Hezkuntza Legeak euskara eta euskal kultura ardatz hartzeko exijitu dute kulturgileek
Kulturgintzako sortzaile eta eragileek "kezka handiz" ikusten dute EAEko hezkuntza legearen aurreproiektua, ez duelako kultur transmisioa bermatzeko neurririk zehazten. Larunbatean Durangoko Azokaren atarian egin dute legearen irakurketa kritikoa, eta azaldu dute proposamenak prest dituztela Hezkuntza Sailari bidaltzeko.
aurre egingo dieten hedabide independenteak
Euskal Autonomia Erkidegoko hezkuntza lege aurreproiektuaren harira, kulturgintzako sortzaile eta eragileek "kezka handia" agertu dute larunbatean, "ez duelako hezkuntza arautu eta ez arautuan kultur transmisioa bermatzen". Salatu dutenez, lege berriak ez du zehazten euskal kulturari espresuki uztartutako helbururik, eta ez du euskal kulturaren transmisioa eta ezagutza bermatuko duen erakunde edo funtzio iraunkorrik zehazten, besteak beste. Irakurketa kritikoa egin dute eta iragarri proposamenen dokumentua prest dutela Eusko Jaurlaritzako Hezkuntza Sailari igortzeko.
Katixa Agirre idazleak eta Imanol Epelde kultur eragileak irakurri dute kulturgileen testua, azokaren atarian. Bertan egon diren edo atxikimendua eman duten kulturgileez gain – horien artean, Iñaki Ziarrusta eta Eneritz Artetxe antzerkigileak, Iratxe Retolaza kultur ikerlari eta eragilea, eta Unai Iturriaga bertsolaria–, eskariarekin bat egin dute honako erakundeek ere, Berria-k jaso duenez: Jakin, Euskaltzaleen Topagunea, Hik Hasi, EIZIE, Bertsozale Elkartea, Ibaia, EHAZE, Musika Bulegoa, Galtzagorri elkartea, Dantzaz, Ahotsenea, Euskal Pen Kluba, Musikari elkartea eta Euskal Idazleen Elkartea.
Kultur hezkuntza "jardun eraginkorrenetariko bat" dela aldarrikatu dute, besteak beste, pertsona sortzaileak eta kritikoak sustatzeko, nortasunaren garapena bultzatzeko, zein gizarte kohesioan urratsak egiteko. Euskarak eta euskal kulturak lotura zuzena dutela adierazi dute, eta elkar elikatzen dutela: "Euskara ez da normalizatuko euskarazko kulturgintzaren ekosistema osasuntsurik gabe, eta euskara normalizatu ezean, ez da kultugintza osasuntsu bat egongo", azaldu dute. Pasa den astean, euskalgintzako 211 adituk hezkuntza legeak euskara eta euskal kultura ardatz izatea exijitu zuten.
Lau kezka nagusi
Lau kezka zehatz azaldu dituzte kulturgileek. Hasteko, lege berriak ez du kultur hezkuntza edo hezkuntza artistikoa "funtsezko adartzat" jotzen. Bestetik, zirriborroak ez dakar euskararen eta euskal kulturaren egoera diglosikoari buruzko aipamenik. Hirugarrenez, ez dago euskal kulturari espresuki uztartutako helbururik. Eta, azkenik, aurreproiektuak ez du euskal kulturaren transmisioa eta ezagutza bermatuko duen erakunde, edo funtzio iraunkorrik zehazten.
Gauzak horrela, "euskararen eta bere kulturaren transmisioa bermatzeko oinarriak jartzeko" proposamenen dokumentua prestatu dute kulturgileek, eta "laster" dira Hezkuntza Sailari igortzekoak. Hala ere, proposamenei ekarpena egin nahi dien eragileentzat ateak irekita utzi dituzte.
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
“Etapa berri baten hasiera” eta “historikoa” moduko hitzekin aurkeztu du Eusko Jaurlaritzaren Hezkuntza Sailak Euskal Eskola Publikoa Eraldatzeko I. Plan Estrategikoa, Eusko Legebiltzarrean. Edukiak oraindik ontzeko eta zehazteko daudela, plana hamar... [+]
Salbatore Mitxelena ikastolak 140.000 euro ordaindu beharko ditu, Eusko Jaurlaritzak Haur Hezkuntzarako ezarri dion matrikulazio muga gainditzeagatik, baina zortzi ikasleak mantenduko ditu, negoziazioen ondorio. Hezkuntza Sailaren erabakiak eta jarrerak salatu ditu ikastolak.
Haur Hezkuntzako lehenengo zikloan, hiru ikastetxera joateko aukera dute familiek: bata publikoa, beste biak itunpekoak. Legeak kontrakoa agintzen duen arren, plazen eskaintza ez dela orekatua eta itunpekoek dagokiena baino nabarmen plaza gehiago eskaintzen dituztela salatu dute... [+]
Zertarako irakaskuntza kontzertatua?
Eskola publikoko eragile gehienen kontra EAEn onartu den Hezkuntza Lege berriak irakaskuntza kontzertatuaren doakotasuna bermatzea du helburu, beti ere botere publikoen finantzaketaren bidez, jakina. Espainiako Estatuan ere gobernukideek... [+]
Begoña Pedrosa Hezkuntzako sailburu berriak egindako adierazpen ugariei erantzunez, Hezkuntzari buruzko 17/2023 Legea ezarriko da aurtengo ikasturte hasieran, Legebiltzarrean EAJ eta PSEren babes bakarrarekin onartu zena. Ezarpen horrek berekin ekarriko du agindu eta... [+]
Itunpeko ikastetxeetan ari diren irakasleen soldata eskola publikoan ari direnekin parekatuko du Eusko Jaurlaritzak. Parekatzea progresiboa izango da, prozesua 2027an amaituko da eta prozesua hasteko 67 milioi euro bideratuko ditu aurtengo aurrekontu publikoetatik. Hezkuntza... [+]
EAEko Hezkuntza Legea. Biharamunerako koordenatuak liburua aurkeztu du asteazken honetan Hik Hasi egitasmoak. “Denontzat eta denona izango den hezkuntza sistema publikoa, bateratzailea, soziala eta inklusiboa erdiesteko bidean lege berriak zein aukera irekitzen dituen... [+]
Gasteizko Legebiltzarraren aurrean egin dute protesta Euskal Herrian Euskarazeko kideek, “iraungita” dagoen Hezkuntza Legearen onarpena salatzeko. Goizeko 9:00etan elkarretaratzea burutu dute eta bi kide Legebiltzarreko atera kateatzen saiatu dira.
Iritsi da eguna: Eusko Legebiltzarrean ostegun goiz honetan onartu da soilik EAJ eta PSEk babesten duten Hezkuntza Legea. Legebiltzar atarian, Euskal Eskola Publikoaz Harrok eta Euskal Herrian Euskarazek protestak egin dituzte. Duela hogeita hamar urte onartu zen azken hezkuntza... [+]
Hezkuntza Lege berria, adostasunetik jaio behar zena, haserrean eta desakordioan onartu da. Publiko-pribatu auziak eta hizkuntza ereduek eragin dute akordio falta. Pena handia.
Horretan Espainiako ereduari jarraitzen diogu, EAEn ez garelako gai oinarri amankomun batzuk jarri... [+]