Iberdrola eta Endesak lortu dute deuseztatzea "%100 energia berriztagarria" eskatzen zuen lehiaketa publikoa Gasteizen
Energia guztiz berriztagarria izatea zehazten zen lehiaketako klausula ezabatzera behartu du Gasteizko Udala EAE-ko Kontratuen Inguruko Errekurtsoen Administrazio Organoak, Iberdrola eta Endesa lizitaziora aurkeztu ahal izateko.
Hiriko autobus sarearen arduradun den TUVISA udal-elkarteak abiatu zuen lehiaketa publikoa. Oraingoz behintzat Iberdrola eta Endesak multinazional elektrikoek bertan behera uztea lortu dute, Ser irratiak jakinarazi duenez.
TUVISA-ren instalakuntzetan hornidura elektrikoa kontratatzeko helburua zuen eta 311.750 eurotan estimatutako lehiaketa publikoak, “%100 energia berriztagarria” izatearen baldintza zehazten zuen.
Iberdrola eta Endesak lehiaketaren aurka jarri zuten errekurtsoen ostean, EAE-ko Kontratuen Inguruko Errekurtsoen Administrazio Organoak klausula hori ezabatu eta lizitazioa atzera botatzeko agindua eman du. Txostenean adierazi dutenez, “lehiaketa askearen eta tratamendu parekidearen printzipioen aurka doan baldintza da”.
Multinazional elektrikoek kontsideratu dute, baldintza hori beraiek lehiaketatik “kanpo” uzteko finkatu dela eta energia berriztagarrien A lizentzia duten enpresek komertzializatzeko energia kantitate “oso txikia” dutela.
Horri erantzunez, tamaina txiki, ertain eta handiko 76 enpresak ezarritako baldintzak betetzen dituztela adierazi du TUVISA-k. EAE-ko Kontratuen Errekurtsoen Administrazio Organoak harturiko erabakiaren aurkako errekurtsoa aurkezteko aukera du orain.
Asteazkeneko gobernu bileran hartu zen erabakia eta horren ondorioz, Espainiako Gobernuko Trantsizio Ekologikorako Ministerioak Forestalia konpainiari emandako baimenen aurkako helegitea jarriko du foru gobernuak.
Euskal Herria Bizirik sareak antolatuta eta 84 eragilek deialdiarekin bat eginda, 2.200 pertsona manifestatu dira "Lurraren defentsan" Azpeitian, apirilaren 13an. Goizean bertaratu direnek lau tailer eta mahai-inguru baten bidez aztertu dituzte zein diren berdez... [+]
Lurraren defentsan mobilizazio eguna deitu du Euskal Herria Bizirik sareak apirilaren 13an Azpeitian, "lurraldeari eta landa-eremuari eraso egiten dioten makroproiektuekiko arbuio sozial zabala erakusteko". Deitzaileekin bildu gara.
Gutako batzuk hemen jaio ginen, zoriak erabaki zuen populazioaren %11 honen parte izango ginela. Beste batzuek erabaki genuen landatarrak izatea, eta lurraldearen %89an bizitzea. Denok onartu dugu hemen bizitzeak aparteko zailtasunak dituela, administraziotik ez dutela indar... [+]
Lurraren defentsan Euskal Herria Bizirik sareak manifestazioa deitu du apirilaren 13 arratsaldeko 18:00etan Azpeitian, "lurraldeari eta landa-eremuari erasotzen dioten makroproiektuekiko arbuio sozial zabala erakusteko". Goizean gaiari lotutako hainbat tailer eta... [+]