Ikasturtea denek gainditzea eta uztailean ikastetxeak irekitzea ez da egingo EAEn, Jaurlaritza aurka dago
Espainiako Estatuan ikasturtea nola amaitu zehaztu du asteazken honetan Espainiako Gobernuak, baina plan propioa duela erantzun du Eusko Jaurlaritzak: udako oporretan ikastetxeek ateak zabaltzea, adibidez, ez du onartu EAErako, ezta ikasle guztiek ikasturtea gainditzea ere, nahiz eta adierazi duen inork ez duela ikasturtea errepikatuko koronabirus krisiaren erruz.
Asteazken honetan Isabel Celaá Hezkuntza ministroak erkidegoetako Hezkuntza ordezkariekin egindako bileran adosturikoa ez da loteslea. EAEk, bere eskumenak baliatuz, plan propioa iragarri du jada. “Sailean denbora daramagu gure plana lantzen, eta bertan definituko dugu ikasleak nola ebaluatuko ditugun eta zein irizpideren arabera egingo dugun”, azaldu du Uriartek. Plana hezkuntza komunitateari “laster” jakinaraziko diola gaineratu du.
Klaustroek erabakiko dute
“Euskadin inork ez du ikasturtea errepikatuko koronabirusagatik, baina horrek ez du esan nahi ikasle guztiek ikasturtea gaindituko dutenik. Ikasturtearen bi heren presentzialki eman dira dagoeneko eta horri gehitu behar zaio hilabeteotako lana. Klaustro bakoitzak, duen esperientzia eta irizpide profesionalarekin, erabakiko du zeinek gainditzen duen eta zeinek ez”, zehaztu dute Hezkuntza Sailetik. Errepikatzea, dena den, salbuespena izango dela gaineratu dute.
Udan, ikastetxeak itxita
Asteazkeneko bileran adostu zuten beste puntuetako bat izan zen udako oporretan ikastetxeek ateak irekitzeko aukera izatea, laguntza behar duten ikasleengan pentsatuz. Horren aurrean, uztailean Araba, Bizkaia eta Gipuzkoan klaseak emateko aukera baztertu du Uriartek.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]