Ikasgeletako ratioak jaitsi nahi ditu Jaurlaritzak, jaiotze tasaren beheranzko joeraren aurrean
Jaiotze tasaren beheranzko joerak ikasgelak eta ikastetxeak itxi behar izatea ekarriko duela aurreikusita, Haur eta Lehen Hezkuntzan ikasgeletako gutxieneko ratioa jaitsi nahi du Eusko Jaurlaritzak, El Diario Vascok jaso duenez: gutxieneko ikasle kopurua 17tik 11ra jaitsi nahi du sare publikoan, eta 13ra sare kontzertatuan.
Oraindik publiko ez den Eskola Planifikazioaren zirriborroa azaldu du El Diario Vascok: Haur eta Lehen Hezkuntzan ikasgela batek izan behar duen gutxieneko ikasle kopurua jaitsi nahi du Eusko Jaurlaritzak, ez arrazoi pedagogikoengatik, baizik eta jaiotze tasen beheranzko joerak zail jarri dezakeelako etorkizunean ikastetxe ugariren biziraupena.
Ikasgela bakoitzeko gutxieneko kopurua jaitsi da, baina gehienezko kopuruan ez du apenas aldaketarik egin zirriborroak. Egokitzapenak ere egin beharko dira, zirriborroak berak bestelako gutxieneko kopuruak mantentzen baititu Derrigorrezko Bigarren Hezkuntzan eta Batxilerren: gutxienez 17 ikasle gelako.
Eskola Txikien kasuan, 2 eta 6 urte arteko ikasleak hartzen dituzten ikasgelek gutxienez 8 ikasle izan beharko dituzte eta 2 eta 12 urte arteko ikasleak hartuz gero, 18 ikasle.
Zein bide egingo du zirriborroak?
Eusko Jaurlaritzari dagokio Eskola Planifikazioa zehaztea, eta dekretu bidez egingo du. Dena den, EAErako Hezkuntza Legearen oinarriak adostu dituzten alderdiekin mahaia osatzea eta hainbat dekreturen jarraipena egitea aurreikusi zuten, tartean Eskola Planifikazioaren jarraipena. Hortaz, teorian zirriborro honen inguruan eztabaidatuko lukete EAErako Hezkuntza hitzarmenean parte hartu duten taldeek: EAJ, EH Bildu, PSE eta Elkarrekin Podemos-IU.
Ludotekan, gazte txokoan, udalekuetan... batzuk musukatzen ari direla, beste hark zakila erakutsi duela eta honakoak gorputzarekiko irainak jaso dituela, hori guztia kudeatzea ez dute erraza hezitzaileek. Adibide praktikoz lagunduta, 'Nola landu sexualitatea hezitzaileon... [+]
“Pantailak utzi erronka” hasi dute, maiatzaren 13tik 22ra, Ipar Euskal Herriko 25 eskolak eta 2.445 haurrek. “Hasi aitzin, beldurra dute gazteek, ez direlakoan desafioa betetzera helduko. Gero, indar kolektiboak hartzen du gain”.
Ikasle bati isuna ipini diote institutuan lan politikoa egiteagatik, eta hori salatzeko agerraldi bat egiten ari ziren bitartean, gazteen aurka jo du Ertzaintzak. Zazpi lagun identifikatu ditu.
Donibane Garazi inguruko herri ttipi batean sortua da Bea, eta 1970eko hamarkadan ondoko eskola publiko batean ikusi zituen bortizkeria, sexu eraso eta bortxaketak salatu dizkigu. Irakasleak eragiten zizkiela tratu horiek ama eskolako eta lehen mailako haurrei, mutikoak bortizki... [+]
Frantziako Hezkuntza Ministerioak oraindik ez dio Seaskari argitu hurrengo urtean zenbat ikasgela eta irakasle izango dituen. Hori dela eta Baionako kaleak betetzera deitu dituzte guraso eta euskaltzaleak. Igandean, Herri Urratsera milaka lagun hurbildu dira beste urte batez,... [+]
Tentsio handiko ikasturtea amaitzear, ostegunean hasi eta ostiralean jarraituriko azken negoziaketa maratoian Eusko Jaurlaritzarekin akordioa sinatu dute sindikatu guztiek, ELAk izan ezik. Datorren asteko grebak bertan behera geratu dira. Segidan, adostu dutena eta batzuek eta... [+]
Sei urteko etenaldiaren ostean, maiatzaren 18an, Sortzen jaia ospatuko dute Takoneran D ereduko eskola publikoen aldeko jaia. Ikuskizunak, haurrendako jolasak eta Gorka Urbizu edota Borla taldeen kontzertuak izango dira.
“Proposamen oso eskasa egin du Hezkuntza Sailak, berme eta zehaztapenak txertatu barik”, kontatu dio ARGIAri STEILASeko bozeramaile Haizea Arbidek. Ostegun honetan bilera izan dute sindikatuek eta Eusko Jaurlaritzako Hezkuntza Sailak, EAEko irakaskuntza publikoko... [+]
Hezkuntza Sailak ebaluazio diagnostikoen berri eman zuen otsailean: 2023ko etapa erdikoa eta 2024ko etapa amaierakoak izan zituen hizpide. Emaitza negargarriek egiturazko arazoa dugula erakutsiko luketenez, sailak erabaki zuen tramitea bete bai (ED 23 eta 24 txosten exekutiboak... [+]
Nafarroako Unibertsitate Publikoko Euskara Taldeak inkesta bat egin du ikasleen artean. Halaber, euskara plana ikasturte honetan amaitzen dela ikusirik proposamen berriak egin dizkiote unibertsitateko zuzendaritzari. NUPen euskaraz ikastea "ezinezkoa" dela ere salatu... [+]
Steilas, LAB, ELA eta CCOO sindikatuek deitutako greba astearen atarian dator Hezkuntza Sailaren mugimendua. Ostegunean bilduko dira sindikatuak eta Hezkuntza Saila, bertan ezagutaraziko du sailak proposamen zehatza, baina zenbait eduki aurreratu ditu asteartean Begoña... [+]
Elkarretaratzeak egingo dituzte selektibitateari eta Baxoari ezetz esateko. Gainera, apunte-banku bat eta klase partikularrak jarri dituzte martxan IAko kideek.
