Herritarrak eragile, udalekiko harremana euskaraz izan dadin
Euskal Herrian Euskaraz mugimenduak akuilatuta, herriz herriko dinamika berri bati ekingo zaio 2014tik goiti. Senperen aurkeztu zen egitasmoa eta udal administrazioaren eta herritarren arteko harremanak euskaraz izateko indarra egitea du helburu. Sebastien Irazoki EHEko kideak aipatu zuenez, “herritarrak aktibatzea” nahi luke kanpainak, hau da, herrietako biztanleak bultzatzaile bilakatzea, “euren borondate eta eskari zuzenetik” abiatuta, “Herriko Etxeetan eragiteko”.
Zentzu horretan, ekimena martxan jarri ahal izateko euskarriak ipiniko ditu EHEk bere internet orrian. Sinbolo gisa, abenduaren 23an Senpereko udaletxearen aitzinean bildu ziren EHEko ordezkariak, 2012an bertako izen ofiziala Senpere bilakatzeko lanean hasi baitziren, eta dinamika hori eredutzat hartu dute. Faltzeseko herritarren ahalegina ere goraipatu zuten.
Udala edo herriko etxea da herritarrongandik hurbilen dagoen administrazioa eta baditu hizkuntza politika egiteko konpetentziak. “Hortaz, herriko etxe zein udalari euskaraz bizitzeko dugun nahia errespetatu eta honekiko harremanak euskaraz izateko dugun eskubidea bermatzeko eskaria bideratuko diogu”, nabarmendu zuen EHEren oharrak.
Agerraldiaren amaieran, euskaldunon hizkuntza eskubideak kontuan hartzeagatik Espainiako Estatuaren jomugan dauden udalerriak izan zituzten gogoan.
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]
23. Korrikaren atarian, udalerri euskaldunetako bizilagun guztiek Korrikaren berri izatea garrantzitsua dela iritzita, diptikoa banatuko du UEMAk hamaika hizkuntzatara itzulita.
Beste urte batez, uda garairako, Salto! udaleku ibiltariak antolatu ditu UEMAk. Udalerri euskaldunetako gazteak elkartuko dira aisialdiaz gozatzeko. UEMAren helburua da “euskaraz bizi diren gazteek inertziatik kontzientziarako saltoa ematea eta horrekin efektu... [+]
2024 urte hastapenean adostuko du ondoko urteetarako hizkuntza politika Euskararen Erakunde Publikoak (EEP). Azken inkesta soziolinguistikoaren emaitzak eta EEPk 2050ari begira egindako aurreikuspenak esku artean, alarma gorria pizturik du euskalgintza sozialak: ezin da orain... [+]
EAJren, EH Bilduren eta Azkoitia Bairen aldeko bozkekin hartu dute erabakia. Udalbatza osatzen duten hamazazpi zinegotzietatik hamaseiren aldeko botoa jaso du Udalerri Euskaldunen Mankomunitatera (UEMA) sartzeko eskaerak.