHko irakasle katalanen sindikatuak jarri zuen.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Hilotan, euskara sarritan izan dugu albiste. Txarrerako, euskaltzaleon artean nagusi den aldarte ezkorra ikusita. Baina euskararen egoera txarra dela ez da kontu berria, datuen bitartez beste zerbait iradoki den arren.
Har dezagun, adibidez, hizkuntzak irabazi ei dituen... [+]
Irailaren 1ean hasi dute ikasturtea Ipar Euskal Herrian, euskarazko eskaintzari dagokionez, hainbat berrikuntzarekin. Esaterako, Sohüta eta Luhusoko haur eskola publiko banak euskarazko murgiltze eredua eskainiko dute, eta Hazparneko Armand-David laborantza lizeoak euskaraz... [+]
Gordin esan dute Aiaraldeko ikastetxeok: euskalduntzea “arriskuan dago” eta ikastetxeek, bakarrik, ezin diote aurre egin “egoera larriari”. Autokritika egin, eta hamar konpromiso hartu dituzte, hezkuntza komunitateek praktikara eramatekoak. Era berean,... [+]
UEUk eta BadaLabek ikertzaile gazteei zuzendutako diziplinarteko ikerketa-proiektuen II. deialdia egin dute. Honen helburuak dira ikertzaile euskaldun gazteen arteko harremanak sendotzea eta ezagutza-arlo ezberdinetako ikertzaileak elkarlanean aritzea. Irailaren 22ra arte... [+]
Testuliburuen mailegutza, berrerabilera edota bigarren eskuko azokak ugaritu badira ere, ikasmaterialak gastua izaten jarraitzen du etxe askotan, dirulaguntzak dirulaguntza. Eskola-itzulerak batez beste 400 eta 500 euro arteko gastua ekarriko du Hego Euskal Herriko etxeetan,... [+]
Bost sexologoren formazioa jasoko dute Nafarroako hamabi ikastetxetako irakasleek: sexualitatea ikasleekin lantzeko edukiak eta proposamen pedagogikoak eskainiko dizkiete. Skolae programaren segida izango da, nolabait.
473 plaza eskaini dituzte eta 84 ez dira bete. Lehen Hezkuntzan, aldiz, ia lanpostu guztiak bete dira.
Azkenaldian buruari bueltak ematen ari natzaio, hezkuntza publikoaren egoerari. Aurtengo ikasturteko greba garaiak pasa dira eta lan hitzarmen berria sinatu zela denboratxo bat igaro da. Irakasleoi, onerako eta txarrerako, garai hartako odol beroa hoztu zaigula esango nuke. Ez... [+]
Goizaldeko lehenengo eguzki-izpiekin batera zabaldu ditu ateak Kirikiño Ikastolak. Zapatua da, auzolan eguna. Parte-hartze batzordeko arduradunak irrintzia egin eta lanera bideratu ditu bertaratu diren ehundik gora partaide: “Hemen erronkak denonak dira! Aurrera,... [+]