Izotzak desmasia handiak eragin ditu berriz ere Ipar Euskal Herrian. Irulegiko mahastien erdia baino gehiago kalteturik atera da iragan astetik.
Irulegiko Sotoa kooperatibako presidente Olivier Martinek eman dio errealitatearen berri Kazeta.eus komunikabideari: "Katastrofikoa da. (...) Batzuek uste dute uztaren %90 galdu dutela. Iazkoa baino askoz bortitzagoa da". Lehen kalkuluen arabera, mahastien erdia baino gehiago erre du izotzak. Iazko martxoan jadanik pairatu behar izan zituzten izotzak eragindako galerak.
Iragan astean hotz handiak egin zituen Nafarroa Beherea, Lapurdi eta Zuberoan. Irulegiko mahastiaren gisara, baliteke Itsasuko gerezia ere azkarki kaltetu izana –ondoko asteetan agertuko da hotzaren eragina–. Baratzezainek ere haien kezka plazaratu dute, guneka landareen parte bat izotzak errerik dutelako.
Jean Castex Lehen ministroak 20 milioi euro bideratuko dizkie kalteturiko laborariei. Apirilaren 5ean eman du erabakiaren berri, etxalde batean bisita egiten ari zela. Horrez gain, kalteei aurre egiteko dispositiboa martxan jarriko du Frantziako Gobernuak, eta laborariek ordaindu beharreko kotizazio sozialen ordainketa ere bere gain hartuko du.
Hamar urte baino gehiago daramatza martxan Arabako Nekazariak Eskolan proiektuak, Hazi fundazioak zenbait ekoizlerekin elkarlanean bultzatzen duena. Haur eta gaztetxoak nekazal mundutik geroz eta deskonektatuago bizi diren garaiotan, inoiz baino beharrezkoagoa da elkar... [+]
Nafarroako sektore ekologikoa egonkor mantendu da azken urtean eta nekazaritza ekoizpena %5 handitu da. Nafarroako Nekazal Produkzio Ekologikoaren Kontseiluak erronka du 2030. urterako: lurren %25 ekologikoa izatea. "Bide horretan ari gara lanean, ahalik eta nekazari eta... [+]
Aste honetan sortu da elkartea eta datorren astelehenean, hilaren 18an, laborarien sindikatuek Jose Mari Aierdi kontseilariarekin izango duten bileran egongo da.
Gorantz egiten ari da nekazaritza ekologikoko eredua Araba, Bizkaia eta Gipuzkoan, Ekolurra Kontseiluak baieztatu duenez, baina Europako Itun Berdeak 2030erako helburutzat duen %25etik urrun dago oraindik.
Eusko Jaurlaritzak, sindikatuekin egindako bileran, hamar konpromiso hartu ditu. Bilera ontzat eman badute ere, hauteskundeak egitear direnez, denborarik eza azpimarratu dute sindikatuek. ENBAk adierazi du denbora gutxi dutela neurriak gauzatzeko, eta UAGAk nabarmendu du... [+]