Huarteren dominaren pilota Barkosen gobernutik Chivitenera dantzan
Nahi diren gardetasun legeak izango dituzte gobernuek, baina sarri jokatzen dute ulertezin, baita oso argiak izan beharko luketen gaietan ere. Felix Huarte Nafarroako enpresari franskistarena da horietako bat.
aurre egingo dieten hedabide independenteak
Gertaeren sekuentzia horrelakoa da: 2014an Yolanda Barcinaren gobernuak Urrezko domina eman zien Felix Huarteri eta José Javier Urmenetari, oposizio osoa aurka egonda. Huartek lehendik ere bazuen Espainiako Gobernuak 1964an emandako Lanaren Merituaren domina. Orain, aldiz, Espainiako Memoria Demokratikoaren Lege berriaren karietara, Espainiako Gobernuak kendu egin dio domina hori. Nafarroako Gobernuak ez. Eta ika-mika mataza bihurtu da, modu ulergaitzean.
Elma Saiz Gobernu eledunak azaldu zuen Uxue Barkosen Gobernuak 2016an eskatu ziola Nafarroako Unibertsitate Publikoari (NUP) egin zezala zerrenda bat frankismoarekin lotura zuten sinbolo eta pertsonekin, baina zerrenda horretatik behin-behineko beste bat atera zutela eta hori erabili duela egungo gobernuak, eta horretan ez zeuden ez Huarte ez Urmeneta. Honako gobernu akordioan zehazten dira horiek, eta zerrendak ere aipatzen dira, bai tokiena, bai pertsonena. Eta argi ikusten da hor ez daudela Huarte eta Urmeneta.
Baina akordio horretan bai zehazten da Bakearen, Bizikidetzaren eta Giza Eskubideen zuzendaritzari eskatzen zaiola “berretsitako zentsua eguneratua egon dadila”. Martin Zabalza da gaur egun zuzendaritza horren zuzendaria, eta esan duenez, kontsentsu handia behar da halakoak egiteko, baina hark ere ez du argitu zerrenden afera zertan den. Saizek gehitu zuen ere Felix Huarteri kendu dion dominaren txostena bidaltzeko eskatu diola Espainiako Lan Ministerioari, baina ez zaiola iritsi oraindik.
Gobernu hartako lehendakari Uxue Barkosek aste honetan hitz egin du gaiaz, eta esan du gobernuak ez zuela inor kendu zerrendetatik, baina behin-behineko zerrenda bat egin zela lanari ekiteko”. Gehiago zehaztu gabe, azpimarratu du Geroa Baik frankismoarekin kolaboratutako pertsonekiko legea betetzea sostengatuko duela.
Hilaren 11n, halaber, Nafarroako Legebiltzarrak onartu zuen adierazpen bat zeinaren arabera eskatzen dion foru gobernuari ahalik eta lasterren egin dezala Nafarroako erakundeek frankismoarekin elkarlanean aritu zirenei emandako dominak edo egindako aitortzen berrazterketa. Legebiltzarraren agindua beteko duela esan zuen Elma Saizek, baina argitu gabe Felix Huarte eta Jose Javier Urmenetari 2001eko domina kenduko zaizkien ala ez.
Edozein kasutan, ulergaitza da nola 2014an Huarteri eta Urmenetari domina ematearen aurka egon ziren bi indar –PSN eta Geroa Bai–, orain gobernuan egon eta ez diren gai hori bideratzeko, gainera legebiltzarrak horretara bultzatzen dituenean, eta Lan Ministerioak horixe bera egin duenean. Horrez gain, orain arte herritarrari ez diote txukun azaldu zergatik kendu ziren hainbat izen NUPek egindako zerrendatik –edo ez ziren behien-behineko zerrendan sartu, Barkosek dioen gisan–. Gertatutakoa azalduta akaso uler liteke, bestela ez; eta gizarteak merezi du jakitea, areago horren gai sentiberetan.
50 urte dira Francoren diktadura garaiko azken bost fusilamenduetatik. Jon Paredes, Txiki eta Angel Otaegi ETAko kideak, eta Sánchez Bravo, Humberto Baena eta Ramón García Sanz FRAPekoak. Txikiren abokatuetakoa izan zen Magda Oranich, mende erdia eta gero... [+]
Gatazka politiko bat egon da azken 60 urteetan Euskal Herrian, eta horrek izan du bere bertsio biolentoa, ETAk bideratu duena, zeinari Espainiako Estatuak errepresioz eta estatu-terrorismoz erantzun dion. Sei hamarkadetan, ordea, biolentzia horiek ez dira berdin ikusi izan... [+]
Abuztu honetan polemika berri bat piztu digute, beste behin, belarrondokoa ematea baino larriagoa izan dena. Azken hamabost urte baino gehiagoan, Glen Cree ekimenetik hasi, Estatu bortxaren biktimei aitortza legala emateko mekanismoen sorreratik segitu eta herri honetan ireki... [+]
Azken zortzi urteotan 30 bunker inguru berreskuratu dituzte dozenaka gazte boluntariok; Baztanen, Otsondon, izan da azkena. Ana Ollo kontseilariak bisitatu du auzolandegia eta gazteen ezinbesteko lana txalotu eta eskertu du.
Aurten Txiki eta Otaegi fusilatu zituztela 50 urteko beteko direnean, Alonsok adierazi du ETAko bi kideek ez zutela nahi Franco osteko gizarte demokratiko bat: "Diktaduraren aurka borrokatzen ziren, baina diktadurak erabilitako tresna berberekin".
Txiki eta Otaegiren fusilamenduen 50. urteurrenaren harira jarritako olana kendu du Zarauzko Udalak. Sortuk salatu du udalak, EAJ eta PSE-EEk osatuta, "zaborra izango balitz bezala" tratatu zuela olana. Zenbait herritarrek berreskuratu eta Azken Portuko plazan ireki dute.
2025ean 40 urte beteko dira Mikel Zabalza hil zutenetik, eta 47 urte Germán Rodríguez eta Joseba Barandiaran hil zituztenetik. Horiek guztiak Estatuko Segurtasun Indarren biktimak dira, eta Sanfermines78 Gogoan elkarteak Espainiako Gobernuari eskatu dio "Estatuaren... [+]
IRUTXULOKO HITZAk eta Dinamita Tour egitasmoak 36ko gerra Donostian nolakoa izan zen eta hiria beste ikuspegi batetik ezagutzeko ibilaldia antolatu dute elkarlanean, uztailaren 21erako. Elkargunea Bretxako Sarriegi plazako estatua izango da, 19:30ean, eta Amararaino joango dira... [+]
Astelehenean, 40 urte beteko dira Joseba Sarrionandia eta Iñaki Pikabea presoek Martuteneko kartzelatik ihes egitea lortu zutenetik. Egiako pisu batean izan ziren ezkutaturik bi iheslariak, eta oraindik milaka eztarrik abesten dute «kristoren martxa dabil!».
Altzagatik itsasadarraren parean doan BI-711 errepidearen Jose Luis Goyoaga etorbidearen izena aldatzeko herritarren parte-hartze prozesuaren ondoren, kale horren izen berria Zirgariak etorbidea izango da.
78ko Sanferminak Gogoan plataformak eta Gasteizko Martxoak 3ko ekimenak bat egin dute espainiar estatuak gertakari latz horietan bere erantzukizuna onartu eta biktimen aitortza ofiziala egin dezan. 'Estatua Erantzule!' izena darama kanpainak.
Inor gutxik ukatuko du ziurgabetasunez beteriko garai batean gaudenik. Krisi ekonomikoaren, ezegonkortasun politikoaren eta klima-aldaketaren inguruko mezuez inguraturik gaude. Ikaraturik bizi gara. Hori guztia gutxi balitz, globalizazioaren ondorioz, nazioen izaera zalantzan... [+]
Belaunaldi oso baten liburua da Palinpsestoa. Idazten dakien modura idatzi du Arrieta Ugartetxeak, eta horixe dateke alde gaitza. Gainerakoan, hortxe gure iragan hurbila, gerra ondoa, apaiz giroa, euskara, militantzia… eta ez hain hurbila ere, senide nagusien gerra... [+]