Hordago txikira

  • Josu Bergara eta Akorde Txikiak bandak eskainitako kontzertuaren kronika. Ekainainaren 21ean, Bilboko Kafe Antzokian.


2018ko ekainaren 25an - 12:47
Argazkia: Gaizka Peñafiel.
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Eguneroko bizipen txikietan arreta jartzearen alde egin zuen Josu Bergarak Kanta txikien indarra izeneko diskoan, eta plazaratu berri duen Asunak lan berrian apustu horri eutsi dio. Txikitasuna eta apaltasuna abiapuntu, ordea, gauza handietara heldu daiteke, Bilbon emandako kontzertuan erakutsi zuenez.

Kantautore izaerari uko egin ez arren, Josu Bergarak gero eta talde zabalagoa du inguruan. Diskoan bezala, Kafe Antzokiko emanaldian Akorde Txikiak banda osoa izan zuen ondoan, zazpi lagun oholtzan. Pianoa, biolina, kontrabaxua, bateria eta abar melodien eta soinuen aberasgarri izan ziren. Kantautorearen ahots bakartiak Irati Bilbaoren eta Nerea Alberdiren bigarren ahotsak izan zituen lagun. Alberdi da, hain zuzen, Bergararen aliaturik handiena, abestien konposizioak egiten baitizkio eta biolina ere jotzen du diskoetan zein kontzertuetan.

Argazkia: Gaizka Peñafiel.

Txikitasunetik jaiotako kontzertua handi egiten lagundu zuten, gainera, proiektuko kolaboratzaileek: Rayco Sanchez rap abeslariak kanta batean parte hartu zuen eta Gaizka Peñafiel trikitilariak beste bi pieza alaitu zituen. Eako pintxo-poteko kideak ahaztu gabe.

Osteguna zenez gero, ezin esan Kafe Antzokia lepo bete zenik, baina publiko dezente bazegoen eta Josu Bergara hasieratik saiatu zen entzuleokin konektatzen. Sakelako telefonoen argia pizteko eskatu zigun Udaberriko haikua abestiari laguntzeko; geroago, gitarra txikitxoa eskuan, jende artera jaitsi eta Amets, amets abesti herrikoia kantatu zuen mikrofonorik gabe. Beharbada, kontzertuak hor jo zuen goia.

Disko berriko abestiak eta bere errepertorioan lekua egina duten beste batzuk tartekatuz, Josu Bergarak ibilbide intimoa egin zuen kantaz kanta, gaztetako maitasun kontuak zein alaba txikiaren pasadizoak aipatuta. Txikitasunean bilatzen du munduaren bidegabekeriei aurre egiteko indarra eta Kafe Antzokiko oholtzatik babesa bidali zien Valtonyc abeslariari, @erreharria txiolariari eta La Manadaren biktimari. “Isilik nahi gaituzte, baina kantatuko diegu, libre izan arte”, aldarrikatu zuen.

Argazkia: Gaizka Peñafiel.

Kontzertu laburra agindu zuen Josu Bergarak eta hala izan zen, ziztu bizian pasa zitzaigun eta gehiagorako gogoz geratu ginen. Txikitik abiatzea apustu handiak irabazteko bidea dela erakutsi zuen beste behin, eta horretarako konplize egokiak aurkitu ditu, Akorde Txikiak bandakoen ekarpenari esker.


Kanal honetatik interesatuko zaizu: Kontzertuak
BBK Livek bisitarien oinarrizko hainbat eskubide urratzen ditu eta salaketa ipini diote

OCU kontsumitzaileen Elkarteak hiru arrazoi zehaztu ditu, horien artean kanpoko janaria eta edaria Kobetamendiko esparruan sartzeko debekua, eta eskudirutan edo banku-txartelaren bitartez ordaintzeko ezintasuna. Facuak aurreko urtean egindako salaketan zehazturiko arazoak... [+]


Bilbao BBK Live-k ‘life’-a xurgatzen dit!

Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]


Aritz Colio (HTX)
“Hatortxu amaituko da, baina elkartasuna eta auzolanaren bidean gure aletxoa jartzen jarraituko dugu”

Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]


2024-06-11 | ARGIA
Hatortxu Rock behin betiko agurtuko da 2025ean, 30. edizioarekin

2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.


Zuzeneko kronika
Behin baziren baionar batzuk...

Willis Drummonden agur besta

Non: Intxaurrondoko kultur etxean, Donostian

Noiz: Urtarrilaren 5ean

Gonbidatuak: Zetkin, Elvis Caino DJ, Indezen DJ eta Zumitrenko DJ.

------------------------------------------------

... esango dugu noizbait. Joan ikustera, baina... [+]


2024-01-02 | ARGIA
80 pertsonak dastatu zuten Bermu Okerra

Arabako Mendialde eta inguruetako identitate disidenteek osatzen duten Asteriskes kolektiboak Bermu Okerra musika jaialdia antolatu zuen abenduaren 28rako. Araba eta Nafarroa arteko mugan kokatuta dagoen Kontrasta herrian egin zuten, eguerdian. Antolatzaileek azaldu dutenez,... [+]


2023-12-19 | ARGIA
Abenduaren 28an identitate disidenteek antolatutako Bermú Okerra musika jaialdia Kontrastako tabernan

Arabako Mendialde eta inguruetako identitate disidenteek osatzen duten Asteriskes kolektiboak antolatu du Bermu Okerra musika jaialdia abenduaren 28rako. Araba eta Nafarroa arteko mugan kokatuta dagoen Kontrasta herrian egingo dute jaialdia, eguerdian.


2023-12-18 | Ahotsa.info
Hatortxurock 28, amaiera berri bat

 Hatortxurock elkartasun jaialdiaren 28. edizioa ospatu da gaur Atarrabian. Euskal errepresaliatu guztiak etxeratzeko helburua duen musika festibalak milaka lagun bildu ditu berriz ere. Jaialdia aurrera eramateko, boluntarioen lana ezinbestekoa izan da. Sarrera guztiak... [+]


2023-12-15 | Iñigo Satrustegi
Amorante eta Ibil Bedi
Portuko ranpa gehiago komeni

Amorante eta Ibil Bedi

Non: Portuko ranpi (Ondarroa)

Noiz: Azaroaren 25ean

------------------------------------------------

Ez zait aukerarik sortu orain arte Ondarroako Portuko Ranpara gerturatzeko. Toki berezia zela eta gustatuko zitzaidala esaten zidaten lagunek... [+]


Eguneraketa berriak daude