2020ko uztailaren 02a
Titulartasun pribatua duten eta diru publikoa jasotzen duten EAEko ikastetxe kontzertatu guztiekin Eusko Jaurlaritzak dituen hezkuntza-itunak bertan behera uzteko eskatu du STEILASek, ikastetxe hauek legea betetzen dutela egiaztatu arte. Askok araudia urratzen dutela salatu du sindikatuak.
Ikastetxe kontzertatuek jasotzen duten diru publikoarekin, Lehen eta Bigarren Hezkuntzan doakotasuna bermatzeko moduan daudela dio sindikatuak, iradokiz hainbat ikastetxetan gurasoei kobratu egiten dietela.
Horrez gain, ikasleak hartzeko garaian ere ez dutela araudia betetzen eta diru publikoa “proiektu baztertzaile eta segregatzaileak sustatzeko” erabiltzen dutela salatu du sindikatuak.
“Legeak dio praktika konfesionala borondatezkoa izango dela hezkuntza zentroetan, baina EAEko ikastetxe kontzertatu askotan printzipio hau ere ez da betetzen”, gaineratu du.
Horregatik guztiagatik, itunpeko eskolen finantzazio publikoa eteteko eskatu dio Jaurlaritzari, legea betetzen dutela egiaztatu arte.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
