Hiruk eta Tradisnak greba utzi dute, Bilboko portuko garraiolariek jarraitzen dute
Hiru eta Tradisnako langileen asanbladek hartu zuten erabakia asteazken arratsaldean, tarte estuarekin eta egoera ez dela konpondu onartuta. Bilboko portuko garraiolarien gehiengoak ez du onartu portuko enpresek eginiko eskaintza.
Tradisnak zein Hiruk langileen asanbladak egin dituzte asteazken arratsaldean. Hiruko kideak Lasarte Orian (Gipuzkoa) bildu dira greban jarraitu edo ez erabakitzeko. Lanera bueltatzearen alde egin dute 50 garraiolarik, aurka 31k, eta 8 abstenitu egin dira. Tradisnak Imarkoainen (Nafarroa) egin du asanblada. 110 garraiolarik egin dute greba uztearen alde, eta 94k mantentzearen alde.
Konponketarik ez
Greba utzi izanagatik, egoera ez dela konpondu onartu dute bi sindikatuetako ordezkariek. Hiruk adierazi du asanbladan lanera bueltatzeko erabakia hartuta ere sindikatuko kide batzuk ez direla lanera bueltatuko, “ez dielako merezi”. Sindikatuak baikorki baloratu du “iritzi publikoan problematikak izan duen ikusgarritasuna, egindako mobilizazio masiboak, garraiolarien erreklamazioetan egindako aurrerapenak, ateak irekita eta Nafarroako Gobernuak eta Eusko Jaurlaritzak hitz egiteko duten prestasuna; era berean, atzo iragarritako neurri eta hobari fiskalak ere positibotzat jo dira, hasiera batean garraiolari autonomoentzat onuragarriak zirenak, horiek berretsi eta zehaztu zain”. Aldi berean, ez du baztertu mobilizazio berriak deitzea, “garraiolari autonomoek baldintza duinetan lan egiten jarrai dezaten eta euskal garraio-sarea defendatzeko”.
Tradisnako koordinatzaile Alberto Latorrek Radio Euskadiko Ganbara saioan adierazi du sindikatuko langileen gehiengo estu batek greba uztea erabaki badu ere, gehiengoak uste duela sektorearen aldarrikapenak ez direla bete: “Iritzi orokorra hori da”. Lanera bueltatzeko erabakia nagusiki greba “indarra galtzen” ari zelako eta “jendea etsitzen” ari zelako hartu dela azaldu du.
Bilboko portuan grebak jarraitzen dute
Bilboko portuko 700 garraiolarietako gehienek grebari eusten diote. Portuko garraio enpresekin negoziatzen jarraitzen dute. Enpresek zenbait hobekuntza eskaini dizkiete, hala nola, gasolioari lotutako %12ko igoera bat, hilabetez hilabete berrikusiko litzatekeena, eta zerbitzuaren ordainketa urteko KPIaren arabera igotzea hurrengo urteetan. Garraiolari autonomoen iritziz ez da nahikoa. Azpimarratu dute azken 15 urteetako baldintzen okertzea zuzentzeko hobekuntza handiagoak ezinbestekoak direla.
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
ELA sindikatuak salaketa penala aurkeztu du Amurrioko Instrukzio Epaitegian Guardian Europako lehendakariordearen eta gai juridikoetako arduradunaren aurka, Autoglas-Glavista enpresan izandako gertakariengatik.
Epaiak legez kanpokotzat jotzen du hizkuntza eskakizun egiaztagiria ez duten pertsonak Lan Eskaintza Publikotik kanpo geratzea. Gipuzkoako Foru Aldundiak jarritako helegitearen kontrako epaia izan da. CCOOk eman du epaiaren berri eta garaipen gisa hartu du.
Manifestazioa astelehenean, maiatzak 26, izango da 18:30ean Gasteizko Plaza Berritik. ELA, LAB eta ESK sindikatuek deitutako manifestazioan eskatuko dute grebari hasiera eman zion hitzarmen propioa lortzea.
2023ko abuztuan, Bilboko Kale Nagusian, saltzaile ibiltari baten defentsan Poliziari aurre egin zion emakumeari hiru urteko espetxe zigorra eskatzen dio udaltzain batek. Bideo batek Poliziaren kontakizuna ezbaian jartzen du.
Bridgestone Japoniako pneumatikoen multinazionalak Basauriko eta Puente San Migueleko (Kantabria) fabriketan dituen 420 langileri eragingo die CCOO, UGT eta BuB sindikatuek astelehenean sinatuko duten erregulazio espedienteak. Ostiralean egindako bozketan, Basauriko plantan... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Ostia kolektiboko milintanteek 8.742 euro ordaindu beharko dizkiote Bouygues enpresari, eta beste 2.000 euro abokatuen gastuentzat. 2022ko abenduan buruturiko desobedientzia ekintzan promotore horren maketa bat zikindu izanagatik zigortu dituzte.
Donostiako Udaleko langileen batzordea osatzen duten bost sindikatuek (ELA, LAB, CCOO, Erne eta ESAN), akordioa egin dute, Euskaraldia dela-eta langileen parte hartze aktiboa sustatzeko eta euskaraz bizi eta lan egiteko aukerak bermatzeko. LABeko ordezkari Joseba Alvarezek... [+]
Zuzendari nagusiak eta zuzendari editorialak egindako "jazarpen eta errrepresalia kasu larria" salatu dute enpresa batzordeak eta ELA sindikatuak.
Basauriko Bridgestoneren zuzendaritzak astelehen arratsaldean eman du pneumatiko lantegian enplegua erregulatzeko txostenak eragingo liekeen langileen kopuruaren berri: 232 behargin geratuko lirateke kalean, 335 beharrean. Horrez gain, ekoizpena handitzeko eta kalte ordainak... [+]
Tentsio handiko ikasturtea amaitzear, ostegunean hasi eta ostiralean jarraituriko azken negoziaketa maratoian Eusko Jaurlaritzarekin akordioa sinatu dute sindikatu guztiek, ELAk izan ezik. Datorren asteko grebak bertan behera geratu dira. Segidan, adostu dutena eta batzuek eta... [+]
Gasteizko Udalak esan du enpresa negoziatzera deitzen ari dela. Sindikatuek eskatu diote Gasteizko langileak defendatu ditzala Enviserren jabea den AEBetako inbertsio funtsaren aurrean.