Igandean EHZri buruzko saioa webgunean
Ostiraletik hasi eta igandera bitartean EHZ festibala izango da Lekornen. Igandean saio berezia egingo dute Kanaldudek eta Euskal Irratiek elkarlanean, eta ARGIA.eus-en zuzenean ikusi ahal izango da.
Kanalduderen oharra:
EHZk 20 urte, 20 urtez sortzen, gogoetatzen, esperimentatzen.
Lehen urtetik beretik, festibala gune bikaina izan da hortarako. Hor dira indartu baso berrien pratika, lekuko ekoizpenen zuzenezko erabilpena, hondakinen bereixte heziketa, irratigintza eta bideogintza saileko ariketak, etabar.
Horrezgain, EHZ festibala laguntzaile bakoitzaren auto eraikuntza eta arduradun gaitasuna ahalbidetzen duen izugarriko tresna bat izan da eta segitzen du izaiten, laguntzaile belaunaldi osoak herriaren aldeko atxikimenduari eta antolaketa orokorrari inplikatuz. Edugarri da ere ohartzea transmisio kateak segitzen duela eta belaunaldi bakoitzak proiektua bere ganatzen duela interes kolektiboaren izenean...
Lekorneko Garroa jauregiaren aitzinetik eskainiko duen zuzenezko emanaldiaren bidez Kanaldudek hitza emanen du EHZ festibala egin eta egiten duteneri, ardurak eta arriskuak hartu dituzteneri, besta egiten jakin izan duteneri... Hitzen artetik, lekuan berean izanen den giroa jastaraziko dute.
Emankizunaren iraupena: Ordu bat
Hedapena hasten da: Eguerdiko 13:00etan
Hitzaldi eta mahai inguruen aurrerapena ere egin dute: Palestinaren egoera, Europako paktua eta immigrazio legea, laborarien mobilizazioa edota festibal eta musikagintza ereduaren eztabaida, besteren artean. Ekainaren 28an, 29an eta 30ean izanen da festibala, lehen aldiz... [+]
Auhen, Janus Lester eta Old School Funky Family taldeak ere izango dira festibalean. Ekainaren 28an, 29an eta 30ean egingo dute jaialdia, Arberatzen. Hiru egunetarako bonu berriak jarri dituzte salgai.
Lehen aldiz festibala Amikuzeko Arberatze herrian ospatuko da. Ekainaren 28, 29 eta 30an izango da.
