Hilaren 20an Lasarteko kaleak betetzeko deia egin du Ernaik, erraustegiaren aurka
Salatu dutenez, "sistema kapitalista heteropatriarkalaren ikonoa" da erraustegia, "gutxi batzuen etekin ekonomikoa" jartzen baitu herritarren bizitzaren gainetik. Ikasle eta gazteei protestara joateko deia egin diete.
Irailaren 20 eta 21ean mundu mailako erraustegien foroa egingo dute Bilbon, eta data hori aitzakiatzat hartuta, kaleak hartzeko deia egin du Gipuzkoako Ernaik: manifestazioa egingo dute hilaren 20an, 10:30ean, Lasarteko Okendo plazatik abiatuta.
Zubietan eraiki nahi duten erraustegia sistema kapitalistaren "ikonoa" dela salatu dute gazteek goizean Lasarten egindako agerraldian: "Haien engranajearen beste pieza bat gehiago da erraustegia. Izan ere, bulego ilunetan itxitako eta jatetxe garestietan ospatutako tratu milionarioak dira haien boterearen berme eta xede nagusia. Argi dago erraustegiak ez diola herriaren interesei erantzungo, gutxi batzuen poltsikoen mesedeei baizik". EAJ jarri dute proiektu txikitzailearen erantzule, eta gaitzetsi dute herritarren protestei entzungor egin diela orain arte: "Herriaren hitza alde batera utzi eta haien interes pribatuen aldeko apustua egin du beste behin ere EAJ-tak".
Gogoratu dute, halaber, ustelkeria kasuetan murgildua dagoela erraustegia eraikiko duen Urbaser enpresa, baita EAJko hainbat kide ere, de Miguel auzia kasu.
Euskal Herrian bizitzeko apustua
Erraustegia bezalako proiektuen aurrean bizitza erdigunean jarriko duen eredua aldarrikatu du Ernaik, eta horretarako kaleak hartzeko deia egin du: "Euskal Herrian BIZI nahi dugulako, maskarilak kendu eta erraustegia geldituko dugu; zuen inperioa hankaz gora jartzeko lehen pieza botako dugu".
.jpg)
Albiste hau Topatuk argitaratu du eta CC-by-sa lizentziari esker ekarri dugu ARGIAra.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Bilboko Ernaik zabaldutako bideo batean ikus daiteke, Engel & Volkers higiezinen agentziak hirian duen bulegoari pintura bota diotela su itzalgailu batekin. Bideoarekin zabaldu duten txioan salatu dute Bilboko etxebizitzaren prezioak etengabe gora egiten duen bitartean Bilbon 8.108 etxe huts daudela eta "erantzuleak seinalatuko" dituztela.
Egungo testuinguru politikoan eta Nafarroan dauden baldintza zehatzak egonda, fase konkretu honetan kokatuta, Nafarroaren burujabetzaren bidean sektore anitzen aglutinazioa eta hauen artikulazioaren logikan 2015ean emandako aldaketa instituzionala eta honen bueltan sortutako paradigmaren balio estrategikoa azpimarratu nahi dugu, baita honetan sakontzeko beharra ere.
Kaixo adiskideak:
Zer moduz hasi duzue negu hurbila? Guk, zuek ongi dakizuen bezala: lan eta lan. Zuetako asko bahiturik zeundeten Ernai sortu zenerako. Gehienok ez gaituzue zuzenean ezagutzen eta gutxi batzuek baino ez dugu zuek ezagutzeko aukera izan. Denek izango zenuten prentsan gure nondik norakoen berririk. Ehundaka kilometrok banantzen gaituzte, barrote hotzek edo hatz markez zikindutako kristalek. Hala ere, eta zuetako asko ezagutzeko aukerarik izan ez dugun arren, zuekin Euskal Preso,... [+]
Egoerarekin konforme ez eta oraina eta geroa aldatzeko prest dagoen gazte mugimeduari erreparatu dio gaurko Plaza Hutsak. Lur Albizu Etxetxipia Ernaiko bozeramaileari elkarrizketa egin dio Ibon Meñikak azken saio honetan.
Nafarroan Bizi Eguna ospatu da Iruñean. Goizean solasaldia eskaini dute espainiar estatuko nazio zapalduetako gazte antolakundeetako kideek Arrotxapeko gaztetxean, eta arratsaldean manifestazioa egin dute Iruñeko kaleetan barrena, Ernaik antolatuta.
Apirilaren 19tik 22ra ospatuko da, Ernaik eta Aitzinak antolatutako Gazte Topagunea: “Badator 40 urte eder eta borrokalarien uzta bilduz, gazteria independentista, euskaldun, sozialista eta feministon topagune erraldoia”.
Sistema judizialaren “izaera matxista eta zapaltzailea” salatzeko, Ezker Abertzaleko gazte antolakundeko hainbat emakume* Buenos Aires kaleko Justizia Jauregiaren ateetara kateatu dira.
Zizta Euskara Taldeak, Askapenak, Gasteizko Ernaik, Olarizuko Gazte Asanbladak, Judimendiko Gazte Asanbladak eta Trikuharri Gazte Asanbladak dozena bat hitzaldi, eztabaida, mahainguru eta kontzertu antolatu dituzte azaroaren 21etik abenduaren 1era Gasteizko hainbat gunetan.
"Hilabeteak dira jada Ikasle Abertzaleak eta gazte antolakundeak urte luzez garatutako aliantza estrategikoa bertan behera gelditu zela, berau mantentzeko baldintzak sustengatzen zituzten adostasunak hautsi zirela iritzita", adierazi du ostiral arratsaldean Ernaik. Hezkuntza problematikaz eta ikasle borrokaz ahots propioz hitz egiteko beharra sentitzen dutela adierazi dute, eta horregatik, eremu honetan jarduteari ekingo diotela.
Ameriketako ipar-mendebaldeko jatorrizko herrien arteko zeremonia bat kontatu zuen Eduardo Galeanok. Erretreta hartzera doan eltzegileak, bere maisu lana ematen dio ofizioa ikasten ari den gazteari. Eta eltzegile gazteak ez du ontzi perfektu hori begiratzeko eta miresteko gordetzen; aitzitik, lurraren kontra lehertzen du, mila puskatxotan hautsi, puskatxoak jaso eta bat egiten ditu bere buztinarekin.
