Hitzarturen lehen Gune Irekia egingo dute hurrengo larunbatean, Landaberri ikastolan

  • Hitzarturen lehen Gune Irekia egingo dute hurrengo larunbatean, Landaberrin.Herritarrak deitu dituzte hondakinen kudeaketari buruz eztabaidatzera. Egun osoan ahalik eta iritzi gehien bildu nahi dituzte, kontsentsuzko erabaki bat hartzeko

     

     

     

Txintxarri @txintxarrieus
2018ko maiatzaren 04a
GuraSOSeko Belaustegi Hitzartu egitasmoa aurkezten. (Argazkia: GuraSOS)

Itxura hartzen hasi da Hitzarturen parte hartze prozesua. 2030. urtera arteko hondakinen kudeaketa plan bat adosteko helburua du proiektuak. Kontsentsuzko erabakia izan behar du herritarrena, denei eragiten dien gaia baita. Alde batetik, adituen batzordea eratuko dute, baina berebizikoa da gainerako pertsonek pentsatzen dutena ere jakitea. Horretarako da Gune Irekia elkarrizketa saioa. Lasarte-Orian egingo dute lehena, larunbat honetan. Landaberri ikastolan dute hitzordua, 10:15etik aurrera. 

Elkarrizketa saio "naturala" da, Jokin Telleria Hitzartuko koordinatzaileak azaldu duenez.  "Ahalik eta anitzena nahi dugu izatea". Ondoren aktak jasoko dituzte, eta parte hartzaileei eta hedabideei helaraziko dizkiete.

Herritarrek beraiek jarri ahalko dute gai zerrenda. Alegia, haien kezkei buruz eztabaidatuko dute. Telleriaren hitzetan, parte hartzea "librea" izango da, eta norberak talde batetik bestera joan ahal izango du interesatzen zaion gaiaren arabera. "Ez da zertan egun osoa egon beharrik. Tartetxo batez parte hartu, eta beranduago ere itzuli daiteke nahi duenak".

Ez da aditua izan beharrik prozesu horretan aritzeko. Osatuko dute batzorde bat zientzialari eta beste akademikoekin, oraingoan herritarren ahotsa entzun nahi dute. "Egongo da gehiago edo gutxiago dakiena, baina garrantzitsuena da bakoitzak bere iritzia ematea", dio Telleriak. 

Lehen elkarrizketa 11:45-14:00 bitartean izango da. Bazkaria eskainiko dute gero, hiru eurotara: paella, fruta eta edaria. Arratsaldean jarraituko dute eztabaidek, eta festa batekin amaituko dute. Parte hartzeko eta bazkaria erreserbatzeko, komunikazioa@gurasos.org helbidean edo www.gurasos.org webgunean

Haurrak ardatz

Erraustegia gai arantzatsua da, baina haren ondorioak sufrituko dituztenak dira haurrak, epe luzera begira antzemango baitira gehienak. Hain justu, gaztetxoak ere deitu dituzte Gune Irekira, haiek ere parte hartu dezaten. "Jendea etorri daiteke haurrekin. Haientzako tailerrak egingo dituzte". 

Euskal Herrian egingo duten gisa honetako lehen saioa izango da Landaberrikoa. "Ideia da hemendik zabaltzea beste herrietara". 

Albiste hau Txintxarrik argitaratu du eta CC-by-sa lizentziari esker ekarri dugu ARGIAra.

Gertakizunaz, ikusi Noauan:
Hondakinen kudeaketaz herritarrek hitza hartzeko jardunaldia larunbatean Landaberri Ikastolan
“Hondakinen kudeaketaren gaiari nola aurre egingo diogun eztabaidatu eta adostu behar dugu”

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Errausketa  |  Gipuzkoako erraustegia

Errausketa kanaletik interesatuko zaizu...
Dioxinagate: honela kutsatzen du Holandako erraustegirik berrienak

2011n abian jartzeko egunean, Harlingeneko erraustegia ingelesez state of the art esaten dioten mailakoa dela esan zuen harro Holandako Gobernuak, puntako teknologiaren erakusgarria. Hala ere, laster ikerlan independenteek erakutsi zuten Europako legeek onartu baino dioxina, furano eta bestelako kutsagai askoz gehiago isurtzen dituela. Kutsadura eteten ez dutela eta, joan den urrian berriro irten dira protestan inguruko herritarrak, engainatzen dituztela salatzeko.


2018-11-27 | Zero Zabor
GuraSOS: "Zubietako proiektua berbideratu eta administrazioaren eta herritarren arteko konfluentzia bilatu"

GuraSOS elkarteak prentsaurrean azaldu duenez, Gipuzkoako Foru Aldundiak Zubietako erraustegiaren gaian, ez du gainditu herritarrek parte-hartzearen bidez egin dioten azterketa, eta instituzioek aspalditik gai honetan dakarten gardentasun falta azaltzeko Gipuzkoako Diputazioak orain artean zabaldu gabeko dokumentazioa erakutsi du. Ororen buru, "Zubietako proiektua berbideratzeko eta Administrazioaren eta herritarren arteko konfluentzia bilatzeko deia egiten dugu" esan du GuraSOSek.


2018-11-15 | Zero Zabor
Kordobako udalak Cosmos zementu fabrikari hondakinak errausteko baimena ukatu dio

Kordobako (Andaluzia) udaleko Hirigintza batzordeak Cosmos porlan fabrikari ukatu egin dio zementua ekoizteko erregai gisa hondakin ez arriskutsuak erabiltzea. Udalak, aldi berean, abian jarri du dagoenekoz hondakinak erretzen hasia den enpresak jarduera hori eten dezan prozesua.


2018-11-12 | Zero Zabor
GuraSOSek "Babes Kutxak" atera ditu salgai Hitzartu prozesua finantzatzeko

Zubieta inguruetan bizi diren neska eta mutilek egindako marrazkiak tapakietan serigrafiatuak dituzten Babes Kutxak aurkeztu ditu GuraSOS elkarteak, horien salmentatik bildutako diruarekin Hitzartu proiektua finantzatzeko. GuraSOSek prentsa oharrean dioenez, "ekimen herritar honetan, hondakinen kudeaketaren inguruan partehartze prozesua burutzen ari da informazioa eta eztabaida soziala bermatzeko".


2018-11-09 | Zero Zabor
OEITeko medikuek Asensio diputatuaren dimisioa eskatu dute, ETBn esandako irainengatik

Osasuna eta Errausketa Ikerketa Taldeak Gipuzkoako Foru Aldundiko Ingurumen diputatu Jose Ignacio Asensioren dimisioa eskatu du publikoki: “gizartearen adimenari egindako laidoak eta GEIS/OEIT-i jaurtitako kalumniak” direla eta.


2018-11-07 | Zero Zabor
Aurrekoetxea doktorea, erraustegia justifikatu duena, Jaurlaritzako Osasun Publikoko zuzendari berri izendatu dute

Eusko Jaurlaritzak urriaren 30an Juan Jose Aurrekoetxea izendatu du Osasun Publikoaren eta Adikzioen zuzendari, kargu hori zeukan Miren Dorronsoren ordez. Aurrekoetxea doktorea Biodonostia erakundeko ikerlaria izan da eta kargu horretatik emana du lekukotasuna Gipuzkoako Batzar Nagusietan argudiatuz, Zubietako erraustegiaren eztabaidan, hondakinen errausketak osasuna kaltetzen duenik ez dagoela demostratuta.


2018-10-23 | Usurbilgo Noaua
GuraSOS: "Zubietan eraikitzen ari diren erraustegiak %110etik gorako gaindimentsioa du"

Berriki Espainiako Kontu Auzitegiak garai batean Zubietan eraiki nahi zen erraustegia gaindimentsionatua zegoela aitortu zuen. Egun eraikitzen ari direna ere hala dago. Zubietan eraikitzen ari diren erraustegiak %110etik gorako gaindimentsionamendua du. Hala adierazi du GuraSOSek astearte goiz honetan Donostian egin duen agerraldi bidez. Hitzartu prozesuaren baitan adituekin osaturiko mahai teknikoa Gipuzkoako Hiri Hondakinen Planaren erredakzio betean da.


2018-10-22 | Zero Zabor
Ikerlan berria Britainia Handian: erraustegiek isuritako karbonoak nola kaltetzen duen klima

UKWIN Britainia Handia Errausketarik Gabe koalizioak zabal du erraustegiek klimaren aldaketan daukaten eraginari buruzko ikerlan berria, zentratua –alde batera utzita ingurumenaren kutsatzea, gizakien osasun kalteak, eta beste eraginak– teknologia horrekin sortutako energiaren karbono balantzean. Emaitzek gezurtatzen dituze errausketaren propagandistek behin eta berriro plazaratzen dituzten kontuak.


2018-10-15 | Zero Zabor
Eskandalua Paris-Ivryko erraustegian: baimena eman duen ministrordea erraustegien patronalekoa da

La France Insoumise mugimendukoa Mathilde Panot diputatuak salatu du: Paris metropoliaren XIII. eremuan Ivryn dagoen erraustegia –Europako handiena– zaharberritzeko baimena eman duen ministroa Veolia errausketa eta hondakinen kudeaketako konpainia erraldoiaren zuzendaritzan egon da Emmanuel Macronek Trantsisio Ekologikoko estatu idazkari izendatu artean.


2018-10-10 | Zero Zabor
Bi istripu larri Italiako erraustegietan: hildako bat eta zauritu bat

Aste honetan, ordu gutxiren tartearekin, bi istripu larri gertatu dira Italiako bi erraustegitan, Reggio Emilia ondoko Sesson eta Comon.


Eguneraketa berriak daude