Langabezian dago hipoteka ordaindu ezin dutenen %70 espainiar estatuan

  • Etxegabetzeen eta etxebizitza eskubidearen inguruko hainbat datu zabaldu ditu Hipotekak Kaltetutakoen Plataformak (PAH). Datuok eskuratzeko, azken bi urteetan hipoteka ordaintzeko zailtasunak izan dituzten 11.561 lagunen kasuak aztertu dituzte, DESC behatokiarekin elkarlanean. Irailean argitaratuko duten txosten mardulago baten aurrerapena da.


2013ko uztailaren 09an - 00:00
Azken eguneraketa: 2015-02-26 13:37:33
(Argazkia: arndigital.com)

Webgunean argitaratutakoaren arabera, hipoteka ez ordaintzearen arrazoia langabezia da kasuen %70ean; kaltetuen %59k gutxienez erdi-mailako ikasketak ditu. Jatorriari dagokionez, %82 espainiar estatuan jaio da.

Etxegabetzeen aferak kaltetutakoen %83k ez du beste etxebizitzarik, ez jabetzan, ez eta alokairuan ere. Arazoak eragindako etxebizitzen %70ean, adin-txikiko bat bizi da gutxienez.

Bankia, Banco Santander eta BBVA dira etxegabetze gehien egin dituzten kreditu-erakundeak; hiruen artean, aztertutako kasu guztien %45 biltzen dute. Kaltetuen %84 bankuarekin adostasun batera heltzen ahalegindu da, baina %93k negoziazioaren emaitza txartzat jo du.

PAHk salatu du datu ofizialak ez izateak “arazoaren larritasuna” ezagutzea eta erabaki politikoak hartzea zailtzen duela. Egoera horri buelta emateko saiakera izan da erakundeak bi urtez egin duen bilketa lana. Haien hitzetan, emaitzak “erabat kezkagarriak” dira.

 


Kanal honetatik interesatuko zaizu: Etxegabetzeak
Etxebizitza arazoa eta faxismoa
Etxe kaleratze estrajudizialetatik harago doan arazoa

Azken hilabeteetan, zeresana eman du etxe kaleratze estrajudizialak egiten dituzten enpresen artetik ospetsuena den eta eskuin muturrarekin lotura duen Desokupak, Bizkaitik birritan kontratatu baitituzte beren zerbitzuak. Testuinguru horretan, faxismoari pauso bakarra aurrera... [+]


2024-04-04 | Gedar
La Caixak hiru familia etxegabetu nahi ditu Bilbon

Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]


Etxegabetzeak 48 ordutan burutu ahal izateko lege aldaketa proposatu du EAJk

EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.


Iruñean familia bat etxegabetuko dutela salatu dute Harituk eta Jaki Tokik

Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.


2024-02-13 | ARGIA
Hamabi familia etxetik bota nahi dituzte Pasaian, trenbide zati bat egiteko

Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.


Eguneraketa berriak daude