Defentsa eskubidearen urraketa

Epaiketak hastear, abokatua ere auzipetu dutela salatu dute Bizitza Da Handiena-ko eragileek

  • Prentsara bidalitako ohar baten bidez jakinarazi dute joan den maiatzean Bizitza Da Handiena dinamikan parte hartzeagatik atxilotu eta identifikatutakoen aurkako epaiketak datorren astean hasiko direla. Kontzentrazioak deitu dituzte Egiako epaitegiaren aurrean, Donostian. Gogor salatu dute mugimendu sozialen abokatu Haizea Nuñez ere auzipetu izana, defentsa lanak egiten aritu zen arren. Gaur elkartasun argazkia aterako dute 19:00etan Tabakalera aurrean.

ARGIA @argia
2018ko irailaren 12a
Defentsa eskubidea ere urratzen ari direla salatu dute Bizitza Da Handiena dinamikako kideek.

Maiatzean Munduko Turismo Erakundea Donostiara joatekoa zela baliatuz, Bizitza Da Handiena lelopean protesta sozialen astea gauzatu zuten elkarrekin 61 herri mugimendu eta sindikatuk. Lotura honetan ikus daitezke eragile guztiak.

"Oso esperientzia positiboa izan zen, eragile mordoak gure artean lan egin baikenuen proiektu konkretu bat aurrera ateraz, aliantzak osatuz, gure artean elkar hobeto ezagutuz eta nolabait esatearren, lubaki ezberdinek fronte bakarra osatuz", diote oharrean.

Egungo eredu politikoari kritika egiten zioten dozenaka ekimen egin zituzten astebetean. Ekimenik ikusgarriena, ziurrenik, 15 urtetik gora hutsik zeraman zortzi solairuko eraikin publikoa Donostiaren erdialdean okupatzea izan zen. Maddi Txintxurretak erreportaje honetan jaso zituen astearen nondik norakoak.

Oharrean salatu dute hasieratik argi utzi zutela beraiek ez zutela biolentziarik erabiliko, eta espero zutela boteretik ere ez erabiltzea. "Lege eta politika injustuei aurre egiteko gure tresnak desobedientzia zibila, kolaborazio-eza, ekintza zuzena eta erresistentzia izango zirela esan genuen, eta hala izan zen. Horren aurrean zer egin zuten Euskal Erregimena deitu genien horiek? Beren polizia politikoa bidali eta erabat legitimoak diren protesta sozialak zigortu, kolpatu eta eraso zituzten. Dozena bat lagun identifikatzeaz gain, bi lagun atxilotu zituzten. Agerikoa da beren eredua zalantzan jartzeko gai garela, eta ez dutela inondik ere zirrikiturik irekitzerik nahi", salatu dute.

Abokatua ere auzipetua

Eragile sozial hauen defentsa lanak egiten aritu zen Haizea Núñez Palacio abokatua auziperatu dutela jakinarazi dute. "Forma juridikoei dagokienez modu erabat deuseztagarria, ezohikoa eta oinarrizko eskubideei zor zaien errespeturik gabekoa. Funtsean, herritarron defentsa eskubidea argi eta garbi urratzen ari dira. Lotsagarria da ikustea abokatu lanetan modu aske eta independentean jarduteko eskubide urraketa hau. Onartezina da herritarrok gure eskubideen defentsan hautatzen ditugun abokatuon lana poliziak eta epaileek jazartzea". Herritarren defentsa eskubidearen aurkako erasoa dela ulertzen dute eta diotenez, bide guztiak jorratuko dituzte bertan behera gera dadin. Eragileek gogor salatu dute eta Donostiako Instrukzioko 2. zenbakiko Epaitegiko Epaileari ardurak eskatuko dizkiete.

Epaiketak irailaren 17an eta 25ean

Irailaren 17an, astelehena, kontzentrazioa deitu dute 9:30ean eta 25ean 10:00etan Egiako epaitegiaren aurrean, epaituei elkartasuna adierazi asmoz. "Ez zaudete bakarrik, herritarrok elkar defendatzen dugu. Euskal Erregimenari mezu bat: zuen isun, eraso eta epaiketak elkarrekin lanean jarraitzeko arrazoi bat gehiago dira, eta jakizue: herri boterea eraikitzen jarraitzeko asmo irmoa daukagu, egungo egoerarekin ez baikaude inolaz ere ados".

Elkartasun argazkia gaur

Asteazken arratsaldean, Tabakalerako maldan elkartasun argazkia deitu dute 19:00etan. Herri mugimendu eta eragile guztiei egin diete bat egin eta aldarriak ekartzeko deia. Tabakalerako maldan Ertzaintzak eraso egin zien herritarrei eta bi lagun atxilotu zituen. Hemen bideoa:

Bizitza Da Handiena dinamika osatu zuten 61 herri mugimendu eta sindikatuek instituzioei mezu hau bidali nahi izan diete: "Herria gu gara, eta antolatuta gaude. Gutako inori eraso egiten badiozue, gu guztiok erasoko gaituzue, herria erasotuko duzue. Zuen bulegoetan herritarrak kontuan hartu gabe hartzen dituzuen erabakiak gure kontra doaz zuzenean, eta guk, bulegoak baino, plazak nahiago ditugu. Bizitza dugu aldarri eta horren alde egingo dugu".

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Bizitza Da Handiena kanaletik interesatuko zaizu...
2018-09-19 | ARGIA
Ertzaintzak aitortu du pertsona bat euskaraz hitz egiteagatik identifikatu zuela

Donostiako Ertzain-etxeko burutzak onartu du herritarren hizkuntza eskubideak ez zituztela errespetatu maiatzean Donostiako Bizitza Da Handiena astean izandako identifikazio batean. Barkamena eskatu du ertzainen izenean eta agenteei jardunbide egokia zein den azaldu zaiela adierazi. Pertsona batek euskaraz hitz egiteko eskatu zien eta bera identifikatzeko eskatu zion ertzain batek. ARGIAk bideoan zabaldu zuen gertaera.


2018-09-13 | ARGIA
Bizitza Da Handiena asteko bi epaiketetako bat bertan behera utzi dute behin-behinean

Bi epaiketa izango zirela jakinarazi zuten Bizitza Da Handienako eragileek asteazkenean. Ostegunean epaitegietako mugimenduak jakinarazi dituzte: irailaren 25erako deituta zegoena bertan behera utzi dute oraingo. 15 urtez hutsik egon zen eraikin publikoaren okupazioa egotzita bi pertsonaren aurka egitekoak ziren epaiketa hori, eta gainera, mugimendu sozialen abokatu lanetan ari zen Haizea Nuñez auzipetu zuten bertan. Astelehen goizean Egiako epaitegi aurrean deitu duten kontzentrazioa... [+]


Ez deitu "borroka sektorialak", oinarriak dira

Nola borrokatu abiadura izugarrian eta inongo konplexurik gabe, Bruselatik hasi eta gure herrietaraino ezartzen ari diren politika neoliberalak? Nola geratu herritarren txirotzea, eskubideen etengabeko murrizketak, gure bizitzen espektakularizazioa?


Herri boteretik "Euskal Erregimena" borrokatuz

Maiatzaren 19tik 27ra Bizitza Da Handiena kanpaina gauzatu dute Donostian. 63 herri mugimenduk eta sindikatuk “borroka sozialen astearekin” bat egin dute, eta “herritarron kapitala” aldarrikatu dute. Lubaki desberdinek fronte bakarra osatu dute. Ozenen entzun den oihua turistifikazioaren aurkakoa izan da, izan ere, Turismoaren Mundu Erakundeak goi-bilera hirian egin behar zuen egunekin bat egin du mugimendu desobedienteak.


Citizens of Donostia to the World Tourism Organization: "We don't agree"

The Bizitza da handiena ('Life is the Greatest Thing') campaign was held in Donostia from 19th to 27th May. 63 citizens' movements and trades unions joined in with the "social struggle week" and proclaimed the need for a "citizens' capital". Different trenches have made up a single front. The anti-tourism protest got its message across, the World Tourism Organization holding its highest level meeting in city during the same week as the protest movement.


2018-05-27 | Xalba Ramirez
Abaraska proiektua
Etxebizitza, auzoaren eragile sozial

Erosi, alokatu eta okupaturen artean, etxebizitzaren arazoari erantzun berri bat ari dira entseatzen Donostiako Abaraska proiektuko kideak. Teilatu batetik harago, ingurua eraldatu eta beste bizi eredu baten oinarria izan daitekeelako jarri dute martxan etxebizitza kooperatiboaren proiektua. Definizio fasea behin igarota, bizitoki izango duten espazioa lortu eta errealitatera salto egiteko aliantzak josten dabiltza.


Turismo-eredu blindatua herri boteretik ziztatzen

Donostiako Idiakez kaleko eraikin okupatuak, Bizitza Da Handiena kanpainako kideek "Herritarron Etxea" izenpetu dutena, zutik dirau, borroka sozialen astearen sinboloak tinko mantendu ditu zimenduak. Zutik dirau Bizitza Da Handiena kanpainak berak, ez baitu imintzio dardaratirik erakutsi hamasei identifikazio, beste hainbeste borra-kolpe eta bi atxilotu jasan izanagatik ere.


2018-05-24 | ARGIA
Donostia erdialdean errefusarentzako edukiontziak zigilatu dituzte erraustegia salatzeko

kanpainaren barruan, Donostiako erdiguneko 100 edukiontzi zigilatu ditu Erraustegiaren Aurkako Mugimenduak, errefusaren edukiontziotan hondakinak uzten dituzten auzotarrak informatzeko oharrak ipiniz.


2018-05-24 | ARGIA
Azken txanpan sartu da Bizitza Da Handiena: pentsiodunen manifestazioa eta okupazioaren azken gaua

Maiatzaren 19tik 26ra Donostiako kaleetara ateratzeko dei egin du Bizitza da Handiena kanpainak. "Agintetik aurrera eramaten ari diren herritarron aurkako politiken aurka" eta "herritarron kapitalaren alde" egitea du helburu, eta hainbat sindikatu eta herri mugimenduk atxikimendua adierazi dute sare sozialetan. Turismoaren Mundu Erakundea asteartean iritsi da Donostiara, eta Bizitza Da Handienak ekimen ugari antolatu ditu horren kontra.


Eguneraketa berriak daude