Espainiako Gizarte Segurantzaren Tesoreria Generala da Donostiako Idiakez kaleko 6. etxe blokea, maiatzaren 19an Bizitza Da Handiena ekimenak zabaldu eta biziberritu dutena.
Donostiako Jabetzaren Erregistroaren arabera, guztira 2.292 metro koadro ditu egoitzak, era honetara banatuta:
- Behea: 5,10 metro koadroko sarrera, 74,30 metro koadroko erdi-sotoa eta 55,70 metro koadroko solairua ditu.
- Lehen solairua: 315,62 metro koadro ditu erabilgarri, eta hainbat gunetan dago banatua.
- Bigarren solairua: 317,19 metro koadro ditu erabilgarri eta hainbat gunetan dago banatua.
- Hirugarren solairua: 317,67 metro koadro ditu erabilgarri eta hainbat gunetan dago banatua.
- Laugarren solairua: 318,48 metro koadro ditu erabilgarri eta hainbat gunetan dago banatua.
- Bosgarren solairua: 320,73 metro koadro ditu erabilgarri eta hainbat gunetan dago banatua.
- Seigarren solairua: 273,2 metro koadro ditu erabilgarri eta hainbat gunetan dago banatua. Metro horietatik 32,15 metro koadro terraza dira.
- Zazpigarren solairua: 240,8 metro koadro ditu erabilgarri eta hainbat gunetan dago banatua. Hauetatik 21,4 metro koadro terraza dira.
- Zortzigarren solairua edo teilatupea: 53,22 metro koadro ditu erabilgarri eta hauetatik 5,9 metro koadro terraza dira.
137.355 euroko balio kontable netoa eta hutsik
Iñigo Barandiaran EAJko diputatuak idatziz sartutako galderari erantzunez, Espainiako Gobernuak 2017ko urtarrilaren 18an erantzun zuen dokumentuak dio "egun hutsik, besterendu aurreko ekintzetan" zegoela eta 2015eko abenduaren 31n zuen balio kontable netoa 137.355,10 eurokoa zela.
2009tik saldu ezinik: Zortzi solairutan 1.917 metro, Donostiaren erdigunean
2009ko irailaren 29an atera zuten enkantera Idiakez kaleko 6 zenbakiko eraikina. Prezio lehiari ekiteko lehen zifra hau izan zen: 9.844.100,00 euro.
Enkantea publiko egin zuen Estatuaren Buletin Ofizialak (2009-8-21ekoa).
Sare sozialetan etxeaz zabaldu diren argazkien galeria:
Argazki hauetan ikus daiteke zer egoeretan aurkitu zuten zortzi salairuko egoitza herritarrek, irailaren 19an zabaldu zutenean.
Eta hurrengo argazkian, ganbaratik ikusten den ikuspegia:
2018ko maiatzean borroka sozialen astea egin zuen Donostian Bizitza Da Handiena dinamikak. 2002tik itxita zegoen Gizarte Segurantzako Diru Zaintzaren eraikina okupatu zuten astebetez. Okupazio kolektibo horren arduradun gisa kide bakarra identifikatu zuen Ertzaintzak eta epaitu... [+]
2018ko maiatzean borroka sozialen astea egin zuen Donostian Bizitza Da Handiena dinamikak eta 2002tik itxita zegoen Gizarte Segurantzako Diru Zaintzaren eraikina okupatu zuen astebetez. Okupazio kolektibo horren arduradun gisa kide bakarra identifikatu zuen Ertzaintzak eta... [+]
Iazko maiatzean antolaturiko Borroka Sozialen Astean okupatu zuten eraikina, protesta gisa eta soilik zazpi egunetarako. Okupazioa ez dela delituaa eta "publikoa dena herritarrena dela" aldarrikatuz, Bizitza Da Handiena dinamika osatu zuten eragileek elkarretaratzea... [+]