Hipoteka lege berriak bankuen abusuak zuritzen dituela salatu du Kaleratzeak Stop plataformak
Datuen arabera, EAEko etxegabetzeen egoera larriagotu egingo duen erreforma da. Aurten, 1.300 kaleratze inguru izatea espero dira, hau da, eguneko bost.
EAEko Kaleratzeak Stop plataformak salatu duenez, “lege berriak epaitegiek abusukotzat jo dituzten hipoteka-baldintzak jasotzen ditu baina beste batzuk kanpoan uzten ditu, hala nola, Hipoteka Maileguen Erreferentziako Indizearen interesa, milioika pertsonari eragiten diena”.
Legeak jasotzen duen atzera-jarduera bakarra bankuei mesede egiten dien epemuga aurreratu dela adierazi dute plataformatik. “Bankuek epemuga aurreratua aktibatzen badute, prozedura artxibatu edo eten egiten dute. Ondoren botere legegilea bankuei laguntzera joaten da, ia sei milioi hipotekaren epemuga aurreratzeko klausula zurituz” gaineratu dute.
Kaleratzeak Stop plataformako kideek bankuek beren iruzurragatik ez ordaintzeko eta beste bide batzuetatik gauza bera egiten jarraitzeko joko-arauak aldatu egiten direla gaitzetsi dute.
Etxebizitza soziala eskuratzeko baldintzak arautzen dituen dekretu bat onartzea eta alokairu pribaturako laguntzak berrikustea eskatu diote Eusko Jaurlaritzari, familiek etxebizitza gastuetarako diru-sarreren % 30 baino gehiago eskaini behar ez izateko.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.
