I-Ener, elektrizitate “berdea” Ipar Euskal Herriarentzat
Energiaren sektorea herritarren esku jartzeko ekimen lokal eta parte-hartzailea da I-Ener. Panel fotovoltaikoen bidez elektrizitate “garbia” sortu eta Ipar Euskal Herrian autonomia energetikoa lortzeko helburua dute. Patxi Bergara eta Mathieu Idiartek proiektuari buruzko xehetasunak eman dituzte Euskal Irrati-etan.
“Frantzian kontsumitzen den elektrizitatearen %80 nuklearra da”, azaldu dutenez. Horrek ondorio ekologiko eta sozial larriak dituela salatu dute: “Zentralek uranioa behar dute funtzionatzeko. Uranioa Afrikatik ateratzen dute. Ur asko erabiltzen dute horretarako eta bertako herritarrei ez zaie nahikoa gelditzen. Modelo hori jasangaitza da”.
Esku artean duten proiektua panel fotovoltaikoak instalatzean datza, elektrizitatea sortu eta saltzeko. Herriko Etxe eta laborariekin harremanetan jarri dira jada, panelak beren teilatuetan instalatzeko.
Proiektua bi fasetan banatu dute. Lehenik, kapitala lortu beharra dago: “Herritarren eta enpresen bila joango gara hau zergatik egiten dugun eta beraien beharra dugula esplikatuz”. 60.000 euro behar dituzte lehenengo urtean, eta sortu nahi duten zentralak 150.000 euro kostatzen du. Helburu lorgarria dela uste dute: “Denek pixka bat ematen badute ez da asko”.
Bigarren fasean lortutako dirua inbestituko dute. “Gure lehenengo ideia panel fotovoltaikoak instalatzea da, merkeena delako”. Elektrizitate garbia sortuko dute horrela. Gainera, banatzaileek legez elektrizitate hori erostera behartuta daudela jakinarazi dute, bertan ekoiztua delako. “Energia autonomiaren lehenengo urratsa izango da hori”.
Dena dela, gaur egungo lehentasuna proiektua aurrera eramateko lantaldea handitzea dela azaldu dute. Kaptazioarekin hasteko 40 pertsona inguru behar dituztela aurreikusten dute, eta 2015. urteko urtarrilean hasi nahi dute instalazioa egiten.
Amasa-Villabonako EH Bilduk argitaratutako idatziaren harira, hainbat adierazpen egin nahiko genituzke. Lehenik eta behin, argi utzi nahi dugu larrialdi klimatikoari aurre egitearen urgentzia ukaezina dela, eta horregatik, krisi honekiko dugun kezkagatik beragatik jartzen dugula... [+]
7/2025 Errege Lege-Dekretua ekainaren 24an onartu zuen Espainiako Ministroen Kontseiluak baina atzera bota du Diputatuen Kongresuak, uztailaren 22an.
1994an altxatu zituzten lehen haize errotak Nafarroan, Erreniegako parke eolikoan, Iruñetik gertu. Segidan etorri ziren beste asko: Arizko parkea Leitzan eta Berueten, Izkokoa Irunberri inguruan, Oibarkoa, Cabanillasko Serralta parkea... ‘Haizearen aitzindari’... [+]
Manuel Casal Lodeiro (Barakaldo, 1970) informatikaria eta gai energetiko eta ekosozialen inguruko aktibista eta dibulgatzailea da. Besteak beste, 15/15/15 aldizkari eleanitza eta Galiziako Instituto Resiliencia koordinatzen ditu, eta Véspera de Nada por unha Galiza sen... [+]
Halabeharrez, ugariak eta askotarikoak dira Euskal Herrian energia berriztagarrien neurrigabeko zabalpenaren aurka antolatutako mugimendu, plataforma eta elkarteak, gehien-gehienak lurraren defentsan diharduten kolektibo sozial eta politikoetatik sortuak. Urriagoak izanagatik,... [+]
Desinformazioak eta pentsamendu likidoak den-dena hartzen duten garaiak bizi ditugu; garai aproposak beren benetako izatearen disimuluaren arituentzat. Garai aproposak jendea engainatzeko eta Kodizia Jainkosa gurtzen jarraitzeko; jazartzen gaituen Solariaren garaia omen... [+]
Joan den igandean, ekainak 15, ugatzari buruzko artikulu interesgarria argitaratu zuen Rosa Canchok El Correo egunkarian. Azken urteotan hegazti sarraskijale adierazgarri honek Araban bizi duen itxaropen onaren egoeraz hitz egiten zen testuan. Arabako Foru Aldundiko Ingurumen... [+]
Nahiz eta jakina izan inkestak ez direla errealitatearen isla zehatza, interesgarria da bistadizo bat ematea, beti eskaintzen baitigute gai zehatzekiko tenperatura sozialaren arrastoren bat. Are garrantzitsuagoak dira, gai zehatzetan sartuegiak edo katramilatuak egoteagatik,... [+]
Noizbehinka aipatu ohi da zientzia, edo hobe esanda akademia, gizartetik urrunegi dagoela. Gauzak honela, aditu eta arituen arteko distantzia ahalik eta txikien izatea da jasangarritasunaren zientziaren zioetako bat. Jasangarritasunaren arloan aritzen garen zientzialariok... [+]
Rescoop.eu federazioko Kontseilu Errektorean sartu da Goiener kooperatiba, eta "lorpen handitzat" jo du ardura berri hori. Iragan maiatzaren 22an Krakovian (Polonian) egindako Energia Komunitarioaren Foruman parte hartu ahal izan dute, eta une inportantea izan... [+]
Bi kooperatibek euren arteko elkarlanean "urrats sendoagoak" emango dituztela iragarri dute, energia eta telekomunikazio sistema "erresiliente" bat sortzeko. Deia egin diete herritarrei Itzali sistema, piztu alternatibak manifestuarekin bat egin dezaten.
Maiatzaren 16tik 18ra EH Bizirik sareak deituta kanpaldia egin berri dute Uribarri Jauregin. Hainbat ekintza, hitzaldi eta tailer egin zituzten bertan. Besteak beste, Lemoizko zentral nuklearraren, Pasaiako superportuaren eta Olaztiko erraustegiaren aurkako borroketan ibilitako... [+]
Haize Berria plataformak, Enigma Green Power enpresak Odieta, Olaibar, Anue eta Esteribar inguruan ezarri nahi dituen zazpi parke eolikoek eragin ditzaketen kalteak salatu zituen berriki. Ekainaren 11n bukatzen da proiektuaren kontrako elegiteak aurkezteko epea.